الموضوع: تأكيد المقابله

المشاركة الأصلية كتبت بواسطة yoko

ههههههههه صدقني بتوع كيا هما الي هيندموا

بردو دماغك الى مودياك فى داهيه دى :))
كل حاجه عندك شد و حرق يابنى :)
على العموم هتتحسر لما تعد فى كبينه فضاء بدل كونسول البسكلته الى عندك دا :))
والله بجد كان نفسى نتقابل بس مش عشان التحدى المزعوم بتاعك دا

المشاركة الأصلية كتبت بواسطة ahmedbasto

انت عايز تنقنعنا ان السيراتو دى عربية زى بقية العربيات

يا عم أنت حد داسلك على طرف
وبعدين مش بقنعك أن السيراتو زى بقيت العربيات دنا بفهمك أنها أحسن من بقيت العربيات 100 مره
بس الموضوع معقد شويه وصعب عليك

ايه يا باستو انتا و نورمال في ايه!!
في ايه بس
يا جماعة والله الفكرة حاجة واحدة بسسسس
الكيا والله احسن من عربيات كتيير اوييييي ماشية في الشارع ما شاء الله و مش لازم ذكر اسماء
بس اللينيا طبعا ماتتقارنش بيها و كمان في ناس بتنسي يعني ايه الأوروبي و يتوهمو بالكوري بس مش اكتر والله في الأول اوي في الأخر كله علي حسب دماغ الزبون و زوقه و فهمه و خبرته و كل واحد يمشي عالجنب اللي يريحه و هو الكسبان او الخسران
و ياريت نشوفك يا نورمال و نتعرف بيك علشان حاسس انك انتا الوحيد الهادي و متفاهم في قسم كيا هههههههههههههه
واحد عندكم بيقوللي شكرا يا عم وردة امبارح فكرني بالمعلم مشمش هههههههههههه

لا والله يا سمسم القسم مليان ناس متفاهمه جدا بس مش عارف ليه دايما بتحصل مواقف كدا ملهاش لازمه :))
أنا معنديش مشكله مع "باستو"
بس هو بيرمى كلام ويغطس
ومش قادر أحدد إذا كان بيهز أهزر معاه ولا بيتكلم جد
ولو جد نتناقش بالعقل ونعرف ليه الواقع زى مهو دلوقتى
لكن أسلوب أنك ترمى كلمه بأسلوب مش ظريف ميتفهملهاش معنى يبقى أسمه أيه
بيحسسنى أنه بيجر شكلى!!
يعنى هو أكيد بيشوف كلامى دا وأنا بقله لو عايز يفهم ليه السيراتو فى مكانتها دلوقتى وليه الينيا البرافو ال500 الماستنج الf16 فى مكانتها دلوقتى
فى حاجه أسمها حوار ونقاش
مش كر وفر
وأنا كان نفسى فعلا مقابلتكوا تتشفت وتبقى معانا علشان تعرفوا أن مفيش فرق خالص بين الفياتاويه والكياويه لكن للأسف وجود بعض الاعضاء غير مسئولين بيعكر الصفو كل ما نقول يا هادى
وبردو لازم الناس تفرق بين الجد والهزار
أنا بهزر مع أحمد كتير وبقلل اللينيا فى كلامى معاه عن عمد علشان نهزر وهو بيعمل نفس الحكايه معايه
فى ناس بتفهم كدا ويمكن تهزر هى كمان معانا وناس تلاقيها دخلت زى باستو متفهملهمش حاجه!!
على العموم شكرا على كلامك يا سمسم

المشاركة الأصلية كتبت بواسطة ahmedbasto

انت عايز تنقنعنا ان السيراتو دى عربية زى بقية العربيات

ايه يا باستو هتزعلني منك لييييه مش كفاية السيكو سيكو
واحدة واحدة و بعدين السيراتو اينعم مش زي اللينيا و البرافو بس برده جامدة و بلاش نظلمها اكتر من كده لأنها احسن من عك كتييير جداااااااا موجود في السوق والله و ماتتقارنش بيه كمان
و متبقاش حامي كده و بعدين يبني الراجل بيهزر هو نطق!
و خليك في موضوعك اللي مزعلني منك و بعد كده ابقي شوف المنتدي ههههههههههههه

و صحيح يا نورمال الراجل اللي بيقوللي ابو وردة عندكم ده انا مش فاهمه و شكله هيحصله زي حسنين (واحد صاحبي متعرفهوش ) ههههههههههه

المشاركة الأصلية كتبت بواسطة ahmedmohamed7

حصل خير يا جماعه :)
بس انا عايز اقول حاجه فى حق استاذ NoRmal انا حبيتك كده من غير ما اشوفك ولا اعرفك حاجه كده من عند ربنا :)
انا بفطس من ضحك لما بتهزوا مع بعض اساسا DEMASRY YOKO NoRmal

أيه الكلام الكبير دا :))
ربنا يخليك بجد وشكرا على ذوقك وسعيد بمعرفتك :)
ويوكو ودامصرى حابيبى يعنى :)
يوكو مش عايز يعترف بأن السيراتو أفضل ودامصرى هيموت ويشترى عربيتى

المشاركة الأصلية كتبت بواسطة semsem_uno

و صحيح يا نورمال الراجل اللي بيقوللي ابو وردة عندكم ده انا مش فاهمه و شكله هيحصله زي حسنين (واحد صاحبي متعرفهوش ) ههههههههههه

هو إن جيت للحق أنا مفهمتش هو كان يقصد أيه بوردة دى بس حاولت أشوف يمكن غلط فى الكتابه بتاع :)
بس هو أكيد قصده خير والله دا شوقى دا راجل زى العسل
وكله كوم وحسنين كوم الله يخليك بلاش تهور :))

المشاركة الأصلية كتبت بواسطة yoko

انا مقلتش أوتوكروس ولا حاجة هما هيندموا لما يشوفوا الثبات والخامات والإيرباج وقوة الفرامل والبلوتوث

يا عم تعالى أنت بس ومش مهم أى حاجه تانيه
قالك خامات :)))