الموضوع: هو حب تاني عيل ..زي حب أول عيل !!!!! سؤال لأصحاب العيال 2 فما فوق

المشاركة الأصلية كتبت بواسطة 2faster

نصيحة لله

خلي بالك انت لما الطفل التاني بيجي والناس طبعا مهتمين بيه اكتر

الطفل الاول ممكن يكره:t_thum1[1]: الطفل التاني

فخد بالك من الموضوع ده

مثلا لو جبت للطفل التاني هديه في السبوع

متنساش
الطفل الاول وبرده جبله هديه انتا كده هتخليه يحب اخوه

اكتر

(حب اللي يقرب منك و بيحبك اد ما بتحبه)

هدية هنا و هدية هنا

ربنا يقدرنا

المشاركة الأصلية كتبت بواسطة hesham_tawfiq

ياباشا الف مبروك مقدماوربنا يتمم بالستر والخير ان شاء الله

انا عندى بنتين برضه بس بصراحه بحب الكبيره اكتر سنه بسيطه مع ان التانيه عفريته اكتر وشقيه اكتر

احسن لقب هتحبه باذن الله ابو البنات" لقبى المفضل " :-)

مبروك مره تانيه ويتربوفى عزك باذن الله

انا أبويا فضل أبو البنات 13 سنة

و بعدين بقى اباحمد مرة واحدة

يا عالم بقى

بس البنات احسن من الصبيان

بيغسلوا مع امهم

المشاركة الأصلية كتبت بواسطة ecybrarian

الحقيقة الحب واحد..بس الاهتمام المبالغ فيه مع الطفل الأول بيقل مع الطفل التاني لأن الأبوين اصبح عندهما خبرة!!
بارك لله لكم وبارك في ذريتكم ورزقكم الخير كله عاجل ليس آجل

فعلا احنا قررنا الجديدة هانسيبها تعيط و مفيش هز و لا شيل
بلاقرف

المشاركة الأصلية كتبت بواسطة tyler_durden

أنا عندي بنت عمرها ٨ شهور
ساعات بفكر إني لو جبت طفل تاني فده خيانة للطفل الأولاني !
بس عموما لا تفكير في أطفال قبل ٥ سنوات ..ممكن وقتها الواحد يشتاق و يحب يكرر عملية الإنجاب

مش بمزااااجك ولا خمسة و لا تلاتة

كا ناويين كده برضه صحينا الصبح لاقيناها في السونار

ده رزق

المشاركة الأصلية كتبت بواسطة gabrial

هو أنا مش متجوز بس أنا جربت الموضوع دة مع بنات أختي ،و أنا علاقتي معهم قوية جداً إلى أبعد درجة يمكن ذي والدهم ،البنت الكبيرة كانت و مازالت نور عيني و مكنتش متخيل إن أي حد ممكن ينافسها ،لما الامورة التانية جت في الاول مكنتش بحس انها ذي الكبيرة عشان كان في عشرة جامدة معها بس بمرور الوقت الموضوع دة عدة و هما الاتنين لهم نفس المعزة ،و أحلى حاجة في الدنيا و مش عاوزني اتجوز عشان متشغلش عنهم .بس ماتندفعوش أوي في الانبهار بالمولود الجديد قدام البنت الكبيرة لاحسن ممكن تقلبها ضلمة ،ألف مبروك ،و إن شاء الله المدام و البيبي يكونو في أتم صحة .

هههههههههه

كنت فاكر زيك كده

بس لما الواد ابن اختي ضرب بنتي كنت هاكله اكل

المشاركة الأصلية كتبت بواسطة m.osman

بجد مش عارف اقول اية غير ألف مليون مبرووووك يا دوك .... يتربوا في عزك ان شاء الله

اظرف حاجة ان المشوار اللي كنت فيه النهاردة وخلاني الف من اليوتيرن اللي قابلت حضرتك عنده كان بسبب مشوار اطفال برضه !!

