الموضوع: ركنتها فى الجرج لاجل غير مسمى

ليه كده يا باشا
قدر الله و ما شاء فعل
كلها فى مجملها حاجات بسيطه ان شاء الله

المشاركة الأصلية كتبت بواسطة nab!l

اللى هحكيه يبدا من حوالى 6 او 7 شهور ومكملتش فيهم ال 10000 كيلو
1_ ماستر تحتانى ضرب وعطلت بس كتر خيرها رجعت لانها كانت مسافره فى اليوم ده قلت عادى

هات واحد استيراد مش هيعمل كتير

2_ البربيز الامامى اتكسر 3 مرات متتاليه فى نفس المكان قلت عااادى

انا عندى مكسور فى الزاوية اليمين من تحت من يوم ما اخدت العربية و عمرى ما فكرت اغيره لأنه مش عائق للرؤية

3_تحت البيت قالت مش دايره (حساس كرنك ) قلت عاااااادى

حساس الكرنك باظ لوحده فداك و فى داهية بس انت اتأكدن انه بايظ و كان ممكن تجيبه استيراد

4_ مساعدين ورا مكملوش 8 شهور وملحقتش استخدمهم يعنى ضربو قلت عااااااااااادى

ليه يا عم ماشى فى الصحرا نوعهم ايه دول لو ماركه محترمه يبقى عليها ضمان على الأقل سنة فى الحالة دى غيرهم ببلاش

5_ المانفول اتخرم وتم تفريغ علبه البيئه قلت عادى مع انه مش

عادى خالص
الخرم ده انا مش عارف سببه
علبة البيئة ناس كتير بتفضيها عشان تفتح العربية

6_ دبرياج بيتقل جدا عالطريق بس منهم من قال ديسك ومنهم من قال ماستر فوقانى ومنهم من قال بليه قلت مش مهم سيبه يتقل
7_اكتشفت ان الفتيس مفيش فيه نقطة زيت حطيت الزيت وكل ماسافر يطلع زيت بقول ده زياده وخلاص هه

موضوع تفويت الزيت ده انا كنت باشتكى منه و حتة بلف بلاستيك خلص الحوار كله و لو بيجيب من عند الأويلاسهات بتاعت الكبالن برضوا امرها سهل طالما مفيش كسر فى فارغة الفتيس يبقى موضوع اهبل تخيل بقى ان ممكن تهريب الزيت ده يكون مأثر من جوه الفتيس فيه بتاع أويل سيل ممكن يكون بيهرب زيت لجوه الأسطوانة و الدسك

8_حتى الفوجات اليتيمه اللى ركبتها قريب واحد منهم الغطا بتاعه وقع والنور بقى ع الارض تحت الفوج سديته بفيميه جلد عشان المياه وكده

موضوع وش الفوجات ده فيه ناس بتصب فوانيس هتلاقيه ب 20 جنيه لو باغ مش قصه يعنى

9_بدوس فرامل بقى سمعت صوت هوا الميكانيكى قال سيرفووووووووووووو

دى طاقية سيرفو مش سيرفو بس السيرفو بتاع الأوب طاقيته مش ببتباع
يبقى نجيب سيرفو بالماساتر استيراد و قضيت

10_الكلاكس قطع من الطاره يعنى لازم افك وش الطاره
و فيها ايه - ممكن تتفك من غير الأير باج ما تضرب
فك البطارية خالص و فك براحتك
11_ الطفايه ضربت
حصلت معايا و لقيت الشنطه بيضا بسبب اخويا و رحت جبت واحده جديده
الصبح بقى قعدت مع نفسى قلت لاااااااااااااه
مبدهاش
الو ( صاحب جراج عمومى ) انا هسيب العربيه عندك ومش هطلعها خالص
قالى تعالى وفعلا 1 الضهر كانت عنده ومتغطيه
راجع انا بقى من الشغل ايه باشا لا بزمر ولا بدى اشاره ولابركن ولا بغطى
لاء
وماشى حاطط ايدى فى جيبى

و كفاية انها جايباك من غير فرامل
اصيله والله
صلى على النبى فى قلبك و كل حاجة ليها حل