الموضوع: ثبات عدم جدوي القطع الجديده

المشاركة الأصلية كتبت بواسطة Doush_csf

أنا كمان كنت فاكر كده و ده اللي كنت بقول عليه..
أنا صدقني ما بحب كده بس ده واحد أنا شفت اللي بيكتبه عن الكورولا من يوم لما نزلت و عملاله عقدة مش عارف ليه


طب ما أنا مقلتش حاجة, يبقى يفتي في اللي يخصه , صح ولا إيه ؟
و هل حضرتك شفت حد من هنا داخل يشتم في رينو ؟؟؟
مع العلم إن واحد صاحبي من أيام المدرسة معاه 2 ميجان (هو و والدته) و بركبها كل أسبوع مرتين على الاقل و مع ذلك مش بخش اجيب سيرتها خالص (و هو قرفان منها على فكرة بس بخليني فللي يخصني)

يا أستاذي الفاضل, كونه ساقها مرة ده مش مقياس صدقني, العربية دي مبتجيش من أول مرة, لازم بالتعود مع تشغيل دماغ و يا سلام لو سايق قبلها مانيوال.
ده واحد جربها عشان يجي تاني يوم يقولك أنا سقت الكورولا و فعلا الفتيس بايظ
و في ناس سايقينها بقالهم أكتر من سنة و مش عارفين يتعاملوا معاها.


أنا عارف إنها فرنساوي, أنا بأتكلم إنهم هناك مش راكبينها و بروح هناك كتير و عارف, و عامةً أنا إن شاء الله بوضب سفرية لفرنسا و هابقى اصورلك الشوارع .
ملحوظة: أنا بأتكلم علي الميجان مش الرينو عامة.
و على فكرة البوليس راكب بيجو مش رينو
http://sphotos.ak.fbcdn.net/hphotos-..._4971957_n.jpg

هو ده اللي كان قدامي بس لو عملت بحث عن هتلاقي كلام كتير بتواريخ حديثة.
و الكلام ده مش غلاسة عشان زي ماقلتلك أنا مش بخش عن رينو خالص و كل واحد حر في اللي يشتريه إنما أنا بفهم الاخ إنه ميدخلش فيم لا يعنيه.
في ناس بتخش تتكلم والواحد ياخد و يدي معاهم إنما في ناس زيه داخلين يشتموا و خلاص, والكلام ده اتقاله كتيير قبل كده في مواضيع تانية و بعدين جه في مرة كَتب إنه مش هيحشر نفسه تاني في قصص الكورولا و بعدين زي ما أنت شايف ... فعلا واحد قد كلمته
و أعدكم بعدم الكلام مرة اخرى على الكرولا حتى لا أتسبب فى ضيقكم و خسارة زملاء أعزاء لى فى المنتدى

أنا مستغرب بصراحة من الموضوع, حضرتك اتكلمت طيب مع أستاذ محمد شتا ؟
أصل الحقيقة شخص محترم جدا و محترف.

طب أنا اخد مين مقياس, الخلايجة ولا الاوروبيين ؟

أنا مش بنتقدها عشان كده, أنا بفهمه إنها فيها مشاكل و عايز اوصله إنه يشوف حاجته الأول مش أكتر و إن مشاكل العربية تخص ملاكها أو المهندسين المختصين مش الناس المنفسنين منها .

كلام سليم 100% ,
أنا بقول عامةً إن الفتيس ياباني عشان في ناس بيقولوا لأ

مش إنك تعرفها, إنك تشوف (بعينك) منتشرة ولا لأ.
و في فرق كبير إنك تخش تقول رأي (زي حضرتك) و بالتالي على راسنا من فوق, و إنك تخش تطلع حبّت عقد زي ناس.

تنورنا

تانى بكرر نصيحتى ليك كأخ أن تاخد بالك من طريقة كلامك

عموماً ردى كالتالى

زى ما قولتلك هو جرب الmmt مرة قدامى......بس معرفش جربها تانى ولا لأ.........يبقى مش مقياس أنك تحكم عليه هو عارف أيه و مش عارف أيه

بالنسبة لصاحبك اللى معاه 2 ميجان.........خليه يدخل بس على نايل موتورز و أحنا هنظبطه

و عربيات البوليس فى فرنسا بيجو فعلاً......بس عربيات الحكومة معظمها مش بيجو.....ستروين و رينو على حسب معلوماتى

و الميجان جايز تكون مش منتشرة فى فرنسا زى ما أنت بتقول بس هى منشرة فى دول تانية أوروبية كتير زى أنجلترا مثلاً.....فى منتدى أنجليزى ( انجليزى دولة مش لغة ) أنا عضو فيه خاص بميجان فقط.....فيه أكتر من 18 ألف عضو

أستاذ محمد شتا أنا معرفهوش بصراحة......بس معلوماتى أتأكدت منها من صديق فى توكيل رينو و عن طريق واحد تانى كمان خارج التوكيل و الأتنين قالوا نفس الرواية بالكلمة.

و برضه مش غلاسة عليك و لا على أصحاب الكورولا.........لو دورت فى منتديات أوروبية هتلاقى ناس عندها مشاكل كتير مع الفتيس ال MMT و بتواريخ حديثة يا باشا.

النقطة هنا أن فى خلاف على أذا كان الفتيس فيه مشكلة و لا لأ......أنت و بعض أصحابها قولتوا لأ.......و بعض أصحابها التانين قالوا أن فيه مشكلة......شاركى بيحاول يوضح و جهة نظره و برضه عاوز أقولك بزيارة سريعة لرينو هتلاقى موضوع مثبت عن مشاكل ميجان اللى عامله شاركى و كل اصحاب ميجان شاركوا فيه عشان يعرفوا اللى بيفكر يشترى أيه اللى ممكن يقابله.....يعنى محدش مننا أنكر أنها فيها مشاكل و تم حلها تقريباً مع موديل 2007 و أنت طالع.

موضوع الخلايجة و الأوروبيين مش زى ما أنت فاهم.........أنا قصدى انهم منزلوش mmt هنا ليه ؟؟؟؟
فى رأيي الشخصى عشان حاجة من 2
1- علشان هما عارفين طبيعة سواقة الناس و أنهم مش هيعرفوا يسوقوا ال MMT
2- أو أن الحر الشديد هنا هيخلى مشاكل ال mmt تظهر أكتر ( على أعتبار انه فيه مشاكل )
ممكن أكون غلطان.....بس ده اللى جه فى دماغى دلوقتى.