الموضوع: ظبطة حرق الكاربيراتير ...

السلام عليكم


سؤال فنى بخصوص الكاربيراتير وظبطة الهوا مع البنزين

انا كنت روحت لواحد مشهور اسمه ياسر فى شبرا الكورنيش ناحية المظلات كده

المهم بروحلو كل فتره بيفكلى الكاربيراتير وبيعملى صيانه وبينضفو وبيغسلو ويخليه تمام

بس اخر مره دى خلصنا متأخر شويه كانت الدنيا ضلمت فظبط الحرق بتاعه فى الضلمه واعتمد عالصوت بس بتاع الموتور


بعد ماروحت وتانى يوم بالنهار لقيت دخنه سودا بسيطه كده من ورا عرفت علطول انه ظبط ظبطه مش تمام


انا عامة بحب اتفرج على اى حد شغال فى العربيه وعرفت فيها كتير وعرفت مسامير الظبط فين

روحت فاكك العمه بتاعت الكاربيراتير

وبما ان العادم اسود توقعت يكون البنزين اكتر وبيطلع ني

روحت مقلل مسمار البنزين شويه -- صوت الموتور نزل اوى بس العادم راح
روحت معلى مسمار الهوا عشان يعدل رعشة الموتور


وبصراحه الدخنه راحت -- بس انا لاحظت ان استهلاكها للبنزين ماشاء الله قل اوى

فهل ده بسبب الى انا عملتو ؟؟ وياترى ده صح ولا غلط ؟؟؟ وهل نسبة البنزين فى الحرق ليها حد ادنى والهوا كذلك ؟؟


افيدونا اكرمكم الله :)

ياشباب
الموضوع طلع كبييييييييير :(

طلع ان اخر مره ظبط تكيهات للاسف ماتظبطش كويس وقفلت صباب من الصبابات والعربيه مشيه دلوقتى 3 سلندر بس

عشان كده كنت مستغرب ان بعد مافتح التكيهات الموتور قل فى السحب


عالعموم انا نازل بكره ان شاء الله اظبط التكيهات تانى واراجع عليهم كلهم ان شاء الله


وهاوفيكو بالاخبار