-
اسواء عربية بلا منازع فيات 128
يا راجل دي عربية ؟
مشاوريها كلها من الميكانيكي للكهربائي للسمكري و لما تحب تعمل مشوار تاخد تاكسي
-
رايكم في الريجاتا
مفيش حد ركب ريجاتا خالص
رايكم فيها يا بشمهندسين ايه ؟؟؟؟؟؟؟؟؟؟؟؟؟؟؟؟؟؟؟؟؟
ردوا عليا علشان مقدم علي الشراء
-
اكيد الماروتى كانت معقدانى كل اسبوع ولا اتنين اغير قواعد الموتور لما زهقت
-
النتر 2012 الشكل الجديد
النترا 2012 بدون زعل وكل التقدير لملاكها انا جبتها فى شهر نوفمبر 2011 وبعتها فبراير 2012 بعد 2400 كيلو بالتمام والكمال وخسرت فيها مبلغ محترم بجانب مبلغ التأمين العربيه كانت كلها بلاستيك رخيص فى الصالون وكل مطب التابلوه يقعد يزيق والكرسى يقعد يزيق مع كل فرمله جامده او بنزين جامد وعيوب تقفيل فى الصاج الخارجى والبيبان فيها صوت رخم جدا زى خربطه كه طول ما انت ماشى وصوت رخم لاتستطيع تجاهله وتسقيف من الموتور حتى فى عز الشتاء ونتشه فى الفتيس الوتوماتيك وعيب سوفتوير فى الشاشه بتاعت الكمبيوتر مكانتش النقله بتظهر غير لمل تبطل وتدور تانى زهقتنى فى عيشتى يمكن حاله فرديه بس هو نصيب وبالمناسبه ولا مشكله اتحلت فى التوكيل نظام اخبط دماغك فى الحيط ياعنى وده السبب الاساسى للبيع بجانب الفرامل يا on يا of ماينفعش تهدى لازم تلبس فى الازاز وبنحدف شمال بغباء و الطاره مكانتش عايزه تتعدل لافتوكيل ولا غيره
-
عليها اللعنه
ريتمو مصرى و كمان لونها احمر :breakpc2::breakpc2::breakpc2::crashcomputer4::cra shcomputer4::crashcomputer4:
-
اسوء عربيه ركبتها و لسه بركبها هيه اللانسر بتاعت والدى مش بتريحنى نهائى فى القعده مش ثابته على الطريق بحس خاماتها بلاستيك معاد تدويره فى الصين كل الحاجات دى مبحسهاش و انا راكب النوبيرا بتاعتى
اسوء اعطال فى عربيه كانت 127 كانت دايما تعمل معايا الدنيئه فى مدينه نصر لغايه محرمت اروح بيها هناك نهائى و كانت دايما لما تروح للميكانيكى تتظبط و تتعدل و تبقى زى الفل يجربها يقولى مفيهاش حاجة امشى من عنده تهيس تانى
مره الكوبلن خرج من مكانه و انا ماشى روحت للميكانيكى يجربها بقت زى الفل و مفيهاش اى حاجة مشيت من عنده قامت عملاها تانى روحت سيبتهاله قولتله اعملها انا متأكد من الى بقوله
اسوء حاجة تانى لما النوبيرا قطعت سير كاتينه بسبب البلى الى فرط على طريق مصر اسكندريه و انا راجع من الساحل قطع على 140 تقريبا :)
-
و اسوء عربيه بجد سافرت بيها كانت جيب رانجلر الجديده ناشفه بغباء نزلت منها ضهرى مكسر على الرغم من انى لما سوقتها محستش بنفس الاحساس و انا راكب كان الاحساس كله بالعزم الجبار و الطلعه الشديده و الخوف من انى اتقلب بيها فى اى ملف :)
-
العيب مش في العربيات العيب في اللي بيمتلكوا هذه العربيات لان في ناس تلاقي معاهم عربيات موديل قديم وبسم الله ماشاء الله كانها زيرو وفي ناس معاها عربيات زيرو وتلاقي بعد كام سنه بقت زي الخرده فياريت مانظلمش العربيات
-
موضوع لزيز رغم انه قديم
انا اسوء عربيه ركبتها كانت الفولكس الخنفسه (البيتل) مو 1975
العربيه بتاعت عمى - و رغم ان الموديل ده معمر جداا و بيستحمل لكن سواقة عمى بشعه و لما كبر فى السن و ابتدى يعقل فى السواقه و اشترى كمان عربيه تانيه لانسر (يعنى رجله خفت من على الفولكس اوى ) كان اولاده كبرو و كملو مسيرة التخريب فيها لأن هما كمان سواقتهم زى سواقة عمى و هو صغير
طبعا العربيه ديقه جداا و تمشى بيها تبقى حاسس بكل ظلطه على الطريق و بتنقلك المطبات بمنتهى الامانه و الشفايفه - لكن برضه للامانه العربيه دى شافت حوادث بعدد شعر راسى
اسواء عيب حصل معايا فى عربيتي القديمه "كورولا 78" كان الكربراتير بتاعها بيشرق على السلانسيه (يعنى العربيه لو فضلت على السلانيه لمده 5 ثوانى الكربراتير يشرق) ووديته لمركز لصفا اتصلح شهر و رجع العيب تانى ووديته عن الميكانيكي اتصلح اسبوع وفى يوم و رايح الشغل و انا فى عباس العقاد وسط الزحمه اللى هناك لاقيت العربيه شرقت تانى ... قولت مابدهاش بقى
ركنت على جنب و كنت قريت ان سبب المشكله دى فى العواامه ممكن تكون متنيه شويه
فكيت وش الكربراتير و تنيت صفيحه العوامه بمقدار ملى - وياريتنى ماتنيت
بقيت العربيه بتشرق منى و انا دايس بنزين بمجرد مايتملى حوض البنزين اللى فى الكربراتير
طبعا اطريت انى اروح زى البوبى لغايه ميدان الحلميه بالمواصلات و اشتريى كربراتير جديد (زيرو و كان ب 700 اليابانى الاصلى و مش فاهم ازاى بجد ) و ركبته انا
و مره تانيه برضه فى التيوتا كنت طالع من الشغل و يادوب بدور و رجعت مارشدير ورا لمسافه متر
ابص الاقى دخان طلع من الكبوت !!!!!!!!!! فتحت الكبوت بسرعه لاقيت النار ماسكه فى اسلاك الكهرباء
ده ليه - علشان قبلها بيوم او اتنين روحت للكهربائى علشان يغيرلى سلك الدينمو و الباشا نسى يعزل طرف السيلك - الفسيلك لمس مع شاسيه العربيه و ده طبعا متوصل بالبطاريه على طول من قبل الفيوزات فعمل قفله مع الاسلاك اللى معظمها 2 مم فاتحرق البلاستيك بتاعها و فضلت لمده ساعه تقريبا اغير الاسلاك اللى اتحرقت دى علشان اعرف اروح
ده كان اسوء عيب تقريبا حصلى لأنى انا غاوى القديم و ايدي فيها على طول
Content Relevant URLs by
vBSEO 3.6.0 PL2