اللى بينقد مش عشان قديس عشان الوضع مأساوى اكتر مما تتخيل و ماغيش امل
و اللى يعرف يهرب يهرب و يبقى يقول اللى عايزه حتى لو غزل فى مصر
مافيش دوله ولا فى بلد دلوقتى
عرض للطباعة
اللى بينقد مش عشان قديس عشان الوضع مأساوى اكتر مما تتخيل و ماغيش امل
و اللى يعرف يهرب يهرب و يبقى يقول اللى عايزه حتى لو غزل فى مصر
مافيش دوله ولا فى بلد دلوقتى
حضرتك مش عايش في مصر
اللي بتشوفه في اجازة بشكل اختياري احنا بنشوفه كل يوم بشكل اجباري
نقدي في مصر و تصرفات "الكثير" من شعبنا هو حقيقة لا ينكرها الا غافل أو غايب
و النقد لا ينبع من كوني ملاك أو قديس
ده من كوني انسان عايش اعيش "بكرامتي و أعصابي" سليمة
بس ..
ياباشا حضرتك عايش بره مصر مش شايف اهلها بيتحرقوا بنار الحكومة بتاعتها كل يوم ازاي ....مش معنى كده اننا بنكره بلدنا بالعكس احنا روحنا فيها بس نفسنا تتقدم للأحسن .. يعنى لما تلاقي امين شرطة يغلس عليك عشان يطلع منك بقرشين , لما تلاقي شوارع مكسرة ومبهدلة والحكومة ولا هي هنا ولا في دماغها انها تصلح الشوارع دي , لما تلاقي الوساطة والمحسوبية والبلطجة مسيطرة على الشارع المصري حتى في المخالفات .... ده على سبيل الحصر يبقى لازم ننقد الوضع ده لعل وعسى يتغير وده برضه من حبنا لبلدنا .
الموضوع مش مستاهل ده كللو
كل واحد جواه مصر اللى عارفها وبيحبها بطريقته ..........
وبردو بيكره حاجات فيها بس مش معنى كده انو .... بيكره البلد
ممكن فى سلبيات كتير ...... بس احنا السبب فيها ... فعلا ده مظبوط .... بس مضطرين نعمل السلبيات دى
يعنى نقدر نقول رد فعل للى بيحصل فينا
بجد فى ناس كتير مظلومين من البلد .... مش قصدى طبعا من تراب البلد ... أقصد ( النظام )
انا بحكم شغلى بسافر كتير ... مش احنا بس اللى بننتقد بلدنا .... الصينين كمان بينتقدو بلدهم ونظامهم
ومش عاجبهم الحال
اصلا ده موضوع فطرى ........ (محدش عاجبه حاله )
تقبلو مرورى :satelite:
لا يا باشااااا الوضع مختلف تماما .
كل شعوب العالم بتغضب على حكومتها لاسباب بتبقي واضحة و غالبا الحكومة مبيبقاش قدامها خيار اخر .
لكن انت فى مصر بيطلع السيد المسئول فى التليفزيون فى وشك و يقولك احنا هنخصص البلد و احنا هنبيع البلد و احنا هنرفع الضرائب و هنلغى الدعم و كل المواد الانتاجية و الغذائية هتغلى و جمارك مش هتنزل و مياه فاسدة و هواء لا يعرف النقاء نهائي و ده الحكومة ليها سبب فيه و ممكن اقولهولك لو عاوز .
و بعدين يقولك العلاج على نفقة الدولة ملغى فى حين ان زوجات المسئولين يطلعوا يعملوا عمليات بملايين على حساب الدولة .
عمولات و رشاوى و روتين فى جميع المصالح الحكومية عينى عينك و لا تقدر تفتح فمك .
كل مسئول ووزير ياخد من البلد و الوزارة اللى هو عاوزه , عندك وزير التجارة رجل صاحب شركات تجارة بالرغم من انه سمعته كويسة الا انه لا يصلح للمكان ده ابدا .
وزير الاسكان واخد نص البلد ليه و عارف كل قطعة فى البلد تسوى كام و بيشترى و يغلى و يبنى و يعمل كل اللى هو عاوزه .
عضو مجلس الشعب ياخد متر الارض ب 1 جنيه و الشاب الغلبان ياخده ب 1000 و اكتر كمان و اذا كان عجبك .
تحب اكمــــــــــــــــــــــ ــــــل ؟
واحب اضيف على لكلام الى فوق ان حضرتك بتقول الى متضايق يتفضل يمشى هو حضرتك مسمعتش عن الشباب الى بيبيع كل حاجة يملكها ويكرر انة يسافر هجرة غير شرعية فى مركب فى البحر وبيعرض نفسة للموت عشان يحاول يسبها ومش عارف يعنى الشباب دة وصل لمرحلة انة ليسبها ليموت وبردة مش عارف يسبها وحضرتك مسمعتش عن البطل المصرى الى راح يلعب بطولة معينة فى ايطاليا (مش فاكر لعبة اية ) وهرب من المعسكر واشتغل شيال فى ايطاليا وقالهم انة كدة بيكسب اكتر من الفلوس الى بيخدها لما كان بطل رياضى فى مصر
الموضوع عجيب وتساؤل اعجب واللى مش عاجبة يتفضل يمشى ؟؟؟
متزعلش منى دة كلام واحد مش عايش ولا حاسس بالبلد خالص
ولو على الناس اللى عايزة تمشى لو كان ينفع كان زماننا سايبنها فاضية عليهم من زمان زى ما حضرتك مشيت
اما المنتدى هوة سيارات اة بس فى اقسام كتير ومنها الاجتماعى اللى احنا فية نتكلم عن نفسنا مهو اجتماعى ولا انا مش فاهم
ودى ظاهرة كويسة ان الناس تتكلم ونواجة عيوبنا عشان نصلحها
انما نقول احنا زى الفل واحسن بلد واحسن ناس كل دة جابنا ورا
احنا مش احسن بلد ولا احسن ناس ولا احنا زى الفل وفى ناس غيرنا كانت زينا وبقت احسن فعلا
دة اللى احنا بنقولة وبنتناقش فية
انما هنعد نفخم فى نفسنا ونقول كل بلد فى العالم عندها الحلو والوحش
اة فعلا بس بيبقى الحلو هوة الغالب ودة صحى وطبيعى
مش العكس
على فكرة اكتر واحد بينقد هو اكتر واحد عايز يغيير