الموضوع: مياه السيارة

المشاركة الأصلية كتبت بواسطة a_tantawy7

الموضوع باختصار يا أخواني أني كنت في التوكيل من يومين بعمل صيانة ال40 ألف, المفروض أن دورة التبريد بالكامل اتنضفت وغيرولي مياه الردياتير(مياه خضراء). مشيت بالعربية يومين لقيت الميه نقصت جامد فبعد ماكانت تحت علامة الmax بقت يدوب فوق علامة الmin عايز أعرف ده معناه أيه؟ وسؤال تاني أيه طريقة تزويد الميه في العربية؟ أشكركم جميعا

شوف الوصلات بتاعة الردياتير ممكن يكون حاجة اتفكت و بص تحت العربيه لو فى تسريب وراجع على غطا الاربه عشان دة لو بايظ بيطلع الميه برة الاربه و طريقة التزويد عادى اشترى جركن ميه خضرا من المحطه وزودها لغايه العلامة تانى

المشاركة الأصلية كتبت بواسطة elewey

شوف الوصلات بتاعة الردياتير ممكن يكون حاجة اتفكت و بص تحت العربيه لو فى تسريب وراجع على غطا الاربه عشان دة لو بايظ بيطلع الميه برة الاربه و طريقة التزويد عادى اشترى جركن ميه خضرا من المحطه وزودها لغايه العلامة تانى

شكرا لردك بس سؤالي هل أزودها مياه و العربية مطفية ولا وهي دايرة و هل تكون العربية سخنة وأنا بزود ولا باردة, و أخيرا بزود في القربة ولا الردياتير نفسه؟ شكرا مرة تانية

المشاركة الأصلية كتبت بواسطة a_tantawy7

شكرا لردك بس سؤالي هل أزودها مياه و العربية مطفية ولا وهي دايرة و هل تكون العربية سخنة وأنا بزود ولا باردة, و أخيرا بزود في القربة ولا الردياتير نفسه؟ شكرا مرة تانية

دور العربيه الصبح عادى وزود علطول مفيش مشكله بس المفروض انك تزود من الاربه مش الردياتير فراجع على الخرطوم دة لو مسدود نظفه

بص يا سيدي
لو العربية باردة خالص افتح غطاء الردياتير وزود مياه لغاية الآخر وبعدين اقفل غطاء الردياتير وزود القربة لغاية العلامة العليا .. بس كدة .. وبعد كدة كل يوم قبل ما تخرج بالعربية بص على مستوى المياه فى القربة لو لقيته ناقص شوية بسيطة زوده أما لو نقص كتير يستحسن انك تكشف على دورة التبريد
اما لو كانت العربية ساخنة مينفعش تزود مياه الا وهى دايرة
والكلام ده سببه ان العربية لما تكون دايرة فالمياه اللى هتزودها هتاخد مجراها الطبيعى من أعلى الردياتير الى الأسفل الى طلمبة المياه ثم الى المحرك فبتكون المياه اختلطت المياه الموجودة بالفعل وتدخل المحرك ودرجة حرارتها مناسبة. أما العربية لو مش دايرة ولسه ساخنة فالمياه اللي هتزودها ممكن ترجع من خرطوم الردياتير العلوى الى وش السلندر اللى حرارته عالية جدا وبالتالى ممكن تعمل شروخ فى وش السلندر

طبيعى ان الميه تقل بعد غسيل الدوره .. زودها و هتضبط معاك ان شاء الله (زودها ميه خضرا طبعا)

شكرا لكل الردود, أنا عرفت ليه المياه كانت بتنقص, لأن الباشا في التوكيل مقفلش غطا الردياتير كويس. أنا دلوقتي عند مشكلة تانية لما زودت الميا سرحت فالقربة أتملت على الأخر.. أنزل المياه الزيادة أزاي أثابكم الله. وعلى فكرة بعد مازودت لقيت القربة بتجيب مياه من الجنب الشمال من تحت كده حد يعرف ليه؟

الغطاء بتاع القربة بيكون محكم عليها وهتلاقى طالع منه خرطومين :
- الأول ده اللى جاى من عنق الردياتير تحت الغطاء على طول وده فايدته انه عنصر الوصل بين القربة والردياتير
- أما الثانى التانى ده مفتوح على الجو (بتاع الفايظ)

فلو عايز تفضى القربة لأي سبب من الأسباب (لنظيفها مثلا) فك الغطاء اللى موجود عليها وارفعها من المكان اللى هى متثبته فيه وفضيها واغسلها براحتك وبعدين ركبها تانى فى مكانها وركب الغطاء ( هو غالبا بيكون راكب كبس)
ولاحظ أن يكون علامة السهم اللى موجودة على القربة مقابلة للسهم اللى موجود على غطاء القربة أثناء التركيب ( أنا عندى كده مش عارف عندك نفس النظام ولا الوضع مختلف)

أما المياه اللى بتيجى من الجنب الشمال من القربة فراجع على خرطوم الفايظ ممكن يكون هو اللى متدارى فى الجنب الشمال والمياه الزيادة بتنزل منه
وابقى قولنا انت عملت ايه

المشاركة الأصلية كتبت بواسطة a_tantawy7

شكرا لكل الردود, أنا عرفت ليه المياه كانت بتنقص, لأن الباشا في التوكيل مقفلش غطا الردياتير كويس. أنا دلوقتي عند مشكلة تانية لما زودت الميا سرحت فالقربة أتملت على الأخر.. أنزل المياه الزيادة أزاي أثابكم الله. وعلى فكرة بعد مازودت لقيت القربة بتجيب مياه من الجنب الشمال من تحت كده حد يعرف ليه؟

لو عايز تنزل المية الزيادة اللى فى القربة من غير ماتفكها بسيطة هات حتة سفنجة ونزلها فى القربة وطلعها صفيها وبعدين كرر ..