اثابكم الله خيراً ...افيدونى فى اختيار طقم الصوت للسيارة

**ahmed_moeaz** · 26-06-2010 04:10 PM

بسم الله الرحمن الرحيم

يا ريت يا جماعة تفيدونى فى اختيار طقم صوت على قد الحال (كاسيت+سماعات) والعربية ريجاتا والسماعات مكانها كبير وبيضاوى الميزانية من 500 الى 600 جنية
وكنت عايز اعرف الانسب ايه فى الكينوود ومع العلم انى هجيب كاسيت استعمال اللى فى التيوتا ال14 بيعمل فى حدود 250 جنية مع العلم انى ممكن اشترى السماعات دلوقت لان الكاسيت فى العربية شغال واجل شراءة لو الفرق يستاهل ..
ويا ريت الاسعار والمكان المناسب للشراء من اسكندرية ولو فيه اقتراحات تانية فى حدود الميزانية.

وجزاكم الله خيراً جميعاً

**amrfranca** · 26-06-2010 08:45 PM

طالما ميزانيتك محدوده يبقى اللي انا فاهمه انك مش هتركب جي ام يعني مكبر صوت
يبقى تجيب سماعات 300 كينود او بايونيير مش اكتر من كده
علشان تقوم كويس على الكاسيت
ومن رايي انك تجيب سي دي بايونيير واكيد يستاهل الفرق
شوف ال 2250
او شوف الامكانيات اللي انت محتاجها بالسعر اللي انت عايزه

**ahmed_moeaz** · 27-06-2010 03:53 AM

المشاركة الأصلية كتبت بواسطة amrfranca

طالما ميزانيتك محدوده يبقى اللي انا فاهمه انك مش هتركب جي ام يعني مكبر صوت
يبقى تجيب سماعات 300 كينود او بايونيير مش اكتر من كده
علشان تقوم كويس على الكاسيت
ومن رايي انك تجيب سي دي بايونيير واكيد يستاهل الفرق
شوف ال 2250
او شوف الامكانيات اللي انت محتاجها بالسعر اللي انت عايزه

شكراً يا استاذ عمرو على النصيحة بس ممكن اسعار السماعات والكاسيت اللى حضرتك نصحتنى بيهم وان شاء الله ربنا يسهل واجيب الجى ام قدام بإذن الله

**bakkoor** · 27-06-2010 09:56 AM

انا كنت فى التوفيقيه امبارح

الكينوود 300 ب 260 جنيه

الكينوود 400 ب 290

**peposupervisor** · 27-06-2010 11:12 AM

ممكن تشتري جهاز بيشغل فلاشة او كرت ميموري ثمنه لو حاجة كويسة يعمل 150 جنيه
ومعاه سماعات بيونير تايلند في حدود 280-300 جنيه
كدا بقي معاك طقم عملي وصوته حلو

**ahmed_moeaz** · 28-06-2010 03:20 AM

المشاركة الأصلية كتبت بواسطة bakkoor

انا كنت فى التوفيقيه امبارح

الكينوود 300 ب 260 جنيه

الكينوود 400 ب 290

الف شكر يا باشا على الاسعار وان شاء الله هجيب ال400 لو لقيت احسن والفرق بسيط هجيبها بإذن الله

**ahmed_moeaz** · 28-06-2010 03:29 AM

المشاركة الأصلية كتبت بواسطة peposupervisor

ممكن تشتري جهاز بيشغل فلاشة او كرت ميموري ثمنه لو حاجة كويسة يعمل 150 جنيه
ومعاه سماعات بيونير تايلند في حدود 280-300 جنيه
كدا بقي معاك طقم عملي وصوته حلو

واللهى يا باشا كلام محترم وحل عملى فعلاً وفكرت فيه فعلاً بس ان شاء الله استقريت انى اجيب جوز سماعات ورا محترمين ان شاء الله ياخدوا ال500 جنيه واشغلهم على الكاسيت بتاعى وهو ابن حلال وفيه فتحة aux وبشغل عليه الmp3 وان شاء الله قدام اجيب كاسيت محترم ومعاه جى ام وشكراً ليكم جميعاً وان شاء الله اول ماشترى واظبتهم هبلغكم بإذن الله

**Memo_Lancer** · 28-06-2010 09:16 AM

و في حل جميل اوي
في سي دي كينوود للبيع مع واحد هنا
ممكن تشوفو
و تجبلك 4 سماعات استعمال هتبقي عده فل

**ahmed_moeaz** · 28-06-2010 10:51 AM

المشاركة الأصلية كتبت بواسطة dohashakian

و في حل جميل اوي
في سي دي كينوود للبيع مع واحد هنا
ممكن تشوفو
و تجبلك 4 سماعات استعمال هتبقي عده فل

شكراً على اهتمامك يا باشا ان شاء الله استقريت على الكينوود 400 او حاجة اعلى فى الرينج ده لغاية ربنا يسهل اخر الشهر واشترى الكاسيت والجى ام واستفسار سعر الكاسيت المعروض للبيع كام وصاحبة ساكن فين لانى من خارج القاهرة

**sary005** · 28-06-2010 12:19 PM

طيب ياباشا بدال هتجيب الكينود خليك فى الكينود 500 واط 5 واى العادية و دية بتعملها بتاع 440 جنية تقريباء بس الصوت مش هقولك احسن من 400 واط انا معاية فى العربية بتاعتى 400 واط و 500 واط بس بجد انا حبيت 500 واط علاشان قوية اوى اوى بس خليك فى 500 واط 5 واى الاندونيسى مش هتحتاج انك تركب اكتر من سمعتين و ربنا يوفقق