ثبات عدم جدوي القطع الجديده

**wwaeel** · 27-06-2010 09:28 AM

بالفعل تم ثبات عدم جدوي القطع الجديده وانها لن تحل اي مشكله وللاسف عيب الفتيس ده ملهوش اي حل عند التوكيل القطع الجديده زي القديمه بالظبط بالعكس ممكن القديمه افضل انا مغير 3 مرات لحد دلوقت القطع القديمه كانت بتقعد معايا 35 الف القطع الجديده قعدت معايا 20 الف بس وجابت ان ايرور يوم الاربعاء السابق

**ahmedsadek82** · 29-06-2010 07:39 AM

المشاركة الأصلية كتبت بواسطة wwaeel

بالفعل تم ثبات عدم جدوي القطع الجديده وانها لن تحل اي مشكله وللاسف عيب الفتيس ده ملهوش اي حل عند التوكيل القطع الجديده زي القديمه بالظبط بالعكس ممكن القديمه افضل انا مغير 3 مرات لحد دلوقت القطع القديمه كانت بتقعد معايا 35 الف القطع الجديده قعدت معايا 20 الف بس وجابت ان ايرور يوم الاربعاء السابق

يا جماعة متسبوش حقكم , اشتكوا للجهاز تاني ...بأذن الله يرفع قضية و تكسبوها ..لسة عاملين كده مع وكيل سيات

**elnour_toktok** · 29-06-2010 03:02 PM

ماذا فعل معاك التوكيل بعد عيب القطع الجديدة

**wwaeel** · 29-06-2010 08:27 PM

تم تغيير القطع مره اخري بالتوكيل ولما قولتلهم القطع الجديده محلتش حاجه والعيب هيجي تاني معرفوش يردو عليا وكل الي قالوه ان شاء الله العيب مش هيجي تاني :)

**د.محمود صلاح** · 30-06-2010 03:31 PM

السؤال :- المشكلة دي فى مصر بس ولا عالمية ؟

ما تسكتوش وابعتوا شكاوى لتويوتا الأم

**Ahmed Samy** · 30-06-2010 03:46 PM

ما تسيبوش حقكو

اشتكو تاني

معروف من البداية ان القطع مش هاتغير حاجة و قلت كده من يومها

ده عيب سيستم مش عيب ميكانيكي

خلي هدفكم تعديل الفتيس لأوتو عادي أو تغيير السيارة بجديدة مع تسهيلات بشعة في سداد الفرق

**Doush_csf** · 30-06-2010 07:38 PM

المشكلة إن الموضوع عيب سواقة مش عيب فيتيس بس احنا شعب كرامته بتوجعه لما يقول معرفش
زائد طبعا حب الفتي اللامتناهي و تلاقي أشكال غريبة داخلة بتتكلم و تلاقي الكلمة الشهيرة "بيقولوا..." و من هنا تبدأ الشائعات في الانتشار و نلاقي اللي يسوى واللي ميسواش بيتكلم !!!

**Ahmed Samy** · 30-06-2010 07:48 PM

المشاركة الأصلية كتبت بواسطة doush_csf

المشكلة إن الموضوع عيب سواقة مش عيب فيتيس بس احنا شعب كرامته بتوجعه لما يقول معرفش
زائد طبعا حب الفتي اللامتناهي و تلاقي أشكال غريبة داخلة بتتكلم و تلاقي الكلمة الشهيرة "بيقولوا..." و من هنا تبدأ الشائعات في الانتشار و نلاقي اللي يسوى واللي ميسواش بيتكلم !!!

أشكال غريبة !!

و يسوى و ما يسواس

طيب يا أستاذ يا مش غريب ويا اللي تسوى

ما فيش حاجة اسمها عيب سواقة في شكوى جماعية

و لو التوكيل ده محترم (وهو مش محترم) كان اعلن أنه منزل عربية بتقنية جديدة

و يعمل تيست درايف قبل الشرا ...انما هو تعمد ان العربيات تنزل مرة و احدة في السوق و الحجز مفتوح و العربيات مش موجودة في الشو روومز أساسا ...و الموزعين كانو عارضين خليجي أوتو حضرتك

و بعدين التوكيل الكداب فضل يقول ان الفتيس مش هايتغير و ما فيش نية لتغييره

و ان الـ mmt ها يفضل ينزل و أهوه خلص اللي عنده و باعه برخيص و خسر الناس فلوسها بمنتهى عدم المسؤولية .....

و ثبت تقنيا ان السيستم فيه مشكلة و شرحها اتكتب هنا أكتر من مرة

و الشكوى موجودة في اوروبا برضه على فكرة وفي المستحمل و فيه لأ

و هنا برضه في اللي مستحمل و فيه اللي مش مستحمل و فيه الل باع العربية بخسارة وصلت لحدود 60ألف لعربية تمنها 160 الف

انت جاي بعد ما الحرب خلصت تضرب نار في الهوا

و تقوللي يفتي و يسوى و ما يسواش

يا محترم

**mohamed Gamal** · 30-06-2010 08:42 PM

المشاركة الأصلية كتبت بواسطة Doush_csf

المشكلة إن الموضوع عيب سواقة مش عيب فيتيس بس احنا شعب كرامته بتوجعه لما يقول معرفش
زائد طبعا حب الفتي اللامتناهي و تلاقي أشكال غريبة داخلة بتتكلم و تلاقي الكلمة الشهيرة "بيقولوا..." و من هنا تبدأ الشائعات في الانتشار و نلاقي اللي يسوى واللي ميسواش بيتكلم !!!

مش معنى أن العربية معانا اننا ندافع عنها بالأسلوب ده حتى لو محصلش أي مشاكل معاك.
العربية معايا والحمد لله مفيش مشاكل بخصوص الفتيس لغايت دلوقتي ومبسوط منه بس المشاكل حصلت مع ناس كتير وأكيد حقهم يتدايقوا خصوصا أن في عربيات تانية أقل بكتير في المستوى وبتمشي كتير جدا بدون أي مشاكل تماما.
حتى توقيع حضرتك MMT can Be only enjoyed by an engineer ده هو أكبر عيب ممكن تكون تويوتا عملته لأنها عربية المفروض أي حد ركب عربيات قبل كده أنه يسوقها بدون مشاكل. (العربية بتحتاج رخصة سواقة مش بكالوريوس هندسة)

الموضوع: ثبات عدم جدوي القطع الجديده

LinkBack

أدوات الموضوع

عرض

-

-

-

-

المواضيع المتشابهه

عوده N Error بعد تغيير القطع الجديده

دعوه للتجمع الناس الي جالها مشاكل في الفتيس بعد تركيب القطع الجديده

ايه اخبار ثبات الاكسنت ار بى الجديده حد جربها عايز اعرف رأيكم فيها ايه

Mmt بعد تركيب القطع الجديده

التغير القطع الجديدة بكورلا mmt وفترةالضمان القطع

الكلمات الدلالية لهذا الموضوع

المفضلات

المفضلات

ضوابط المشاركة