الموضوع: ركنتها فى الجرج لاجل غير مسمى

المشاركة الأصلية كتبت بواسطة nab!l

اللى هحكيه يبدا من حوالى 6 او 7 شهور ومكملتش فيهم ال 10000 كيلو
1_ ماستر تحتانى ضرب وعطلت بس كتر خيرها رجعت لانها كانت مسافره فى اليوم ده قلت عادى
2_ البربيز الامامى اتكسر 3 مرات متتاليه فى نفس المكان قلت عااادى
3_تحت البيت قالت مش دايره (حساس كرنك ) قلت عاااااادى
4_ مساعدين ورا مكملوش 8 شهور وملحقتش استخدمهم يعنى ضربو قلت عااااااااااادى
5_ المانفول اتخرم وتم تفريغ علبه البيئه قلت عادى مع انه مش عادى خالص
6_ دبرياج بيتقل جدا عالطريق بس منهم من قال ديسك ومنهم من قال ماستر فوقانى ومنهم من قال بليه قلت مش مهم سيبه يتقل
7_اكتشفت ان الفتيس مفيش فيه نقطة زيت حطيت الزيت وكل ماسافر يطلع زيت بقول ده زياده وخلاص هه
8_حتى الفوجات اليتيمه اللى ركبتها قريب واحد منهم الغطا بتاعه وقع والنور بقى ع الارض تحت الفوج سديته بفيميه جلد عشان المياه وكده
9_بدوس فرامل بقى سمعت صوت هوا الميكانيكى قال سيرفووووووووووووو
10_الكلاكس قطع من الطاره يعنى لازم افك وش الطاره
11_ الطفايه ضربت
الصبح بقى قعدت مع نفسى قلت لاااااااااااااه
مبدهاش
الو ( صاحب جراج عمومى ) انا هسيب العربيه عندك ومش هطلعها خالص
قالى تعالى وفعلا 1 الضهر كانت عنده ومتغطيه
راجع انا بقى من الشغل ايه باشا لا بزمر ولا بدى اشاره ولابركن ولا بغطى
لاء
وماشى حاطط ايدى فى جيبى

كل دا مستحمله لله يعينك بس كل مشكله وليها حل لو انت عايز طبعا

90% من الحالات اما تغير ماستر سفلى يكبس الزيت كويس ويبين عيب الماستر العلوى فلازم تغيره
انا كان معايا الفيستا فتحت ف حاجات كتير برضو كده مع ان معظم الحاجات دى كانت هايفه بس زهقت
وبعتها ودلوقتى هتجنن ومش عارف اشترى وبتسنكح على اخويا ف الكورولا
فانصحك ماتسيبش الاعطال تتكوم بعد كده