الى خبراء 127عااااااااااااجل أرجووووكم

**sleepyhammer** · 13-02-2008 11:44 AM

السلام عليكم يا أهل الخبرة
بداية احب اشكركم على هذا الموقع الفوق ممتاز ويارب دائما الى الامام
انا الحمد لله اشتريت 127 فيورا 5 غيار
بس طبعا مفيش مستعمل يخلو من العيوب
الاول انا جديد فى السواقة بس الحمد لله سواقتى هادية وبحاول احافظ على العربية
من كام يوم عملت بيها كام مشوار وبعدين قولت ابوص على الزيت من تحت لأيتها بتنزل نقط زيت هما مش كتير بس حولى نقطتين تلاتة كل دقيقتين مثلا
المهم روحت للميكانيكى قالى لازم نحل الموتور خالص ونغير حاجة الصراحة مش فاكر اسمها ( هو صاحبها الاولانى كان عملها عمرة موتور كاملة من سنة ونص عند نفس الميكانيكي ) فالميكانيكي قالي هيه كانت بتنزل زيت من فترة بس كانت نقطة واحدة فكان صاحبها بدل ميحط زيت كل 8 شهور مثلا يحط كل 6 شهور وكان ماشى عادى
وبيقولى هيه حاجة كان بيعملها عند خراط فتعملت واسعه شوية هيه الى بترشح الزيت ده فعايز يفك الموتور تانى ويعملها؟؟؟؟المهم انا مش عارف أتصرف ازاى انا لسه بقول يا هادى فى سواقتها
افيدونى لو حد عنده فكرة
حاجة تانية معلش – مكنتش بدور؟ البطارية مكنتش متوصلة كويس انا هزيت القواشيت بتعتها بس فلقطت اعمل فيهم ايه اربطهم كويس ازاى وبعد ما قامت شميت ريحة بنزين جامد فبصيت لاقيت نقط كتير بتنزل من عند الرداخ والخرطوم الى واصل فيه فشيلته ودخلته على الاخر تانى منزلش هل اتبت عليه بالمفك كويس ولا اعمل ايه ولا لازم ميكانيكى بردو
المهم مش حطول عليكم

وشكرا لاستماعكم ويارب الاقى حل عندكم

**barakat_1986** · 13-02-2008 01:33 PM

الميكانيكى قالك عاوز يغير اويل سيل كرنك.....هو دة اللى قصدك علية.؟

**sleepyhammer** · 13-02-2008 01:46 PM

بيتهيألى بس بردو حسأله واقولك
ولو هوه ده حيحتاج يرفع الموتور

**barakat_1986** · 13-02-2008 01:49 PM

حسب نوع العربية.......مثلا انا معايا هيونداى اكسيل ممكن يحل المتور او الفتيس بس الافضل يحل الفتيس.....اما فى 127 معنديش خبرة بها بس اكيد لازم تحل المتور او الفتيس

**ofaashash** · 17-02-2008 11:23 PM

انا عندى نفس السياره وحكاية الزيت دى فى العربيات دى عادى جدا واكتر من كده المهم كل فتره شوف مقاس الزيت وذوده لو محتاج ونصيحه الميكانيكيه دول اصلهم فشله خرجوا من المدارس واترموا فى الورش وصعب جدا تلاقى حد فيهم فاهم كل امور التصليح عندهم بالمحاوله والتجربه انا شفت كتير بس فى الاخر اتعلمت على العموم هذه السيارة سهل جدا انك تتعلم تصليحها بنفسك وعم الاويل سيل مش بيحتاج فك هو من جانب الدينموا بيفك الدينمو والطاره وبيركبه شوف وطمنا
اشرف

**أبو_حمزة** · 18-02-2008 09:59 AM

اكشف على الزيت كل شوية و ابقى زود لما ينقص و بلاش فك وعك
خرطوم البنزين قرط على الافيز بتاعه بمفكو و لو فيه قطع يبقى غيره و ده سهل قوى بس المهم تربطة كويس قوى عشان تسريب البنزين خطر
و ربنا يكرمك

**ahmed_3omda** · 18-02-2008 11:24 AM

أغسل الماتور في البنزينه وتابع بنفسك مكان التسريب ممكن يكون مكان مقياس الزيت بيسرب زيت وحل هذه المشكله بتغيير مقياس الزيت بواحد جديد .

وبالتوفيق :)

**YaSSerwIN** · 18-02-2008 02:54 PM

بص يا مان أنا عندى نفس الكلام الماتور بيرشح زيت هو والفتيس بس علشان تحل ماتور وفتيس وتغير اويل سيل وتراضى الرجالة هاتعمل حسبة 200 جنية خليها لما تيجى تعمل عمره ولا حاجة متقعدش تفك فى مواتير ومصاريف كتير
كل الى هاتعمله هاتابع زيت الفاتيس والماتور وتغسلك الماتور كل شهر ولا اتنين وبس

**أبو_حمزة** · 19-02-2008 08:48 AM

بالنسبة لأفيز الخرطوم التقريط بالمعقول عشان لا المسمار يفوت و لا الخرطوم يتقطع المهم يبقى ثابت
ما تكترش فى غسيل الموتور الا لو نويت تصلح التسريب و عاوز تعرف الزيت بيجى منيين سعتها اغسل و تابع التسريب عشان تشوفه طاله من انهى حته
لأ طبعا بلا تروح للحداد يبهدل لك العربية
روح لعفشجى كويس يشوف لك الموضوع ده وهو يقول لك ايه للى صح يتعمل
و لو مش عارف حد كويس قول ساكن فين و ربنا يسهل