كل البيتالزاوية يخشو: مطلوب المشاركة من الجميع "" تظبيط بيتلز من الالف الي الياء ""

اقتباس:

---

المشاركة الأصلية كتبت بواسطة wooody_21

معلش يا استاذ ابو هاشم ... انا طبعاً شايف كلامك صح بس ايه هي الحاجات اللي المفروض تتعمل قبل ماتشتريها علشان ماتكنش مقلب و ايه هي اللي تتعمل بعد ماتجبها

و انا عن نفسي شفت واحده هتجنن عليها 1303 s السبور جامده جداً فبريكه بس مش عارف اتكلم مع صاحبها ازاي اقله يعني انا عايزها !!! و افرض وافق و كشفت عليها طلعت اي كلام !!!!!

---

لازم تكشف عليها عند ميكانيكى بيتل امين وفاهم
بالنسبه لل1303 سبور لازم تتاكد انها نازله سبور فبريكه يعنى مش متعدله
اما لو 1300اهم شئ الرقبه وبعد كده الشاسيه والبودى من البارومه
وحالة الموتور طبعا والعفشه والدنجل
سعر السياره البيتل النهارده بيبدأ من 7000ج ويوصل ل25000ج تقريبا
والفرق ده مش من فراغ كله بيكون على حساب حالة السياره والموديل
وكل ماتكون حالة السياره نظيفه ومش متهانه
كل مايكون افضل ليك انت من انك تجيب عربيه فى الضياع وتصرف عليها
ومهما صرفت هى برضه هلكانه تصلح حاجه تبوظ غيرها
وربنا يوفقك لعربيه كويسه ان شاء الله

معاك حق طيب هل لو ركبت مثلا ال 1500 او ال 1600 اية هيتعدل في الحوض العربية عندي موديل 1302
و اية افضل مكان ممكن اجيبة منة ؟
و هيكون سعر الموتور بالفتيس في حدود كام ؟
و اهم حاجة مين الصنايعي الفاهم اللي يعرف يسقطة بدون مشاكل و بثلاثة ؟
و ياريت لو حضرتك بردو تعرف تقولنا علي موتور البورش ان اسمع ان في ناس كتير مركباه و بيقولوا علية حكاية
ياريت بردو لو نعرف رأيك معلش انا متقل عليك شوية

بالنسبه لل1600 او 1500 مافيش اى تعديل فى الحوض
وفى واحد اسمه يحى بتاع مواتير فى محطة عرب الجسر
اللى فى جسرالسويس هتلاقى هناك التوحيد والنور
هو فى الشارع اللى بعده ومشهور هناك
بالنسبه للميكانيكى عندك هناك فى نفس المنطقه
الحاج محمد على ميكانيكى كويس
وكمان فى عاطف عبده فرج ورشته عند موقف اتوبيس اثر النبى
قدام جراج الاتوبيسات
وخلى بالك وانت بتشترى الموتور لازم الميكانيكى يكون معاك
وهو اللى يختاره بنفسه

معلش يا جماعه سؤال بره الموضوع
بس عايز واحد بتاع عفشه كويس
و لو امكن يكون قريب من مصر الجديده
لكن لو بعيد و كويس مفيش مشاكل
شكر مقدما

اقتباس:

---

المشاركة الأصلية كتبت بواسطة beetlemosh

معلش يا جماعه سؤال بره الموضوع
بس عايز واحد بتاع عفشه كويس
و لو امكن يكون قريب من مصر الجديده
لكن لو بعيد و كويس مفيش مشاكل
شكر مقدما

---

عفشة بيتلز يبقى خالد رباب هو متخصص فيها استاذ فى العفشة بس هو بعيد فى صفط البن فى عزبة الشوربجى وابقى اسال عالية احمد حسن انا وصفتهولة وهو جرب بنفسة ويقولك هيجبلك معها من الاخر وقولة انا جايلك من طرف احمد الدغيدى ودة رقم تلفونة 0101855126 بس ابقى خاليك وراة لحد ميرود لانة ساعات مبيرودش على التلفون وكلمة قبل ما تروح لانة مبيشتغلش غير فى عربية واحدة فى اليوم بدل ما تضرب المشوالر على الفاضى

بعد قراءة الموضوع وقراءة رد الاستاذ هاشم لقيتة قال كل الكنت عاوز اقولة ومفيش كلام تانى يتقال ودة عن تجارب كتير انا معايا

بيتلز يمكن من 18 سنة واكتر الحج وبعدين انا كمان وفعلا موضوع التعديلات دى مش مجدى قوى بالذات هنا فى

مصر لان الصنايعية محدش فيهم بيهتم بالموضوع كلة بلنسبالة الموضوع نحتاية واقلب وصدقنى مش هترتاح الى

جانب البيتلز مش محتاجة تعديلات وهتلعب فيها هتبوظ وافضل حاجة بردو زى ما قال الاخ هاشم تكون العربية

