هو صحيح فيه طريقة لتصليح الكاوتش غير الخابور

**waleedseng** · 25-06-2010 02:29 PM

هل في طريقة لتصليح الكاوتش غير الخابور علشان كنت قرأت هنا في المنتدى إنه بيبوظ الكاوتش.

**heshamzaky** · 25-06-2010 02:38 PM

طبعا يا باشا الراجل بيفك الفردة و بيلحمها عن طريق لحام سريع زى رقعة حمراء مدورة بتتلزق فى الفردة من الداخل اسمها بالبلدى لحام سريع و دة كويسة بس بتاع الكاوتش بيطر يفك الفردة من الجنط و يركبة تانى و طبعا بتاع الكاوتش عاوز يسيسهل فبيعمل الخابور حتى ممكن و العجلة راكبة فى العربية كسل منة و استسهال

**Akram** · 25-06-2010 10:08 PM

زمان كانت طريقة اللحام ان الفردة تتفك من العربية و يفك الكاوتش عن الجنط و يجيب قطعة مطاط و بعد وضع الكولة يتم وضع الكاوتش تحت سخان لتسييح المطاط و قفل الخرم ,

و الان بيتم استبدال المطاط بلازق جاهز و فبه انواع امريكي مثلاً و فيه مقاسات ,
أما موضوع الخابور فده بيضعف بنية الكاوتش و لا يفضل غير في الطوارء ,,

بس زي مابيقول الزميل أ-هشام:

المشاركة الأصلية كتبت بواسطة heshamzaky

طبعا بتاع الكاوتش عاوز يسيسهل فبيعمل الخابور حتى ممكن و العجلة راكبة فى العربية كسل منة و استسهال

**Islam_galal** · 25-06-2010 10:28 PM

الخابور وسيلة تدمير و ليس تصليح و خصوصا لو الكشف علي العجلة يتم و هي في مكانها
كما قال الأفاضل أعلاه و هناك لاصق في شركة النيل (بريدجستون) اسمه تيب توب - ألماني أغلي و لكن أعتقد أفضل

**elmadawy** · 25-06-2010 10:46 PM

والله يا جماعة الواحد ما بقاش عارف الصح من الغلط انا بصراحة مبحبش موضوع الخابور ده لكن مرة حصل في فرده من الكاوتش العربية خرم ولما رحت لبتاع الكاوتش اعد يحلفلي بكل حاجه ان الجابور افضل حاجه وسيبك من بقول غير كده انا شغال في الموضوع ده وعارف ولو عايز نلحم الفردة مافيش مشكله فياريت نعرف اكثر عن هذا الموضوع والاضرار الناتجه من الخابور وشكرا

**MoStAfA-StabS** · 25-06-2010 10:48 PM

متابعععععع

**zizo50001** · 25-06-2010 10:48 PM

طب ياجماعة الاخرام اللى بتبقى فى الزاوية بينفع معاها تشخين ولا دى لازم خابور

**cheetos_892005** · 26-06-2010 03:04 AM

المشاركة الأصلية كتبت بواسطة zizo50001

طب ياجماعة الاخرام اللى بتبقى فى الزاوية بينفع معاها تشخين ولا دى لازم خابور

اللي فالزاويه بيتلحملها لحام اسمو ((بادج))
عباره عن استيكر مطاط كده العامل بينضف المكان كويس و يحط ماده لازقه و يحط البادج و خلصنا

**Islam_galal** · 26-06-2010 11:23 AM

في مواضيع كتير عن أضرار الخوابير هنا في المنتدي
فردة الكاوتش هيكلها من شبكة من السلك و الخابور هو في الأساس توسيع للفتحة الموجودة في الاطار لوضع الفتيل و هذا التوسيع هو تدمير للشبكة السلكية و مع تكرار الخوابير تلتوي الشبكة السلكية يعني بالبلدي الفردة بتتلوح حتي لو كانت لسة جديدة

طبعا الصنايعيه معدومي الضمير كمان بيكشفوا علي العجلة عن طريق رفع ضغطها بشدة و سكب محلول الصابون عليها و هي في مكانها و يطلع فيها 6 أو 7 أو أكثر و يظبطها خوابير في دقيقتين و صاحب العربية يدفع مش أقل من 100 جم إلي 300 جم و بعد شهر ترمي فردة الكاوتش

**heshamzaky** · 26-06-2010 11:45 AM

على فكرة انا و الله ضحكت بسبب ان الصنايعى بيحاول يكشف على الفردة عن طريق زجاجة الماء و الصابون دى قولتلة اية دة يا ابنى انا حا تعقم الفردة و تعملها عملية سيبك من شغل الهبل دة و ضع الفردة بأكملها فى حوض الماء للكشف و بالمناسبة لو الراجل كشف لك على الفردة بالماء و الصابون حتلاقى فقاقيع هواء كتير و بالتالى عدد الاخرام و الشغل حا يبقى كتير خلى بالك دة نصب لان العجلة بتبقى سخنة و الصابون حا يطلع فقاقيع فية زميل فى المنتدى اتنصب علية و الراجل اخذ منة مبلغ محترم بلاش موضوع زجاجة الصابون هو صنايعى ولا فاكر نفسة انصح خلق الله خلو بالكم

الموضوع: هو صحيح فيه طريقة لتصليح الكاوتش غير الخابور

LinkBack

أدوات الموضوع

عرض

-

-

-

-

المواضيع المتشابهه

طريقة لحام الكاوتش بالخوابير

اللحام السريع (الخابور)

طريقة قياس مستوى زيت المحرك بشكل صحيح

طريقة تفحيم الكاوتش

هو صحيح السيتى ضغط الكاوتش قدام غير ورا!!

الكلمات الدلالية لهذا الموضوع

المفضلات

المفضلات

ضوابط المشاركة