مشكلة صوت صفارة عند تشغيل المكيف على 2

**mohamedway** · 27-06-2010 12:31 PM

المشاركة الأصلية كتبت بواسطة m_waheed

راجع برده علي سير التكييف

العيب ده مشهور قوى فى البومه و سببه ان فلتر التكييف عاوز يتنضف و هى ده المشكلة بشكل مؤكد 100% و مفيش أى احتمالات ان يكون السير هو السبب لأن الصفارة ده فى التابلوه جوه العربيه مش من عند الموتور عشان يبقه سير.

تنظيف الفلتر لا يحتاج توكيل و لا أى صنايعى فى أى حته و كل واحد يقدر يفكه بنفسه و هو عبارة عن درج بمسمارين بتفكهم و تشده من مكانه و تنضفه بالهوا و تدخله تانى و تربط المسمارين و مكانه خلف درج التخزين بتاع التابلوه بس لازم درج التابلوه يتفك الأول و ده سهله جدا (توجد قطعتين بلاستيك فى أخر الدرج على الجنبين من فوق و دول اللى الدرج بيبقه ساند عليهم و هو مفتوح و هتلاقى البلاستكه اللى على الشمال يمكن فكها عن طريق دفعها للداخل (عكس اتجاه التحميل عليها و الدرج مفتوح) و أول ما تشيل البلاستكه ده الدرج هيتفتح للأخر لغاية الأرض و هتقدر تشيله خالص و تتعامل مع الفلتر و وتركيب الدرج بردو سهل و هتحط البلاستكه زى ما شيلتها و شكرا على كده)

**Ralliart** · 27-06-2010 02:17 PM

المشاركة الأصلية كتبت بواسطة mohamedway

العيب ده مشهور قوى فى البومه و سببه ان فلتر التكييف عاوز يتنضف و هى ده المشكلة بشكل مؤكد 100% و مفيش أى احتمالات ان يكون السير هو السبب لأن الصفارة ده فى التابلوه جوه العربيه مش من عند الموتور عشان يبقه سير.

تنظيف الفلتر لا يحتاج توكيل و لا أى صنايعى فى أى حته و كل واحد يقدر يفكه بنفسه و هو عبارة عن درج بمسمارين بتفكهم و تشده من مكانه و تنضفه بالهوا و تدخله تانى و تربط المسمارين و مكانه خلف درج التخزين بتاع التابلوه بس لازم درج التابلوه يتفك الأول و ده سهله جدا (توجد قطعتين بلاستيك فى أخر الدرج على الجنبين من فوق و دول اللى الدرج بيبقه ساند عليهم و هو مفتوح و هتلاقى البلاستكه اللى على الشمال يمكن فكها عن طريق دفعها للداخل (عكس اتجاه التحميل عليها و الدرج مفتوح) و أول ما تشيل البلاستكه ده الدرج هيتفتح للأخر لغاية الأرض و هتقدر تشيله خالص و تتعامل مع الفلتر و وتركيب الدرج بردو سهل و هتحط البلاستكه زى ما شيلتها و شكرا على كده)

لو الصوت مش عند الموتور يبقى الفلتر طبعاً
وشكراً لشرحك هجرب انضفه واحاول اصور وربنا يستر علشان كل ما امد ايدي على حاجه في العربيه دي بتخرب

**wael2sh** · 28-06-2010 10:55 AM

الكلام صح 100 1000 كان عندي نفس المشكلة ووتحلت بنفس الطريقة وعملهلي وانا في الصيانة (نضافة للفلتر )

**M_H** · 29-06-2010 12:18 PM

انا حصلت معايا والموضوع بسيط جدا - مجرد انك تنظف فلتر التكيف حتي لو بنفسك لو تعرف تفكه . وان شاء الله خير.

**kemoelord** · 29-06-2010 02:36 PM

المشاركة الأصلية كتبت بواسطة mr_vampire

اعتقد ان الصوت بيبقي من السير في الغالب عايز يتنضف مش اكتر زي سير الموتور لما بتدوس بنزين صوته بيعلي او بيخف لما تشيل رجلك فهو كدة لما بتزود سرعة التكييف صوته بيبان طب وعلي 3 ايه النظام لو بيعلي يبقي اكيد سير والله اعلم تبقي تعرفنا بقي طلعت ايه عشان نستفيد

سرعة التكييف ليس لها اي علاقه بسرعه دوران سير التكييف وانما هي مرتبطه فقط بسرعه المروحه المسؤوله عن التكييف في التابلوه (ومش فاكر الصراحه هل بيبقى لها تاثير على المحرك ولا لا) ,
سرعه دوران سير التكييف واي سير في السيارة مربتط بدوران المحرك فكلما زادت لفات المحرك زادت سرعه السيور

**NFS** · 30-06-2010 01:12 PM

طيب انا عندى صوت زى مايكون حاجه بترف على ريش المروحه و هى شغاله و الصوت بيظهر من اول السرعه 2 و بيبقى عالى مع السرعه 4, هو مش صوت الصفاره انا عارف صوت الصفاره و بنظف فلتر التكييف كل اما يظهر, محدش ظهر معه الصوت ده؟!

**mr_vampire** · 30-06-2010 06:34 PM

انا قلت انضف فلتر تكييف عربيتي بالمرة ونكسب فيها ثواب ( لانسر مكوة 2001 ) فكيت دورج التابلوه ملقتش حاجة وراه. هو الفلتر لازم يبقي هنا ولا ممكن يكون ليها مكان تاني مثلا .

**NFS** · 01-07-2010 12:39 AM

تقريباً فلتر التكييف موجود فى الموديلات الى بعد 2006.

**kh_talaat** · 01-07-2010 08:29 AM

المشاركة الأصلية كتبت بواسطة nfs

تقريباً فلتر التكييف موجود فى الموديلات الى بعد 2006.

عربيتي 2006 وفيها فلتر تكييف

**NFS** · 01-07-2010 10:20 AM

المشاركة الأصلية كتبت بواسطة kh_talaat

عربيتي 2006 وفيها فلتر تكييف

مش فاكر الصراحه تقريباً 2006 2005 المهم ان الفلتر مكانش موجود غير بعد موديل معين, و كان موديل بعد 2001, كنت شفت الكلام ده على المنتدى قبل كده, الله اعلم.

الموضوع: مشكلة صوت صفارة عند تشغيل المكيف على 2

LinkBack

أدوات الموضوع

عرض

-

-

-

-

-

المواضيع المتشابهه

ضعف بعزم وسرعة السياره عند تشغيل المكيف ؟؟؟

بسيارة المازدا : غمّه او نقزه تزيد مع تشغيل المكيف .

تركيب قلتر تكييف للصني ولا تنسى تشغيل المكيف في الشتاء

رجة او رعشة عند تشغيل المكيف civic 2008

رجرجة عند تشغيل المكيف

الكلمات الدلالية لهذا الموضوع

المفضلات

المفضلات

ضوابط المشاركة