على اصلها بس فى حاجات بقى ممكن تتعمل بتبقى بسيطة وهتحس فيها بفرق يعنى مثلا الموتور لو عاوز

حاجة اعلى واقوى هات ال 1600 ولو اكبر كمان لو فى وهيركب بدون اى تعديلات وممكن تغير البوجيهات ل4

شمعة مثلا ودة لسة انا عاملة وممتاز وعدل الاشعال لاكترونى برضو حلو جدا الكلام دة مع ماتور مظبوط صدقنى

مش هتحتاج حاجة تانى بالنسبة للعفشة مش محتاجة حاجة ولو عاوز تعمل حاجة هات مساعدين رياضية مثلا

تتناسب مع الاصلى الفارمل ممكن تحولها بدل الطنابير تخليها دسكات الكاوتش لو مش عجبك الرفيع المصرى

النسر ممكن تجيب المستورد العادى اول مقاس بعد الرفيع على طول جنوط معقولة مش عريضة قوى لو حبيت

واظن هتلاقى العربية جميلة جدا لكن تسقيط مواتير وتعديلات كبيرة متزعلوش منى انسو دا الواحد بيتعب على

ما يظبط العربية على اصلها من غير تعديلات الصناعية بقو مقرفيين ولعلم انت احسن من مليون صنايعى لما

تعرف عربيتك وتبقى عارف هى محتاجة اية وبرضو النقاش مفتوح لاى مناقشات

اقتباس:

---

المشاركة الأصلية كتبت بواسطة ahmed2y

عفشة بيتلز يبقى خالد رباب هو متخصص فيها استاذ فى العفشة بس هو بعيد فى صفط البن فى عزبة الشوربجى وابقى اسال عالية احمد حسن انا وصفتهولة وهو جرب بنفسة ويقولك هيجبلك معها من الاخر وقولة انا جايلك من طرف احمد الدغيدى ودة رقم تلفونة 0101855126 بس ابقى خاليك وراة لحد ميرود لانة ساعات مبيرودش على التلفون وكلمة قبل ما تروح لانة مبيشتغلش غير فى عربية واحدة فى اليوم بدل ما تضرب المشوالر على الفاضى

---

الف الف الف شكر يا كبير ... و ان شاء الله اكلمه و ابقى اقولوكوا على اللى حصل
عشان انا عايز اوطى العربيه و يظبطلى شكلها عشان فى حمب اوطى من جمب :3mla:

انا كنت مظبط عفشة البيتل بتاعتى عند واحد فى 15 مايو ميكانيكي فولكس
اسمة وجدى فى المنطقة الصناعية مجاورة 27 كان غيرلي الكاوتش بتاع الفخد وقالى لو عايز اوطيلك العربية او اعليها
بس العربية بقت تمام اوى اكنى راكبها زيرووووووو
مفيش اي اصوات حتى كان عندي شداد مكسور لحمهولى وركبة والعربية بقت زيرووووو مع الكاوتش العريض
بس انا عندى مشكلة دلوقتى فى الفتيس الغيار الرابع بينط لوحدة لازم وانا سايق اكون مريح ايدي على العصاية بتاعت الفتيس
بفكر اغير موتور بفتيس مرة واحدة عشان تبقى اقوى محدش يعرف سعر الموتور الالمانى 1500 او 1600 بفتيسة كام استيراد
معلش طولت عليكو

اقتباس:

---

المشاركة الأصلية كتبت بواسطة ahmedamr

انا كنت مظبط عفشة البيتل بتاعتى عند واحد فى 15 مايو ميكانيكي فولكس
اسمة وجدى فى المنطقة الصناعية مجاورة 27 كان غيرلي الكاوتش بتاع الفخد وقالى لو عايز اوطيلك العربية او اعليها
بس العربية بقت تمام اوى اكنى راكبها زيرووووووو
مفيش اي اصوات حتى كان عندي شداد مكسور لحمهولى وركبة والعربية بقت زيرووووو مع الكاوتش العريض
بس انا عندى مشكلة دلوقتى فى الفتيس الغيار الرابع بينط لوحدة لازم وانا سايق اكون مريح ايدي على العصاية بتاعت الفتيس
بفكر اغير موتور بفتيس مرة واحدة عشان تبقى اقوى محدش يعرف سعر الموتور الالمانى 1500 او 1600 بفتيسة كام استيراد
معلش طولت عليكو

---

انا اعرف سعر الفتيس لوحده لسة سائل عند ميكانيكى ف جسر السويس قالى يعمل 650 جنيه
والموتور الـ 1200 قالى عنده بـ 3500 جنيه
وعنده 1500 بـ 4500 جنيه

معرفش الاسعار دى كويسة ولا ايه بس حبيت اقولك اللى عرفته

هاشم باشا مش سايبلى حاجة ممكن أقولها
الله ينور عليك يا بو هاشم إنت و باقى الأعضاء الكرام

كل لما كانت العربية بشكلها و كمالياتها الأصلية كل ما دل ذلك على إن العربية فابريكة و مش متهانة