الموضوع: تجربتي مع بنزين 80

ليه يا جماعه هوا ايه الي كان ممكن يحصل ده في الاول وفي الاخر بنزين وكمان خالي من الرصاص بس مشكلته ان الاوكتان مش قد كده كمان في عربيات كتير زيرو بيحطوا البنزين ال 80 لاكن بيظبطوا البوجيهات علي الوضع ده يعني بيساعدوا ال ecu علي تظبيط الكهرباء اسرع

نفس الموقف حصل معايا....بس انا بقى التانك كان تقريبا فضى واضطريت انى احط 80 ، حطيت حوالى 10 لتر يوصلونى لاقرب بنزين تانية

وحصل معايا برده نفسى اللى حصل معاك.....السحب قل جامد....وكان فى شوية كركرة خفيفة .....وكنت حاسس انها مكتومة جدا وزعلانة منى جامد

وقلت ياواد حطلها بنزين 95 علشان اصالحها بيه.....بس مكنش معايا فلوس.......ففولت التانك 92 وعملت نفسى مش واخد بالى

أعتقد ان ال 95 يفضل استخدامه للمواتير الجديدة وهايدى أداء أحسن كتير....

المشاركة الأصلية كتبت بواسطة ramyar

ليه يا جماعه هوا ايه الي كان ممكن يحصل ده في الاول وفي الاخر بنزين وكمان خالي من الرصاص بس مشكلته ان الاوكتان مش قد كده كمان في عربيات كتير زيرو بيحطوا البنزين ال 80 لاكن بيظبطوا البوجيهات علي الوضع ده يعني بيساعدوا ال ecu علي تظبيط الكهرباء اسرع

ليا واحد صاحبى عملها فى فيرنا 2010
راح بعدها غيرلها حساسات انجيكشن ب 1200 جنيه (دى فيرنا تخيل لو حساسات بروتون)


بالنسبه لعربيتنا بئا نسبة الانضغاط 10 تقريبا (نسبه عاليه)
اقل بنزين مسموح به 92

ماذا يحدث لو وضعت بنزين ذو رقم أوكتاني أقل من الموصى به لسيارتي أو أقل من المناسب لنسبة إنضغاط محرك سيارتي ؟؟
الجواب : يحدث الآتي:
1- لا تحصل على العزم وعدد الأحصنة المبين في الكتالوج بل أقل منه

2- صوت المحرك يرتفع ومن الممكن أن لا تحس بالفرق بنفسك لكن صوت المحرك سيرتفع بالتأكيد ولو بنسبة ضئيلة

3- قد يحدث في المحرك ظاهرة التصفيق (Detonation) والميكانيكي يقولك الموتور بيسقف وهذا صوت مثل الصوت الذي تسمعه لو أنت ماشي على الرابع على سرعة 20 كلم/ساعة وفجأة دست بنزين جامد تسمع صوت تكتكه هو ده التصفيق اللي يزيد عندك

وهذا التصفيق ليس صوت تصادمات كما يبدو ولكنه صوت اهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك (حالة نادرة)

4- التصفيق الكتير يقصر عمر المحرك على المدى الطويل

5- زيادة في إستهلاك البنزين لأن التصفيق والموجات الناتجة تزيد من فواقد القدرة داخل المحرك

خلى بالك من رقم 3 دى
يعنى احمد ربنا عدت على خير
ملحوظه : فى فرق كبير بين تسقيف الكهربا وتسقيف الموتور

علي فكره البنزين مالهوش دعوه بي حساسات الانجكشن خالص ومشكلته ان الاوكتان بتاعه
وده بيؤدي الي حدوث الحريق اسرع قبل نهايه شوط الانضغاط باقل من ثانيه عشان كده بنسمع صوت التسقيف ده لاكن مع ضبط ثغره البوجيهات علي 1.3 بدلا من 1.1 الصوت بيختفي تماما كمان البنزين ال 80 مابياثرش علي السحب والعزم لان انا كنت ماشي بي العربيه ومشغل التكيف وكنت ماشي علي 130كم كمان وانا راجع قرصت علي العربيه عشان يزيد الاستهلاك واخلص البنزين بسرعه وكنت ماشي 150 و 160 والعربيه عادي جدا لاكنكانت مشكلته التسقيف يعد نقل الغيار لان الفتيس الاوتو بينقل الي السرعه الاعلي اسرع من المانوال
لاكن في النهايه لازم نلتزم بتعليمات الشركه المصنعه

امممممممممممممم , موقف صعب الصراحه وربنا يسترها مع كل الناس وماحدش يحتاج يعمل كده ... لانه ممكن يسبب ضرر

سلملى على بيرو يامعلم لحد مانشوفهـــا

تحيـــــــــــــــاتــى

المشاركة الأصلية كتبت بواسطة ramyar

علي فكره البنزين مالهوش دعوه بي حساسات الانجكشن خالص ومشكلته ان الاوكتان بتاعه
وده بيؤدي الي حدوث الحريق اسرع قبل نهايه شوط الانضغاط باقل من ثانيه عشان كده بنسمع صوت التسقيف ده لاكن مع ضبط ثغره البوجيهات علي 1.3 بدلا من 1.1 الصوت بيختفي تماما كمان البنزين ال 80 مابياثرش علي السحب والعزم لان انا كنت ماشي بي العربيه ومشغل التكيف وكنت ماشي علي 130كم كمان وانا راجع قرصت علي العربيه عشان يزيد الاستهلاك واخلص البنزين بسرعه وكنت ماشي 150 و 160 والعربيه عادي جدا لاكنكانت مشكلته التسقيف يعد نقل الغيار لان الفتيس الاوتو بينقل الي السرعه الاعلي اسرع من المانوال
لاكن في النهايه لازم نلتزم بتعليمات الشركه المصنعه

مع كامل احترامى لكلامك
لكن معلوماتى ان خفض الكرباء دى فى العربيات الكربراتير فقط لان الانجيكشن مبرمج مع كمبيوتر العربيه على توقيت الشراره
واذا حاولت تعمل تغيير لازم يبئا عن طريق الكمبيوتر فى التوكيل مثلا مش بتغييربوجيهات او كده
بالنسبه للاداء فده 1000 % لازم يقل ولو بفرق غير ملحوظ اوى
بالنسبه لان الفتيس الاوتو بينقل بدرى عن المانويل فدى غريبه لان معلوماتى ان الفتيس الاوتو الذكى لو قرصت بنزين هاينقل عند 6500 ار بى ام تلقائى يعنى حسب الدوسه والمقاومه وكده مش مبرمج على سرعات معينه بدرى

تقبل تحياتى يا رامى باشا (دى معلوماتى)