شل هيلكس ألترا (الرصاصي)
الجالون 4 لتر ب 250 جنيه
و يفضل طبعا تغير الفلتر
عرض للطباعة
و الله بص ...... لو انت بتحرق كتير و بتمشي مسافات طويلة يبقى مفيش مفر من الهيلكس الترا ....... لان حتى لو هتغير على 2000 كيلو الزيت المعدني اداؤه في المشاوير الطويلة المتعبة للماكنة مش كويس ........
غير كده يبقى الهيلكس بلاس ......
المشكلة ان الموبيل الفضي معامل لزوجته وحش عالبارد ...... يعني المكنة و هي باردة الصبح و انت بتدورها هيبقى تقيل و مش هيلف مع البساتم كويس و بسرعة و ده غلط
كنت فاكره 20w50 طلع 5w40 زي الالترا بس معدني مش تخليقي (و ده بسبب ان اللي بينزل في مصر غير برة)
نصيحتي ليك ...... حط الهيلكس الترا و امشي عليه 10 الاف ..... و اتطمن ماتخافش ...... و هيبقى اوفر لك على فكرة .... بس طبعا مع كل غيار ليه (10 الاف كيلو) تغير الفلتر
الزيت التخليقي معمول عشان يستحمل الشغل الجامد لمدد طويلة على حرارات عالية في ظروف تشغيل قاسية (rpm عالي لمسافات طويلة لاوقات طويلة)
عكس المعدني اللي بيتدهور بسرعة ........ انت بعد 3 الاف كيلو بتغيره لانه بيبقى خلااااااااااص جاب اخره ...... التخليقي بعد 3 الاف كيلو بيبقى لسه لزج
بس خلي بالك من حاجة مهمة جدا ....... التخليقي زي الترا لزوجته 5w40 يعني عالبارد لزوجته 5 و عالسخن لزوجته 40 فطبيعي انك اما تحط نقطة بين صباعين و تقيس لزوجته و هو بارد تلاقيه زي المية :) ممكن تلبس جوانتي بلاستك من اللي بيترمي ابو شلن و تقيس لزوجته و هو سخن (بس لو اتلسعت ماليش فيه :44:)
متشكر جداا يا احمد على المعلومات دى..بس لو اتلسعت هقول انت السبب
بس انا كان لية تعقيب على كلامك ان لو انت مركب فلتر اصلى الزيت مش هينزل تحت لطلمبة اوالكرتير لان الفلتر بيبقى فية صمام(بلف)بيعدى الزيت الا جاى من الطلمبة ولم تبطل الماتور بعمل عملية قفل للدورة ويفضل الزيت مضغطوط فى السبيكة لحد لم تدور تانى يعنى الزيت مبيخدش وقت لحد لم يوصل للماتور فوق..اما فى ناس بتركب فلتر نفس الشكل وميعرفوش انه من غير بلف وبتالى بياثر على تاكل الماتور بسرعة وفى بعض الموديلات بيبقى (البلف ) موجود فى قاعدة الفلتر نفسة ولو ركبت فلتر فية بلف يبقى غلط ..لان هيبقى عندك كدة بلفين شغلين ودا هياثر على ضغط الزيت فى الماتور ...فـأنصح ان اى حد يركب الفلتر الاصلى للماكنة بنفس موديل الفلتر وموصفتوا ومش شرط ان اى فلتر يركب فى نفس المكان يبقى هو المضبوط ...ولو حد عايز يعرف ازى يكتشف نوع ماكنتوا محتاجة فلتر ببلف او من غير بلف اقولة
السلام عليكم
إخواني عندي بايك لسه جايبةSuzuki GSX750 Inazumaوبعدين قرأت الزيت رحت مغير الزيت علي طول لكن لما رحت عند بتاع الزيت لقيت عنده شلHX5 ----15w-40 عامل 105 وقالي ده كويس وبيني وبينكو أنا قلت إنه في كلا الحالتين هيكون أحسن من الموبيل مش عارف أنا كده إتوفقت ولا لأ وهل كده يكون في خطر علي الموطور :11::11::11:
طيب ياجماعه انا معايا هوندا 250..تنصحونى بزيت ايه؟؟؟لان انا مش عايز حاجه تبقى غاليه اوى وابقى برمى فلوس على الفاضى او رخيصه ويبقى بضر المكنه؟؟
شيل هيلكس الترا (الرصاصي الغامق) ب 250 جنيه الجالون و قعده 10 الاف كيلو .... او لو خايف عالمكنة أوي قعده 7 الاف بس (هو اصلا من بق شركة شل بيقعد 15 الف كيلو يعني هتبقى مشيته نص المسافة)
بس طبعا مع كل غيار تغير الفلتر لانك هتمشي بيه مسافات طويلة
