الموضوع: استفسار من الاخ الاكبر المهندس طارق

السلام عليكم

بعد اذن حضرتك يا بشمهندس كان عندى استفسار
انا دلوقتى عندى عربية لانسر 1300سىسى خليجى عاملة دلوقتى 49600كم يعنى خلاص هانت على صيانة ال50 ان شاء الله بعد انا اول مرة اعمل صيانة بالمعنى المطلوب المقصود انى اول مرة اعملها فى التوكيل او بمعنى اصح افكر اعملها فى التوكيل علما انى عند صيانة ال40 قمت بعمل الاتى
1-تغير فلتر البنزين
2-تغير فلتر الهواء
3-تغير البوجيهات
4-تغير الزيت بموبيل وان
5-تغير فلتر الزيت
6-ربط العفشة والكشف عليها فى كذا مكان من خلاص رفع السيارة والنظر على العفشة من الاسفل

السوال عند الصيانة ال50 ما يتم عملة فى التوكيل انا عارف انى صيانة ال50 صيانة فردية يعنى زيت وفلتر وتشيك على السوائل وعلى العفشة بس الفكرة دلوقتى انا عندى مشكلة فى البارات هل من خلال الفحص بيدينى تقرير مثلا انى عندى حاجة مش مظبوطة فى العفشة ولا لازم طلب برسوم اضافية ولا العملية بتمشى ازاى دا الى كنت عايز اعرفة لانى غالبا عندى البارات فيها مشكلة بس مش عارف هل تستدعى التغير ولا لا ولا محتاجة تغير تكلفتها كام وتكلفة صيانة ال50 كام كلها عشان الواحد يبقة عامل حسابة بردوة مع اعتبار البارت
استفسار تانى معلش بطول على حضرتك كنت عايز اعرف كليبسات القوايم الامامية الى جمب السواق موجودة وسعرها كام

الف شكر مقدما لحضرتك واسف طولت على حضرتك
سلام عليكم