+111111111111111111111111111111
عرض للطباعة
شكرا للجميع لكل من هاجم وكل من دافع بس انا بعيدا عن شخصنه الموضوع كل قصدي كان حاجه واحده
مش كل واحد خرج بره البلد وشاف ايجابيات في البلد اللي هو راحها لما يرجع بيبقي عايز يبين للناس اللي حواليه انه شاف حاجه واو يعني محدش شفها ويقعد يقول علي الشعب ده همج وجاهل اه احنا عندنا مشاكل كتير بس اللي بيغيرها احنا مش غيرها ولما كل واحد مننا شايف ان العيب من النظام ليه مانعملش ثوره هيا الحكومه عددها كام واحنا كام بس مش كل واحد يتكلم يقول العيب في النظام طب مانغير النظام وقبل ما اي حد يقول انا بره والكلام ده انا كل اللي مسافره بقالي سنتين وبنزل اجازه كل 6 شهور وبعدين للبيقول ان ايدي في المياه ومش في النار والله ياجماعه ماحدش عاجبه حاله هي دي طبيعه البشر ومع شكري للجميع واتمني ان محدش يكون زعل مني:satelite:
هما حتى سايبينا نمشى اصل احنا لو مشينا هما حايعذبوا فى مين يعنى[size="6"[/size]
أنا عايش برة مصر من زماااان .. ومش بكره مصر ولا حاجة بالعكس بحبها جدا ونفسي ارجع واعيش فيها وبحلم بمجتمع متحضر وراقي ونظيف والناس مستريحة ومتحضرة.. بس الحياة برة بتفتح عنيك وبتصحيك من نوم عمييييق .. ولما بنقول على الأحوال في مصر كدة ولا كدة بنقول من حرقتنا على حال بلدنا .. على حال أهلنا وناسنا .. على بيتنا وشارعنا .. اللي عايش برة مصر بيحب مصر أكتر بكتيييير من اللي عايش فيها من الغيرة اللي بتاكل قلبه كل يوم .. بنتكلم على الذوقيات والتحضر يمكن واحد يقرأ وياخد باله ويحاول يغير من نفسه .. بنتكلم في منتدى زي دة على سواقة السيارات في مصر لربما واحد متهور ولا غشيم يفوق ويغير من نفسه .. العيب بأى اني أشوف البيئة الي حوالية مش نظيفة والسلوكيات سيئة والذوقيات منعدمة والآدمية غير موجودة .. واقول هوة كدة واللي مش عاجبه يمشي
معلش بأه مع احترامى ..
اى حد تانى يفتح الموضوع ده وارد عليه ..
مش عارف حضرتك اللى فاقد الشئ لا يعطيه ؟؟
مش عارف ان اللى ايده فى المية مش زى اللى ايده فى النار ؟؟
مش عارف ان اللى بيته من ازاز ميحدفش الناس بالطوب ؟؟
لما تبأه ترجع البلد وتسيبك من البلد اللى مقيييييم فيها .. نبأه نتكلم
استفزاز فعلا
اكتر حاجة بتتعب الناس وجود قانون ويطبق علي البعض والبعض لأ
يعني وجود ظلم وعدم عدالة
وانك بتتسرق ببجاحة
ولانعدام القدوة
يعني لوبتنصح ابنك انه مايدخنش وشايفك بتدخن مثلا كدة لو اتكلمت معاه للصبح عن مضار التدخين ولا الهوا مفيش تأثير لان القدوة بتقول غير كدة
وطبيعة البني أدمين التقليد وبس احسن ..........
وهي حالة زهق واللي حاصل ده من اسباب نجاح اللمبي اعمل نفسك زيه مش شايف او عبيط علشان متتعبش
وخدلك سيجارة بني
وتحياتي
ماتزعلشى منى بس هو الموضوع مستفز جدا و اللى حضرتك كاتبه مستفز اكتر
لما تنفع ترجع بلدك و تعيش فيها وتاكل و تشرب منها ابقى اتغزل فيها براحتك
لما تحس انك مواطن شريك فى البلد و صوتك مسموع ابقى هاجم اللى مش عاجبهم الوضع
لما تعمل حاجه عشان تفيد البلد ابقى انقد اللى هيطقوا منها
بس مش قاعد انت فى بلد تانيه و بتحوش قرشين و سايبها تخرب ما تعمر و متضايق عشان فيه ناس شايفه البلد انتهت
لو ماكنتش انتهت ماكنتش هتبقى عند اللى انت عندهم و مديرك اصغر منك فى الخبره و تقوله حاضر و يبقى ليك كفيل هو المسئول عنك عشان هما شايفينك مواطن ماتنفعش تبقى مسئول عن نفسك او بلدك ماتقدرش تبقى مسئوله عنك
حوش القرشين و ارجع و اقعد احكى على النضافه و الاكل و مش عارف ايه عشر سنين قدام زى كله ما بيعمل
(كلامى مش موجه لحضرتك بالذات-كلامى موجه عام لشريحه كبيره ينطبق عليها اللى انا كاتبه)
السلام عليكم جميعا
اذا سمحتولى اعمل مداخله بسيطه معاكم
انا شايف ان حل الموضوع دا علشان الناس تقتنع ان كل بلد ليها مشاكلها مش مصر بس
كل واحد عايش بره مصر لفتره طويله او قصيره مش هتفرق يخش يكتب ايه اللى معجبوش فالمكان اللى سافرله وفى نفس الوقت يكون الحاجه اللى معجبتوش دى مش موجوده فى مصر اوفى احسن منها