و لو كنت حاطط قبليه زيت عادي (معدني) يفضل انك تغسل الموتور باتنين كيلو زيت الترا نضيف و تغير الفلتر و بعدها تحطه ..... و ده دايما في حالة التغيير من معدني لتخليقي من أي ماركة زيوت في اي ماكنة (عربية, بايك ..... إلخ)
الغسيل يتم بتفريغ الزيت الوسخ القديم و فك الفلتر لتفريغه و تركيب الفلتر القديم تاني ..... وتحط اتنين كيلو بس (بحيث علامة الزيت تبقى على Minimum في المقاس) ..... و تدور المكنة سلانسيه و تسيبها نص ساعة دايره سلانسيه ..... مع الشد عالبنزين من حين لاخر خلال الربع ساعة الاخيرة ..... و بعدها تنزل الزيت ده و ترمي الفلتر ..... و تركب فلتر نضيف و تحط زيت نضيف لحد علامة Maximum
احسن ما تحط شل ابو 65 جنيه و تغيره كل الف كيلو
احسن من ناحيتين اولا اوفر (65 * 10 = 650 بالمقارنة ب 250)
و ثانيا الالترا مصمم خصيصا للاداء العالي (حرق .... مسافات طويلة على سرعات عالية ... إلخ) عكس الزيت المعدني اللي بيتدهور بسهولة و بسرعة تحت ظروف التشغيل الشاق ....
ياااااا..كل ده
لا الله ينور عليك..وشكرا على المعلومات الجديده ديه..وباذن الله ححاول اعمل الى انت قلت عليه
اه صح..هو الجالون 4 لتر..صح؟
أيوة
و شوف في كاتالوج البايك بتاعك هي بتاخد كام لتر زيت
يعني مثلا عندي مكتوب 3 قيم
واحدة لو هتغير الزيت بدون تغيير فلتر
و التانية لو هتغير زيت بالفلتر
و التالتة لو فكيت الموتور و الكارتيرة و الفلتر و ركبتهم من جديد
مش فاكر كام بس كانوا كلهم اقل من 3 لتر
فانت تقدر تجيب جالون و جنبيه كيلو مثلا (تقريبا ب 65 جنيه الكيلو)
تغسل باتنين و تملاها بتلاتة (بس اتاكد الاول البايك بتاعك بياخد كام يمكن تحتاج اكتر)
الجالون الانجليزي 4.54609 لتر
الجالون الامريكي 3.785412 لتر
Convert Volume - Unit Converter
نسيت الجالون المصري (بتاع عمال البنزينة) ..... = 4 لتر ..... هههههههههههههه
هو على فكرة جركن الزيت في مصر للامانة العلمية مكتوب عليه 4l مش جالون .... بس لو دخلت البنزينة تقول له عاوز اربعة لتر هيجيب لك اربع جراكن لتر ..... لو قلت له جالون هيجيب لك الجركن الاربعة لتر
فعلا موضوع مهم جدا جدا وياريته كان مثبت بجد
اضريت اضع رد علشان الموضوع يطلع فى الصفحات الاولى بس بجد موضوع هايل جدا ومجهود يستحق الشكر والتقدير
فعلا وبالمره نتناقش ف موضوع زيت البترومين hd40
وهل ينفع يتحط ف بايك ولا يدوبك نقلى بيه بدنجااااااااااااااااااااا ااااااااان
اهلا بالعودة ابقا طمنا عليك من وقت للتانى متقطعش الجوبات لعلاء المانع خير تقبل فائق احترامى وتقديرى
الله اكبر
كنت فين يا عاطف
دا كان فاضل شويه وانا احط بترومين ف البايك عندى انا كنت خلاص خلاص هقتنع
ههههههههههههههههههههههههه هههههههههههههههههههههه:horny toro:
انا كنت شاكك شاكك مع انى كنت متاكد
ههههههههههههههههههههههههه ههههههههههههههههههههههههه ه:angelwings:
لا حول ولا قوة الا بالله العلى العظيم ربنا يهديكوا
اللهم امين يا رب العالمين دعواتك يا ماااااااااااااااااااااااا او
بترومين 10w40
درجه لزوجه sf
اتاكد من الكلام يا ديب.................و
s يعنى زيت بنزين مش ديزل
بتفتى تانى ارحم دموع عنيا ارحم مخدتى:B4_237:
بص يا ماااااااااااااااو انا هعمل فيك جميله خد اللينك ده ذاكره كويس وراجع معلوماتك (الغلط ف غلط)
واديعيلى
العمده
http://www.elzahed.com/ar/%D8%B4%D8%...85%D9%8A%D9%86