الموضوع: اخر مشاكل الريجاتا

المشاركة الأصلية كتبت بواسطة amro1965

كانت عندى نفس المشكلة السيارة تمشى حلو الاولانى والثانى والثالث كويس بجيب به بسرعه 80 كيلو لكن لما اجيب الرابع علشان ازود السرعه متجيبش حتى لو زوت بنزين لما فتحت الكبوت وجدت احد البوجيهات مفكوك ركبته السيارة مشيت كويس
ابدأ تنظيف البوجيهات كويس وشوف النتيجة او غيرهم وريح دماغك

سيتم مراجعة البوجيهات وسنوافيكم بالنتيجة

المشاركة الأصلية كتبت بواسطة amro1965

على فكرة سيارتى ريجاتا برضه
كان من الافضل وضع مداخلتك فى مالكى ومحبى الريجاتا هيفيدوك افضل نظرا لان السيارات واحدة

والله ياباشا انا قلت مشكلة عامة ممكن تبقي في الريجاتا او اي عربية وعامة ملحوقة وادينا عرفنا اخ محترم معاه ريجاتا بردو

المشاركة الأصلية كتبت بواسطة محمد عبد العزيز

بص على البوجيهات
ونظف الكربراتير بالمره

المشاركة الأصلية كتبت بواسطة semsem kane

اول حاجة بس باريت تحدد صوت الخبطة دية بتيجى منين ؟

فى الاول والتانى هل العربية سحبها كويس ؟

ياريت تشوف فية سخونة على الجنط ولا لأ ؟

وهل بتعمل معاك كل مرة كدة يعنى تفضل ماشى وبعدين فجأة تروح مدية صوت الخبطة دة والعربية بتسحب بعديها ؟

والله الخبطة دي بتبقي من جوة الحوض وطبعا ببقي ماشي ف مش قادر احدد مصدرها منين في الحوض بالظبط
اما السرعة علي الاول والتاني والتالت كمان عادي جدا انما لما بجيب الرابع السرعة بتيجي لحد 80 وتبدأ العربية تتنح ادوس اكتر صوت الموتور زي ما قولت مكتوم وعالي وبعد كده خبطة ثم السحب والسرعة تجيب ال 100 وال 110

المشاركة الأصلية كتبت بواسطة m_mekkawy

بيكات السلانسيه والكربيراتير عموما مش مظبوطه او الكوندينسر والأبلاتين والبواجى والسلوك بتاعتها لازم تتفحص
و الخبطه دى مش خبطه ولا حاجه دى بيقولو عليها بلهجه الميكانيكيه بتعطس وبعد العطسه بتفتح

المشاركة الأصلية كتبت بواسطة ahmed_moeaz

نضف دورة البنزين بداية من التنك واغسله كويس ونضف بكات الكاربتير وان شاء الله تتحل مشكلتك

المشاركة الأصلية كتبت بواسطة أبومريم

كربراتير غالبا زي ما الناس قالت

شكرا للكل وجزاكم الله خيرا
وانا طلعت من اراء حضراتكم جميعا ب 2
اولهما مراجعة البوجيهات والثانية مراجعة الكاربراتير
وان شاء الله اوافيكم بالجديد
وجزاكم الله خيرا