الموضوع: منقول حكم ضد وكيل سيات بسبب "ليون"

توكيل سيات كويس طبعا و العربية في رأيي أحسن من الجولف الغالية القرعة و هم نفس المكونات

بس مادام ما فيش اي مصدر لرواية منافية الا مصدر "مبيعاتي" يعني محل شك 100% و كمان الرواية ما تدخلش المخ

يبقى مش لا زم نكذب كل حاجة

دي حالة فردية لا تشوه سمعة سيات بالنسبة لي على الأقل

المشاركة الأصلية كتبت بواسطة Ahmed Samy

انا مش مضايق

بس اصل كلام حضرتك ان البنت اتقفلت من العربية و عايزة تغيرها ...مش منطقي خالص و ما يدخلش دماغ حد

خصوصا ان جهاز حماية المستهلك و قف معاها و حول ملف القضية للنيابة و اللي رفعتها للمحكمة و حكمت و خدت حكم فعلا ....

و حضرتك بتقول



وبما انك بتقول سألت فأنا حسيت ان الكلمتين دول طالعين من واحد بتاع مبيعات في توكيل ...و حضرتك أكدتلي المعلومة

شكرا لحضرتك على النقل ...

بس لو انت صدقت الكلمتين دول علشان (يهمك صورة توكيلك) على حد قولك

أنا بقى مش مصدق لأن الكلام ما يدخلش دماغ عيل صغير

يا سيدي من حق كل واحد يتكلم براحته
بس لاننا بننقل الموضوع فانا شايف ان فيه اجحاف لما تذكر اول الموضوع ومتذكرش اخره

اتمني من استاذ حاتم طالما حط جزء من اخبار اليوم ن الموضوع كان يكمل الصفحة التانية اللي فيها رد الشركة
لما ننقل اخبار نعملها صح واللا ناخد راس القبة ونطر
وبعدين الكلام مش مبيعات علي فكرة
لان صاحب الشركة نفسة قال في جرنال الاخبار ان صاحبة العربية رفضت اي محاولة

ومفهوم طبعا ان اللي ليه حد ميضربش علي .............
المهم اتمني من اللي عنده اسكانر يرفعلنا صور ة كمالة المقال

واعتقد ان لو حضرتك حصل معاك مشكلة مع الوكيل كان ممكن تكمل لكن لو معندكش مشكلة فواقف ضده ليه ولو الكلام مبيعجبش او ميصدقوش عيل صغير فساكت علي حاجات كتير مصدقها وهي متنفعش تصدقها بشكل عام

علي فكرة انا اصلا مش معايا سيات زي ماانا قت وبدور علي عربية التيا بس مش XL عاوزها وبدور والناس ماليين دماغي اوي


حضرتك تصدق او متصدقش معتقدش ان ده يفرق مع وكيل كبير زي ده بس اهي شوشرة والسلام

تعالي نشوف التوكيلات التانية اللي بتدي اللي واخدين العربيات بالفرد القديمة (انا بتكلم علي فرد كاوتش العربية طبعا) خلينا منستقربش المحترمين ونسيب اياهم
يا راجل دا بتوع اوبل ممكن تطلع من هدومك معاهم ومتخدش حاجة ولو جه وزارة حماية المستهلك مش جهاز بس والنبي خلينا ساكتين

المشاركة الأصلية كتبت بواسطة toot70

اتمني من استاذ حاتم طالما حط جزء من اخبار اليوم ن الموضوع كان يكمل الصفحة التانية اللي فيها رد الشركة
لما ننقل اخبار نعملها صح واللا ناخد راس القبة ونطر

السلام عليكم ورحمة الله وبركاتة
على فكرة يا استاذ toot70 الجزء الى نزلته من الخبر عشان اوضح ان العربية موديل 2009 مانيوال وليس 2010 اتومتيك DSG وبس
جزاك الله خيراً

المشاركة الأصلية كتبت بواسطة hatemahmed75

السلام عليكم ورحمة الله وبركاتة

على فكرة يا استاذ toot70 الجزء الى نزلته من الخبر عشان اوضح ان العربية موديل 2009 مانيوال وليس 2010 اتومتيك dsg وبس

جزاك الله خيراً

انا بشكر يا معالي الباشا علي التوضيح بس انا ممكن افهم ده
شوف بقي حضرتك غيري ممكن يفهم ان ده بس الخبر وملوش كماله وكمان فيها رد صاحب الشركة
ده طلب للتوضيح فقط ومش علشان حد يزعل

يا جماعة محدش يزعل من كلامي وحقوكوا عليا

ممكن بقي تساعدوني لو حد يعرف واحد عنده التيا بس مش التيا اكس ال عاوز يبيعها عاوز واحدة كويسة 2008 او 2009

المشاركة الأصلية كتبت بواسطة toot70

انا بشكر يا معالي الباشا علي التوضيح بس انا ممكن افهم ده
شوف بقي حضرتك غيري ممكن يفهم ان ده بس الخبر وملوش كماله وكمان فيها رد صاحب الشركة
ده طلب للتوضيح فقط ومش علشان حد يزعل

يا جماعة محدش يزعل من كلامي وحقوكوا عليا

يا باشا حصل كل خير
ما فيش زعل ولا حاجة خالص احنا اخوات
وجزاك الله خيراً

المشاركة الأصلية كتبت بواسطة som3aa

اولا انا عايز اسال حضرتك سؤال
حضرتك عارف جهاز حماية المستهلك شغال ازاى؟
اولا لازم تعمل شكوى جوه الشركة اللى بتشتكى منها , يعنى صاحبة العربية لازم تكون عملت شكوى فى التوكيل و معبروهاش فلجات لجهاز حماية المستهلك و الجهاز دا مش بيقول ايه دا جايلنا شكوى يبقى على المحكمة علطول , لا دول بينادوا صاحب الشكوى و مندوب من التوكيل و بيعاينوا العربية و بيحكموا بتصليح العربية و لما العيب بيتكرر بيقرروا تغيير العربية و التوكيل ليه انه انه ياخد بكلامهم و يغيرها او يرفض و ساعتها بيرفعوا عليه قضية (العربية بيعاينها لجنة من الخبراء) و القضية دى بيتحكم فيها زى الحالة دى!!!
يعنى الموضوع مش واحدة راحت قالت العربية بتاعتى فيها عيب و انا قفلت خلاص منها و النبى غيروهالى يقولوا لا تقوم تروح المحكمة و تحكم عليهم!!!!!
التوكيل اللى قالك كدا كذاب و صاحب التوكيل كذاب و ردهم مش مقنع نهائيا و صاحب التوكيل قال انها ملجاتش للتوكيل و راحت اشتكت علطول , الكلام دا كلام فارغ لانها لو عملت كدا جهاز حماية المستهلك بيجبروا التوكيل يصلح مش يغير العربية !!!
لو العربية اتصلحت و العيب اتكرر كذا مرة بيغيروها.

السلام عليكم ورحمة الله وبركاتة
كلام حضرتك مضبوط و 100 100
جزاك الله خيراً