موضوع مهم للرفع
عرض للطباعة
موضوع مهم للرفع
على فكرة وعن تجربة شخصية القديم ورا افضل
كنت راكب عربية فيليشيا ومعايا ييجى 4 كمان وماشى 120 العربية الفردة الشمال ورا ضربت بس الحمد لله العربية ما عامتش خالص انا كلبشت فى الدريكسيون وما دوستش فرامل نهائى ..
يمكن ربنا ستر عشان كنا 5 فى العربية فكانت تقيلة ...والله أعلم
ياشباب انا عاوز اعرف اي الي يعيب الكاوتش بالظبط انه يكون ممسوح ولا مشقق ولا اي بالظبط يعني من الاخر امتي احكم عالفردة دي عاوزة تتغير؟؟؟؟ ثانيا عند ملأ الكاوتش بالهوا اي الضغط المناسب يعني ازاي احسب الضغط المناسب حسب مقاس الكاوتش ودرجة حرارة الجو .وفي حاجة غريبة لاحظتها انا بظبط الظغط هلي ٣٠ وبعدها باسبوعين حسيت الكاوتش مريح رحت ازود لقيت الراجل بيقولي دول ٤٠ ونقص منهم مش زود بقوله ازاي بيقولي في الصيف كدا يابيه مع ان الكاوتش ماكانش سخن العربية كانت راكنة بس هتفهمه ازاي هو ممكن مان الميزان بتاعهم بايظ
من الاخر وحسب خبرتي العربيات الخلفي زي الشاهين وال 131 والبي ام والمرسيدس و الخ لما تجيب فردتين جداد حطوهم ورا
اما العربيات الامامي زي غالبية العربيات عندنا من كيا وهيونداي واوبل ومعظم الفيات لما تجيب فردتين حطوهم قدام
ولو لاحظتو الفيديو هتلاقو العربيات المستعملة في الفيديو دفع خلفي عشان كدة الافضل ليها ان يحط الجديد ورا
انا عمري ما غيرت فردة او فردتين كل ما بغير بغير الاربعة مع بعض حتي لو عندي فردة حالتها كويسة اما بخليها استبن او ببيعها محبش امشي ابدا وانا قلقان من اي حاجة . خصوصا في الايام دي الحالة الامنية زفت فمفيش مجال انك تقف علي اي طريق اصلا ده طبعا لو ربنا سترها معاك والعربية متقلبتش هتضطر تنزل تغيرها و ممكت تتثبت لا قدر الله
شكرا على الافادة ربنا يجزيك خير
بس تقريبا ده للطرق المبلله فقط
شكرا لصاحب الموضوع .. الفيديو صح 100%لانها حصلت معايا شخصيا .. جبت فردين جداد حطيتهم قدام زي ما معظم الناص وصت .. و العربية اتزحلقت مني و لولا ستر ربنا كان حصل ما لا يحمد عقباه .. و فورا غيرت الفردتين اللي ورا كمان .. علي فكرة العربية سوزوكي فيتارا 2009 و هي جر رباعي مستمر
3 حاجات تحكم بيهم على الفردة:
المعاينة الظاهرية... يعنى تبص على الفردة بعينك و تشوف هل مشققة او متاكلة و منحولة... هل هى تامة الاستدارة ولا لا... هل فيها بلالين ولا لا...
الكيلومترات المقطوعة... ينصح بتغيير الفردة بعد ما تعمل 40 الى 50 الف كيلو
العمر... ينصح بتغيير الفردة بعد مرور 6 سنوات من تاريخ الانتاج
يجى هنا السؤال المهم... لو المعاينة الظاهرية بتقول ان الفردة تمام التمام... بس الفردة ماشية اكتر من 50 الف او فات عليها اكتر من 6 سنين... نغيرها برضة؟
الاجابة نعم... استخدام الاطار على الطريق بيسبب اجهاد للكاوتش نفسة و اقصد هنا الطبقات الداخلية للفردة مش المداس الخارجى و الاجناب الظاهرة للعين و دى مفيش طريقة تقدر تعاينها بيها او تحدد حالتها لانها جزء داخلى من الاطار نفسة
نفس الكلام بينطبق على العمر... الوقت بياثر على الكاوتش و بيسبب تحلل و تفكك ممكن ينتج عنة انفجار و تمزق الفردة على سرعة عالية او مع الحمل الكبير
بالتالى يفضل تغيير الفردة حتى لو شكلها كويس لان العوال الاخرى (المسافة و الزمن) بتاثر على كفاءة الفردة بشكل لا يمكن قياسة مما يترتب علية زيادة عنصر الخطورة من استخدام الفردة
الضغط الصح هتلاقية مكتوب فى كتالوج عربيتك او مكتوب على الستيكر اللى ملزوق على القايماقتباس:
ثانيا عند ملأ الكاوتش بالهوا اي الضغط المناسب يعني ازاي احسب الضغط المناسب حسب مقاس الكاوتش ودرجة حرارة الجو
99% من بتوع الكاوتش المقاسات بتاعتهم بايظة ولا يعتمد عليها نهائى...اقتباس:
.وفي حاجة غريبة لاحظتها انا بظبط الظغط هلي ٣٠ وبعدها باسبوعين حسيت الكاوتش مريح رحت ازود لقيت الراجل بيقولي دول ٤٠ ونقص منهم مش زود بقوله ازاي بيقولي في الصيف كدا يابيه مع ان الكاوتش ماكانش سخن العربية كانت راكنة بس هتفهمه ازاي هو ممكن مان الميزان بتاعهم بايظ
- اضبط كاوتش فى حتة محترمة
- يفضل تشترى مقاس كاوتش خاص بيك اضمن
- يفضل تملا الكاوتش نيتروجين
- اضبط الكاوتش و هو بارد... يعنى متمشيش بالعربية مسافة كبيرة لان الهوا بيسخن مع المشى و بيتمدد و هيرفع ضغط الفردة
MMamdouh