الموضوع: مشكلةغريبة في تكييف عربيتي اللانوس

فعلا مافيش ثيرموستات في اللانوس
ماينفعش موضوع الثيرموستات الخارجي لان الكمبريسور ده متصمم يشتغل على طول - اي تعديل مش صحي على الكمبريسور و كمان يا جماعه المهندسين اللي صمموا العربية لو كانوا شايفين انه لازم يركب ثيرموستات مهم كانوا عملوها و خلاص.. ولا ايه ؟؟؟
حل المشكلة دي انك تتحكم في درجة الحرارة من المفتاح الموجود بالوحة التحكم بالمكيف بدل ما يكون على الساقع خالص لا خلية شوية اقل ... و خلي السرعة المروحة على اول سرعة طلاما انه ماشاء الله ساقع اوي كدا .
طبعاً الناس اللي بتقول انك تروح لفني تكييفات و يخففلك الشحن و الكلام ده مع احترامي لهم اكبر غلط .. لان الشحن له معيار معين ولا يزيد ولا ينقص و بيكون 30 (على ما اتذكر) على وحدة قياس عداد شحن الفريون .
و ما ننساش ان المكيف كل فترة لازم يتعمله صيانة و هي الاتي :
1- فك انابيب دورة التكييف و تنظيفها بالضغط .
2- تغيير زيت الكمبريسور بزيت اخر جديد و من نوعية جيدة .
3- تغيير مستودع - (فلتر الفريون) - الموجود في مقدمة السيارة بجوار سربنتينه التكييف ،، و اكررر تغيير وليس التنظيف
4- شحن المكيف بغاز فريون نوعية جيدة .

واي سؤال انا في الخدمة

المشاركة الأصلية كتبت بواسطة mmamdouh

و اللى لاغى دايرة السخن يعمل ايه؟؟

Mmamdouh

ههههههه على فكرة انا لاغي دايرة السخن بردوا و ده لانها باظت و بقت تجيب ميه جوة الصالون ،،
بس في حل بردوا انك ما توجهش زعانف الهوا اللي في التابلوه عليك مباشرة او على الركاب دايما
وزع خروج الهوا عمودي لفوق او لقدام و متوجهوش على حد
و الحاجه التانية .. لما تحس بس ان الهوا سقع جوة افتح الكنترول اللي بيجيب الهوا من بره هيجيلك الهو مش متلج اوووي و عن تجربة .
او ترجع توصل دايرة السخن لو شغالة او تغيرها لو بايظة و انا شايف في الحقيقة انها ملهاش لزمة اساسا دي حتى بتجيب المرض

بس ميكونش الحل زي ما الاخوة قالو ثيرموستات جوه و الكلام ده او نقلل شحن الفريون في الدايرة ده كلام غلط جدا جدا

و على كل حال احنا عاوزين اساسا المكييف يخلي العربية تلج في النار اللي الواحد فيها دي .. ولا ايه ؟؟؟؟