لانسر 2000 ولا استرا2002 ولا لوجان 99 ولا لادا جديدة

**eska** · 28-06-2010 11:41 PM

السلام عليكم
عايز عربية في حدود الخمسين الف وبفكر في دول بس محتار جدا
لانسر مو2000 اتوماتيك او عادي
استرا 2002 عادي
لوجان 2009 عادي
لادا جديدة
ممكن كمان نوبيرا 2004

اهم حاجة بالنسبالي ان العربية متعطلش كتير ولما تعطل تكون في حاجة بسيطة و قطع غيارها مش غالية
تاني اهم حاجة التحمل يعني تكون عربية بتاعت مرمطة من الاخر
ياريت تساعدوني باراكم يا اعضاء احلى منتدى

**golf2010** · 28-06-2010 11:54 PM

قبل ما الناس ترد انا بتوقع ان المقارنة دي هتلاقي فيها نرفزة شديدة في الكلام كلو لصالح عربيتو.
انا معنديش ولا عربية في دول وهقولك رأيي بكل حيادية
انت قولت عايز عربية متعطلش منك وقطع غيراها مش غالية وصيانتها وتصليحها سهلة وبتاعة مرمطة, حضرتك بتوصف اللانسر بالظبط.
الأسترا قطع غيارها نار وصيانتها صعبة جداً وتوكيلها يعتبر أسوأ توكيل في مصر.
اللوجان موديلها قديم واكيد هتعطل منك وقطع غيارها اغلى من اللانسر كتير وصيانتها صعبة شوية.
اللادا الجديدة معنديش فكرة عنها بس الي اعرفو ان شكلها الخارجي مش حلو.
وقبل اي حاجة استخير ربنا

**eska** · 29-06-2010 12:01 AM

متشكر يا باشا على ردك
الموضوع مش مستاهل نرفزة من حد ...ل كل احد بيقول عيوب و مميزات عربيته هتبقى المشاركة مفيدة جدا ليا
اللوجان مش قديمة موديل 2009 ليه تعطل
اللادا شكلها مش حلو ومش فيها اي ثبات عالسرعات العالية بس ده مش هيفرق معايا اد ان هي تثعد معايا من غير اعطال علشان جديدة
شكرا ليك يا باشا
في انتظار باقي الاراء

**golf2010** · 29-06-2010 12:22 AM

معلش انا مخدتش بالي من موديل اللوجان كده تبقى ممتازة بس أسعار قطع غيارها اغلى من اللانسر طبعاً

**eska** · 29-06-2010 12:49 AM

صح دي مشكلة قطع غيار اللوجان والاسترا غالية
بس الاسترا غريبة جدا ناس بيشكروا فيها جدا جدا بيقولوا ماشية معاهم زي الفل وناس طالع عنيها في تصليحات وقطع غيار.
هل قطع غيار اللوجان التقليد الرخيصة تاثر على كفائة العربية ...لسه محدش مر بالتجربة دي لانها عربية مبقالهاش سنتين عندنا في مصر ...ربنا يستر
اهم حاجة فعلا الاستخارة و كمان الاستفادة من خبرات الاخرين

**ahmedbibo** · 29-06-2010 01:34 AM

انت فعلا بتوصف الانسر ياعنى حضرتك تقارن عربيه يابانى بعربيه رومانى حتى لو موديل حديث الانسر برده لانسر ومفيهاش اعطال ولازم تكون حالتها حلوه وكل العربيات ديه مش بتاعت مرمطه النوبيرا مش مرمطه خالص ولا الوجان و الاستترا ناااااااار

والادا غنيه عن التعريف اخبطها فى الحيط وترد تانى وقطع غيارها فى كل حته بس انت عايز عربيه يبقى الانسر عايز حديده وعربيه ممرطها وسافر بيها كل يوم واهريها مفيش قدامك غير الادا وجديده برده

**أبو صلاح** · 29-06-2010 01:38 AM

نصيحة لوجه الله
بلاش لاااااااااااااادا
حد انهاردة في 2010 بيفكر في لادا زيرو حرام عليك ياراجل

**eska** · 29-06-2010 01:58 AM

المشاركة الأصلية كتبت بواسطة أبو صلاح

نصيحة لوجه الله
بلاش لاااااااااااااادا
حد انهاردة في 2010 بيفكر في لادا زيرو حرام عليك ياراجل

ميفرقش معايا الشكل ولا الثبات علشان كده فكرت في اللادا

في حاجة تانية بفكر فيها بس مش عارف ايه نظام قطع غيارها و متانتها الفابيا 2003 1200 سي سي

انا بدات استبعد حاجات بس مش هقل استبعدت ايه علشان اصحاب العربيات دي ميزعلوش

**omar-saad** · 29-06-2010 03:10 AM

1- اوبل استرا حالة نضيفة جدا
2- ميتسوبيشى لانسر حالة نضيفة
3- دايو نوبيرا حالة نضيفة
4- اللوجان
5- الادا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالا

**eska** · 29-06-2010 05:20 PM

المشاركة الأصلية كتبت بواسطة momo_sunny

1- اوبل استرا حالة نضيفة جدا
2- ميتسوبيشى لانسر حالة نضيفة
3- دايو نوبيرا حالة نضيفة
4- اللوجان
5- الادا لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالالالال الالا

المشاركة الأصلية كتبت بواسطة ahmedbibo

انت فعلا بتوصف الانسر ياعنى حضرتك تقارن عربيه يابانى بعربيه رومانى حتى لو موديل حديث الانسر برده لانسر ومفيهاش اعطال ولازم تكون حالتها حلوه وكل العربيات ديه مش بتاعت مرمطه النوبيرا مش مرمطه خالص ولا الوجان و الاستترا ناااااااار

والادا غنيه عن التعريف اخبطها فى الحيط وترد تانى وقطع غيارها فى كل حته بس انت عايز عربيه يبقى الانسر عايز حديده وعربيه ممرطها وسافر بيها كل يوم واهريها مفيش قدامك غير الادا وجديده برده

متشكرا يا جماعة