الموضوع: عادى خالص - محدش يعرف مروحه التلاجه بكام

الحمد لله على كل شئ
و عشان الحلو ميكملش
النهارده و انا معايا العيال و مشغل التكييف و فرحانين بيه
و لما وصلت مشوارى سمعت صوت تكتكه و بعدين حشرجه و دخان خفيف من الهوايات و بعدين فيوز ضرب
ركبت الفيوز لقيته بتاع التكييف و اللى مشغل coil fan اللى هى التلاجة اللى هى المروحة اللى فى صدر العربية
رفعت الغطا البلاستيك لقيتها متكسره و قافشة و مطلعه دخان و حالتها متسرش عدو ولا حبيب
كده مع السلامه
فكيتها و شلت الرايش اللى طلع منها كويس و اتأكدت بحمد الله ان الكويل سليم و متخرمشى و شغلت التكييف و اتأكدت من التبريد و الحمد لله سليم
المهم بقى
المروحه دى نظامها ايه غالية و لا فى الحنين
و قدر الله و ما شاء فعل