على قد المبلغ اللي معي هجيب مستعمل ولو كان 128 - 127 . القسط بيقطم الظهر ويعول الهم
على قد المبلغ اللي معي هجيب مستعمل ولو كان 128 - 127 . القسط بيقطم الظهر ويعول الهم
فعلا زي ما الزميل قال لو معاك فوق 50 الف هات زيرو وقسط الباقي لو اقل من 50 هات مستعمل, وده لأن الفايدة مش هتبقى كبيرة قوي عليك, وهتستفيد من الزيرو وتشتري داغك من التصليح بصراحة وان العربية تطلع زي البطيخة لو جبت مستعمل
اقتباس:
المشاركة الأصلية كتبت بواسطة د.محمود صلاح
شكرا يا دكتور على النصيحه
تحياتي
من رايىء المتواضع طبعا سيارة مستعمله لان الزيرو و كمان قسط خسارة كبيرة جدا لان عربيتك مش بتجبلك فلوس بالعكس بتصرف عليها فلوس و فى الاخر خسران خسران يبق ابقى خسران بفلوسى احسن من سيارة قسط و فوايد و قرف و اوراق .
هات كسر زيرو يغنيك بردو عن الزيرو القسط
انا كنت محتار زيك كده بس ربنا وفقنى بعد ما بعت عربيتى الزيرو الكاش بعد الخسارة الكبيرة فى عربية الحمد لله كويسه جدا و حالتها كمان كويسه جدا
المستعمل يبقى احسن
لان التقسيط بيحسسك انك مخنوق و مقيد و غير كده ثمن العربية بالفوايد بيكون عالى و لما تحب تبيع بتخسر خسارة الزيرو و الفوايد الى دفعتها
شكرا جزيلا على المشاركه الجميلهاقتباس:
المشاركة الأصلية كتبت بواسطة golf2010
تحياتي
ألف شكر على المشاركه ورأيك واقعي وانا مقتنع بيهاقتباس:
المشاركة الأصلية كتبت بواسطة ahmedsameir
تحياتي
شكرا جزيلا يا بشمهندس على الرأي السديد دهاقتباس:
المشاركة الأصلية كتبت بواسطة eng.m mahran
ومنور التوبيك
تحياتي
أنا اشتريت عربيتي بالقسط من خمس سنين، و أقدر أقول لك إن لحد ما دفعت أخر قسط ما كنتش واخد راحتي ولا حاسس إن العربية بتاعتي .. دايماً كان في قلق من حاجة تحصل و ما أعرفش أكمل القسط .. دا غير طبعاً إن لو لا قدر الله حصل أي حاجة للعربية إنت بتكون مزنوق في فلوس التصليح مع القسط .. أنا حالياً بأدور على كسر زيرو، و ربنا يوفق.
اقتباس:
المشاركة الأصلية كتبت بواسطة azakareya
شكرا جزيلا على نقل التجربه والمشاركة الفعاله
تحياتي
والله أنا كنت في نفس حيرتك ده لحد ما صلّيت استخارة وتوكلت على الله وجبت عربية بالقسط على 4 سنين, بس إن شاء الله ناوي اخلص فلوسها قبل ال 4 سنين إن شاء الله.
وطبعا تفرق إنت متجوز ولا لأ, وعندك اولويات تانية ولا لأ برده.
تحياتي.
اﻻجانب بيقولوا لو انت غنى اشتري سياره مستعمله ولو مش غنى اشترى زيرو لكن نصيحه مني لو قدامك سياره مستعمله من حد معرفه وثقه توكل على الله غير كده يبقى زيرو