عاوز اعرف سعر قطعة غيار مش موجوده في قائمة الاسعار

**sala7** · 28-06-2010 03:09 PM

[justify]
[justify]
مستودع غاز المكيف اللي بيكون شكله عامل زي الكباية الالمونيوم و بكون موجود في مقدمة العربية بعد سربنتية المكيف بالظبط
عاوز اعرف سعرة كام و فيه منه اصلي ولا ؟؟

على فكرة يا جماعة عاوز اوضح حاجة مهمة جدا للأستفادة
أولاً : اللي عندة كمبريسور المكيف محروق لاقدر الله لما يجي يبدله بواحد جديد لازم ينضف مواسير المكيف بالضغط العالي في دائرة مقفله لمدة ثواني و بعد كدا يفتح الدايرة
ثانياً : لازم لازم لازم تغير الكوباية او مستودع غاز المكيف لانه ده وظيفته بيفلتر الرايش اللي خارج من بساتم الكمبريسور - يعني ما يخليش حد يفتيلك و يقولك القديم ده ينفع يركب عادي ( الكلام ده مش مظبوط لان ده وظيفته انه فلتر لغاز الفريون من شوائب تأكل بساتم الكمبرسيور) و بالتالي لو القديم ركب الكمبريسور مش هيقعد 3 ايام على بعض و يعمل jam يعني يقفل خالص و مايلفش تيجي تدور العربية و تروح مشغل المكيف تروح العربية مبطله على طول .

و هذا للعلم و للأستفادة .. علشان انا حصلتلي المشكلة دي و دي تاني مره اغير كمبريسور بسبب جهل بعض الفنيين

المهم بقا عاوز حد يفيدني في سعر الكوباية (مستودع غاز المكيف) كام ؟؟؟؟؟؟
شكراً لكم جميعاً
[/justify]
[/justify]

**M.Zaher** · 28-06-2010 06:21 PM

مشكور على التنبيه
و ان شاء الله لو عرفت السعر هاقولك

**JAM** · 29-06-2010 12:01 AM

انا عارف انتا بتتكلم على ايه.. بس عربيتى مفيهاش الكوباية دى

**mohfud** · 29-06-2010 09:24 AM

أن أعرف أن فى فلتر بينقى الفريون الخارج من الكمبريسور وأن الموباية دى مجرد مستودع للفريون ليس إلا

**احمد ابراهيم** · 29-06-2010 09:58 AM

يا ريت لو حد يعرف سعر علبة الدركسيون جديدة و استيراد لانها غير موجودة فى قائمة الاسعار

**AlGazar2** · 29-06-2010 12:59 PM

المشاركة الأصلية كتبت بواسطة namla

يا ريت لو حد يعرف سعر علبة الدركسيون جديدة و استيراد لانها غير موجودة فى قائمة الاسعار

سعرها جديدة حوالى 1750 و للاسم مينفعش تملا القديمة (تصلحها يعنى ) الاستيراد حوالى 600 - 800 مش متأكد منها ده سعر تخيلى ليها ممكن تكون اقل بكتير او اكتر حاجة بسيطة

**corolladestroyer** · 30-06-2010 02:25 PM

اللي انت بتسال عليه رقم 3 في الصوره صح
انا جبته 180 جنيه

**corolladestroyer** · 30-06-2010 02:27 PM

Glowfoto :: Photo Sharing
ده رابط الصوره

**exact** · 01-07-2010 08:37 PM

هو ده بالظبط وهو زي ما مكتوب عليه مجفف للرطوبة وبه فلتر تنقية لأن مفيش فلتر في حتة تانيه وكل العربيات بالكامل فيها الفلتر ده وان كان تختلف صوره فمثلا في بعض السيارات يكون مدمجا في داخل السربنتينة من جنبها وعشان يتغير هو يكون جوة ماسورة ملحومة فيها فانت بتفتح الماسورة تخرجه ويتحط الجديد