حقيقة أسعار أنابيب البوتاجاز

**MaZaGAngeE** · 29-06-2010 02:14 AM

من مدة و أنا كل شوية أسمع ان أنبوبة البوتاجاز هتزيد من 4 جنيه ل 45 أو 50 و آخر حاجة 60 جنيه

الكلام ده صحيح ؟

الفقير يروح فين يا مصر .......

**devilishtigers** · 29-06-2010 02:49 AM

انا سمعت عن الموضوع دا وان الانبوبة هتاخدها ببطاقة التموين وبعدد محدد على حسب الافراد واللي هيخلصهم او مش معاه بطاقة تموين تقريبا هتكون بالسعر دا.. والله اعلم

**dode2002** · 29-06-2010 03:28 AM

دي تبقي مصيبه

**بحري** · 29-06-2010 04:31 AM

مش هيحصل دلوقتي..هي عبارة عن محاولة لرفع مخاوف الناس وجعلهم يتوقعون الأسوأ...حتى إذا ما ارتفعت الأسعار في الفترة القادمة يفرحون أنها لم تبلغ هذه الدرجة من السوء...لعبة نفسية مش أكتر...حد يكره إن الحكومة تلعب معاه

**MaZaGAngeE** · 29-06-2010 04:34 AM

المشاركة الأصلية كتبت بواسطة بحري

مش هيحصل دلوقتي..هي عبارة عن محاولة لرفع مخاوف الناس وجعلهم يتوقعون الأسوأ...حتى إذا ما ارتفعت الأسعار في الفترة القادمة يفرحون أنها لم تبلغ هذه الدرجة من السوء...لعبة نفسية مش أكتر...حد يكره إن الحكومة تلعب معاه

كده الحكومة مش بتلعب معانا .... كده بتلعب فينا

**m7nsh** · 29-06-2010 06:33 PM

المشاركة الأصلية كتبت بواسطة MaZaGAngeE

كده الحكومة مش بتلعب معانا .... كده بتلعب فينا

هههههه
لو ده اللعب فى وجهه نظرهم يبقى زى ماقلت !!
بس هو الكلام فعلا على ان الأنبوبه هتبقى على بطاقه التموين - لكل اسره من 3 افراد انبوبه .. و الأكتر من كده 2 لحد 8 تقريبا مش متذكر حاجه كده
و اللى يخلصها و يحتاج يجيب من المستودع بمعرفته بالسعر العالى ده
و ممكن تدفع زياده عشان الأنبوبه توصلك البيت - مهو طبيعى مش كل الناس هتعرف تشيلها مع الزيت و السكر :)
ده اللى اعرفه فى القصه دى و الله اعلم الحقيقه فين فى دى بلد

**AshTurbo** · 29-06-2010 06:49 PM

50-60 هو دة سعر تكلفة أنبوبة البوتجاز الحقيقي على حسب كلام الحكومة واللي قال الكلام دة بناء على أشاعات أن الحكومة هترفع الدعم عن الطاقة ولكن المستهدف من الأشاعات دي هو البنزين اللي سعره هيغلي بكل تأكيد ... هي لعبة بتتعمل كل مرة أشاعات وتصريحات أن الدعم هيتلغي ولكن يطلع المسئل المحترم و يقول متخافوش الدعم مش هيتلغي أحنا بس هنزود البنزين كام قرش والسولار كام قرش أنما الدعم زي ما هو .