الموضوع: الفيوز بتاع مروحة التكييف

اعتقد ان كدة المروحة بتعمل حمل امبير زائد على الفيوز over load هو اللى بيخليه يسيح ، وده معناه اما ان المروحة بتلاقى مقاومة شديدة(جلب محجرة مثلا) او ان عزل بوبينة المروحة ساح جزئيا

ممكن تعمل تجربة بسيطة توصل المروحة العالية من البطارية وتقيس الأمبير بتاعها اثناء التشغير باستخدام جهاز آفو (جهاز بسيط جدا بيتباع عند محلات مستلزمات الكهرباء من اول 20 جنيه) وتجرب نفس التجربة مع المروحة الواطية وتشوف الأمبير، ولو فيه فرق واضح فى الأمبير يبقى عندك مشكلة فى المروحة دى، وبرضه ممكن تكتفى بقياس الأمبير بتاع المروحة اللى فيها مشكلة وتشوف اذا كانت بتسحب امبير اكتر من المقنن بتاع الفيوز يبقى برضه فيها مشكلة وممكن تقصر وتفكها وتخلى كهربائى يكشف لك عليها

موضوع الاصلاح و عمل الجلب فاشل جدا فى مصر لان الخراطين بيعملو جلب نحاس مش جرافيت فهترجع تقفش تانى بعد فتره و الموضوع كله مسكنات فقط

المروحه مهمه جدا و روح العربيه و راى التغير احسن وريح دماغك بدل ما تدخل فى وش سلندر