و الله عثمان ان كمان فرحت لما شفتك

ابتسامتك كلها أمل كده

بس شكلك في حاجة مزعلاك

لينا قعدة

المشاركة الأصلية كتبت بواسطة amr a.salam

أوبااااا ....ألف مليون دشليون مبرووك مقدما يًا دوك

بس في حاجة صغيرة فاتتك

هتعمل ايه بقى لما البنوتة الجديدة تكبر كدة وتبقى عضو في نايل موتورز وتشوف الموضوع دة

هتقول بابا كان بيعمل استطلاع يحبني ولا لأ ؟؟؟؟؟ :)

مش هنتقابل يا دوك ولا ايه ؟؟؟

اول ما تخش المنتدى هاعمل تقرير مشاركة يحذفوا الموضوع

او يغيرو الاسم لـ" بنتي الجديدة أحسن من القديمة"

هههههههههههههههههه

المشاركة الأصلية كتبت بواسطة ahmed anwer

ألف ألف ألف مبروووووك أولا ،،،

و يتربوا في عزك

ببساطة ،،، الابن الثاني ،،،

أنا حاليا شخصيا بعزه أكتر شوية من الأولاني

زي ما تقول كده لسه صغير و كوميدي و مكعبل في بعضه كده

فبحبه أكتر سنه

قصة صغيرهم حتي يكبر

أعتقد لما يكبروا حتكون قصة من اللي بيريحك أكتر من اللي ناجح أكتر و بتفتخر بيه

كده يعني

اصل الاتنين تقريبا قد بعض يا هندسة

هايبقو صغيرين و كوميديين

المشاركة الأصلية كتبت بواسطة النوبي

مش عارف حاسس ان مفيش حد هيقدر ياخد مكان محمد حتي لو جبت دسته عيال تاني محمد ده لو حده عالم تاني ببص له بس كده اشوف الدنيا في عنيه مش ممكن احب حد تاني زيه حتي لو كان اخوه او اخته

ولا تعلم .....

ربنا يخليلك محمد و تشوفه أحسن واحد في الدنيا

المشاركة الأصلية كتبت بواسطة mido777

الف مبروك مقدما ويتربوا فى خيرك ان شاء الله
انا فى الأول كنت بقول كده على "جودى" بنتى
وان البيبى التانيه " جويل " حتكون مش زى ما أول شافت عينى
لكن بعد ما جويل جت احساسى اتغير وطبعا الأثنين حب واحد

بس يمكن الموضوع ده بيفرق عند الأجداد
يعنى والدى و والدتى طبعا بيحبوهم جد جدا هما و ولاد اخواتى كمان

لكن " جودى " عندهم حاااااااااااااااااااااااج ة تانية

الله يخليك يا دكترة

و انا عارف ان الحفيد الأولاني ده مالوش منافس " اختي الكبيرة عند جدتي حاجة لوحدها ...و بتحبني علشان أنا ولد , لو كنت بنت كنت خدت بالجزمة" ههههههههههه

بس

سيبك من ده كله

يعني ايه "جويل"

أصلي باسمع أسامي غريبة ايشي سوسن و رنين و حنين
أسامي محلات دي مش أسامي عيال

قال سوسن قال

المشاركة الأصلية كتبت بواسطة shnory

واد يا سمسم
مبروووووووووووووووووووووو ك
ربنا يملاهملك بركه ويكونولك الذريه الصالحه
والغالي عليك يا سمسم لما البنات تكبر ويجيلهم شباب زي القمر زيي كده يتقدمولهم
ابقي خف ايدك عليهم
وانا جاي العقيقه والسبوع
وباذن الله المولود الجاي ولد علشان العقيقه تبقي جملين وناكل براحتنا
خد بقي اقري الموضوع ده
وحتفهم نفسيه الطفل الاول ناحيه الطفل التاني
http://www.nilemotors.net/nile/10835...post3872152572

