الموضوع: اقصى سرعه ممكنه

المشاركة الأصلية كتبت بواسطة night_phoenix

يسلم فمك
انا مقدر انفعالك لان انا ضد موضوع السرعه ده و بحسه مش مهم نتكلم عنه لان ممكن البعض تاخده الجلاله و يتحمس و يحصل ما لا يحمد عقباه
بس بالحق انت مش حاسس انك كنت حاد حبتين و خرج منك من غير قصد كام كلمه مش ولا بد؟
راجع كده؟
وشكرا ليك

يمكن عندك حق بس فعلا انت شايف محدش فاهم انه الكام دقيقه اللى هيوفرهم ممكن تفرق معاه العمر كله لو ربنا كتبله عمر و هنفضل طول عمرنا كده لان الناس فاكره العمليه خوف اكتر منها حرص على الناس قبل ما تكون حرص على نفسها طبعا بافتراض ان اللى بيجرى ده سوبرمان و مش فارق معاه بس انا مش سوبرمان ولا راكب دبابه و اخاف طبعا و مش مش عيب علشان ارواح الناس مش لعبه و و معرفش ازاى ممكن حد يعيش بذنب انه كان السبب فى موت ناس علشان كان بيسترجل على دواسه بنزين و حب يشوف ال 300 عادى يخرب بيت كلمه عادى اللى جبتنا ورا دى

المشاركة الأصلية كتبت بواسطة moha4tec

السلام عليكم
منور يا باشا
و حصل خير
و الجرى وحش فعلا اخره................. لا قدر الله .
انا الان امشى من 80 الى 100 فى طريق السفر الطوالى و بشغل الفلاشه و بسمع اغانى اكنى طالع رحله و بتمتع بالطريق و الهوا الجميل و الاغانى الحلوه ,و كمان بوفر بنزين جامد و العربيه مش مصدق انها بقت بتعدى ال650 كم فى التفويله فى الطريق الطوالى بصراحه مبصوت منها جامد لانى لما كنت بجرى كانت بتعمل 420 فى الفل تانك (فرق جامد موت ) و بصراحه بحس العربيه دى زى بنتى بحاول اعاملها كويس عشان الاقيها فى اى وقت تحت امرى .
يا سيدى الفاضل الكبير كبير بزوقه و ادبه و انت قمه فى الاثنين ,و اعتزارك دليل على سعة صدرك ,و احترامك للآخرين دليل على كرم اخلاقك ,و بالمناسبه دى خد حتة الشعر دى من تاليفى كنت كاتبها فى واحد زميلى فى الشغل انهارده ,راجل محترم زى حضرتك كده.

هلت انوارك
ووضحت بشايرك
يا شاكر ربك
يا مساعد غيرك
يا سيف فى مواعيدك
يا منور (منتداك)
يا مالى مركزك
يا سد يا عالى (اصل زميلى بسم الله ما شاء الله )
يا طاير فى العلالى
فى وجودك السما بتمطر لآ لى
و انت و الله عند قلبى اكثر من كل نفيس و غالى


و السلام ختام

المشاركة الأصلية كتبت بواسطة m.abdeen

يا سعادة الباشا هو انا قلت ال 215 دي على المحور بتاع ميدان لبنان !!!!!!
وبعدين ربنا ستر والحمد لله وكانت ثواني فعلا السرعة دي وقلتلك العمر مش بعزقة وطبعا كفاية احساس الرعب الرهيب على السرعة دي ربنا ما يعيدها وان شاء الله مش هتكرر وبعدين انا كنت ماشي وقتها110 وفي امان الله وواحد ربنا يهديه عمييك بنوره وطلقة من وراه والطريق فاضي قدامه وبعد ماعديته افاجىء بسيل من الشتايم بالكلاكسات والاشارات القذرة ممكن غيري يقول الله يسهله وممكن واحد تاني مجنون ويفضل وراه لما يلبسه ويضيعه فكان مني وبدون ما اشعر اني دوست وراه لغايت ماجبته وفؤجئت اني عديته والسرعة وصلت 215 انا اتصدمت لما بصيت على العداد وفضيلت معاه لغاية ما وقفته ونزلتله وخد اللي فيه النصيب لانه مش محترم وكان ايه الداعي انه يعمل كده شخص مش كويس وقال يتنطط بعربيته شوية وقالك يالا دي كيا عربية كوري في الضياع مثلا لما اتراذل عليه بس الحمد لله خد جزائه وشوف الكوري اللي معتقد انه في الضياع كما يقال هو ده سبب السرعة دي بس توببببببببه تاني الجنان ده انا مبحبيش السرعات العالية برده ........
الافندي المحترم ده كان راكب اودي a4 وخلاص بقى يا باشا متقنبنيش وعدت بسلام والحمد لله وشكرا ليك

اخى المحترم انا كنت بعلق بسخرية على السرعات العالية وقلت انى وصلت لسرعة 300كم/س فى ميدان لبنان على المحور والى يعرف طريق المحور كويس هيفهم انى دا مستحيل لان بساطة المحور عند ميدان لبنان تقريبا بيكون واقف وكان قصدى ان اغلب الطرق فى مصر غير مجهزة للجرى بسرعات عالية بغض النظر عن ان العربية تجيب السرعات ديه ولا ... سيدى المحترم انا لم اقصد التشكيك فى كلامك لكن اتمنى منك القيادة بحرص على سرعة معقولة تتناسب مع شوارعنا السيئة وسياراتنا الغير مجهزة بوسائل امان كافية
ولمنى من الله ان يستر طريقك وطريقى واخيرا خالص تحياتى وتقديرى لسيادتكم

م/خالد مهران