الموضوع: مشاكل بالجملة فى الاى فون 4 الجديد ...حاجة تكسف

المشاركة الأصلية كتبت بواسطة brown-eyes

المشكلة ان ابل لما بتعمل حاجة بيحولو يعملوها مفهاش مجال للغلط يعني بصراحة ال 2 ميجا بيكسل في الايفون صعب تقرانها باي جهاز تاني ولو جربتها هتعرف الفرق وشاشة الايفون بردو لو قارنتها باي جهاز تاني هتعرف الفرق بالنسبة للسعر ابل دايما حاجتها غالية بس ده طبعا راجع للجودة العالية جدا
وموضوع البلوتوث ده عن نفسي شايف انه ميزة مش عيب

يا باشا ما انا جربته للاسف كان نفسي يطلع الكلام ده صح بس كاميرته مع انها حلوه على الموبايل بس حطها على الكمبيوتر وحط معاها صوره من n95 وهتعرف الفرق وبالنسبه للجوده فانا مجرب ايبود وكان من اسوأ ما يكون ومفيهوش اي اوبشنز وسعره غالي التنين وكان بيهنج كتير ولا جوده ولا بتنجان وفي الآخر وقع في كباية ميه وحمدت ربنا ورميته في الزباله وجبت كرييتف انضف منه مليون مره وعلى الاقل فيه اسبيكر (محسسني ان الاسبيكر اختراع في جهاز سعره اضعاف المنافسين) وبعدين جودة ايه اللي بتتكلم عنها انت قريت الموضوع ؟؟؟

وبالنسبه للشاشه جرب تحطها جنب شاشة اومنيا hd وشوف الفرق وكنت قريت ان شاشات الاي باد من سامسونج اصلاً
وموضوع البلوتوث ميزه ازاي؟؟؟؟؟؟؟ مش فاهم؟

المشاركة الأصلية كتبت بواسطة M.Osman

طب ما النوكيا لسة عاملة موبايل بشريحتين قريب جداً و في موبيلات تعبانة basic او entry level

لما تنزل في الـEseries هيعملوا فيلم هندي (فيلم تسويقي)
لأن الحكاية كلها تسوييييييق

لازم يخلصوا فلوس العملاء عالللي موجود دلوقتي و هما اكيد عاملين اللي ب 2 شريحة بس مجرد تسويق و تشويق ....
او planned obsolescence ... التقادم المتعمد ( و دا من عيوب التسويق)

نظرية التقادم موجوده طبعاً للاسباب التسويقيه بس كون اني اكون بعمل كاميرا 5 ميجا بكسل والمنافس بيعمل 12 ميجا بكسل دا ميبقاش تقادم دا يبقى لا مؤاخذه تخلف والتخلف الاكتر من كده انهم يعملو حمله تسويقيه للكاميرا ال5 ميجا ،والتقادم ده بيبقى بالتوازي مع المنافسين علشان ميخطفوش الزبون وانا عايش في الماضي

دا استخفاف بالناس اللي مش فاهمه ،وكمان عمر ما في شركه عملت ضجه على موبايل زي ابل ما الساتيو والhd نازلين من زمان ومع انهم يستاهلو بس ما اتعملهمش زي اللي اتعمل للاي فون

المشاركة الأصلية كتبت بواسطة kareem_a

مع احترامي الكامل لمعارضين الiphone , و لكن مستحيل

مستحيل يكون دة رد الشركة , مستحييييييييييل باي شكل من الاشكال

مستحيل يكون التليفون فيه عيوب زاى دي

و معلش , اي حد نفسه يبقا عنده منتج من منتجات ابل , لأنهم هم الافضل في مجالهم من حيث الجودة و التكنولوجيا

مننساش ان دي الشركة القدمت اول كمبيوتر شخصي في العالم

ازى يعنى اول كميوتر شخصى فى العالم ..مين اللى بلغك المعلومة دى ...؟؟؟؟!!! هى كمان ابل بقيت بتحرف تاريخ الكمبيوتر

بالنسبة للاى فون الجديد العيوب حقيقية و تقدر تدور عليها بنفسك فى اكتر من موقع...و هى الفكرة اساسا ان ابل عايشة فى دور الشركة المستحيلة و ان منتجتها لا تقهر ..بينما الحقيقية ان منتجتها بتصنع فى الصين زيها زى باقى الشركات ...و كلها عيوب فى التصميم والتصنيع و هناك امثلة لا حصر لها بهذا الخصوص .لكن طبعا الشركة عندها قسم اعلامى ممتاز بيغطى بذكاء على اى اخبار سلبية

دة فى فضيحة اخرى محدش يعرف عنها حاجة فى مصر و هى ان عدد من عمال شركة فوكسكون انتحر هذا العام بسبب انخفاض المرتبات و هى الشركة التى تقوم بتجميع منتجات ابل فى الصين ..

يعنى ابل كانت بتعمل ارباح خرافية على حساب عاملين بسطاء و تكاليف قليلة جدا و هو دة سبب ارباح ابل الخرافية .

satio sony ericcson better than i phone