روح يا شن ....منك لله

ايه الكآبة دي

المشاركة الأصلية كتبت بواسطة ainshouka

المفروض الطبيعي إنك تحس إن التاني هو اللي بياخد الدلع علي أساس إنه الأصغر ومحتاج عناية أكتر
لغاية ملقيت أخويا شذ عن القاعدة وبيحب الكبيرة أكتر برغم إن أحنا كلنا مستلطفين الصغيرة
بس تقريبا طالما أنت قلت الكلام دا يبقي شكلك كده حتميل للأولي برضه

تفتكر !!
و الله شكلك صح

المشاركة الأصلية كتبت بواسطة momo_sunny

انا مش متجوز ولا عندى اولاد ولا حاجة
بس انا كدة عرفت بابهاتنا كانوا بيفكروا ازاى

ولسة اتفرج دا انا هاقولك على أسرار كتير

المشاركة الأصلية كتبت بواسطة baskota

مبروك يا دكتور ربنا يجيبهالك بالسلامة
بس صدقنى مش هتعرف غير لما البيبى تيجى بالسلامة
وطبيعى جدا يكون احساسك باول بيبى وهوجنين مختلف لانها اول مرة والمرة الاولى دايما مميزة فى كل شئ
لكن دلوقتى عادى بقا وخصوصا ان مايا بتلعب حواليك والوقت ده كمان فى سنها اجمل وقت ممكن تعيشه مع طفل
وتقريبا كده الاتنين ان شاء الله هيكون عمرهم متقارب وده ممكن يخليك قريب من الاتنين
بس عموما بالنسبة للطفل التانى شخصيته هى اللى بتفرض نفسها وبتحدد مكانه يعنى بيعتمد على نفسه اكتر من الحظ والنصيب اللى ادوا للطفل الاول مميزات مش هتتوفرله انه الاول

هم يا استاذة بسكوتة

بيقولو ان العيل التاني فعلا بيلاقي الجو مش رايق له زي الأولاني فبيضطر يشق طريقه بدراعه
و يتبت وجوده بشخصيته

مش زي الأولاني اللي جه لاقاها مستنياه و الدنيا سكينة في الحلاوة

مبروك يا دكتور ...تتربى في عزك :))
و انا هجاوب كوني واحد من ضمن خمسة انا اوسطهم ...مش منطلق اني اب :))
الاولاني له معزة تانية خااااااااااالص ... حتى لو التانيين خدوا نوبل :))

ألف مبروك ويتربوا في عزك يا دكتور :)
مش هاقول أكتر من اللي زمايلنا قالوه، أنا برضه ماحستش إني هاحب التاني زي الأولاني بس أول ما جه حاجة تانية نفس العاطفة والحب بتاع الأول، بس الفكرة إن الواحد قلبه بيجمد شوية لأنه بقى خبرة :)
العروسة تنور بالسلامة وانت مش هاتمسك نفسك. وربنا يبارك فيهم .

المشاركة الأصلية كتبت بواسطة alaa_dash

الاولاني له معزة تانية خااااااااااالص ... حتى لو التانيين خدوا نوبل :))

المشاركة الأصلية كتبت بواسطة ralliart

ليه معزه خاصه جداً عند العيله كلها وبياخد اهتمام جامد وبيعتبر نفسه صاحب البيت والعيل الجديد ده دخيل عليه كده انا فشيت غلي وحقدي على اخويا الكبير :e_braces[1]:

ايه ده .......

دا انتو شايلين قوي

فضفضو فضفضو

هو الوسطاني بيبقى دايما كده

لاهو الكبير اول العدل ولا الصغير المدلع

المشاركة الأصلية كتبت بواسطة TaoTao

ألف مبروك ويتربوا في عزك يا دكتور :)
مش هاقول أكتر من اللي زمايلنا قالوه، أنا برضه ماحستش إني هاحب التاني زي الأولاني بس أول ما جه حاجة تانية نفس العاطفة والحب بتاع الأول، بس الفكرة إن الواحد قلبه بيجمد شوية لأنه بقى خبرة :)
العروسة تنور بالسلامة وانت مش هاتمسك نفسك. وربنا يبارك فيهم .

يارب .....هاجرب و اقوللك

بس فعلا انا قلبي هايبقى جامد شوية

دي مايا مشغلانا عندها