هما عربيتين
الأولى لانسر 99,العربية نفسها كويسة بس حظها وحش معايا
أول مرة كان واحد صاحبى مأجر واحدة من 4 سنين و العربيات التأجير طبعا بتبقى منبهدلة, و احنا ماشيين من القاهرة لطنطا الساعة 3 الفجر العربية وقفت تماما عند قها و اضتطرينا نبات فيها للصبح فى عز الشتا و السقعة على ما أى ميكانيكى يفتح الصبح
و طلع الديسك و الاسطوانة خلصانين على الأخر و صلحناها على حسابنا
المرة التانية , واحد صاحبى تانى اشترى واحدة من سنتين علشان يتعلم عليها و كدة, المهم نسى يحط فيها مياة و الموتور قفش و حصل حوار
العربية التانية بيجو 504
فى مرة كنت راكب مع صاحبى (اللى كان مأجر اللانسر) و عومت على 140 و قعدت تيجى يمين فى شمال 6 مرات و شفت الموت بعينى.
و مرة تانية كنت مسافر مع واحد تانى معاه 504 برضو و عطلت مننا على الزراعى كذا مرة و طلعت عنينا