الموضوع: قررت ابيع عربيتى....الحقونى

السلام عليكم

مبروك على استلام العربيه

فعلا قمة الماساه فى المعامله مع المركز ده (العوض جروب) ، سيئ جدا جدا جدا يعاملوك كويس بس شغلهم زفت ولو دخلت جوه عندهم مهازل انا عملت عندهم شغل سمكرة وكان وحش جدا وبرضه روحتلهم مرتين على حاجه كانت بتحصل عندى وكل مرة يقولو هنصلحها ومايصلحوهاش

كلهم عالم مش تمام هو عمرو كناريا ده معندهوش اى ضمير وحسام ده برضه مش قد كده مش عارفين يسيطروا على الناس الصنايعية اللى عندهم انا ياما شفت منهم دلوقتى انا بتعامل مع اوتوماستر باين عليهم كويسين .


رجاء راجع على كل حاجه فى العربيه كويس اوى فى خلال فترة الضمان اللى بيديهالك على التصليح (3 شهور او 5000 كيلو) وروح اتخانق معاهم ولو فيه حاجه اطلع لواحده هناك اسمها مى ياسين بتاعت خدمة العملاء هى بتحاول تظبط الدنيا بس للاسف لا حياة لمن تنادى .

يا جماعة في عضو هنا كان بردو عمل عربيته سمكرة و دهان بس في ياسين الفرع المعتمد لمنصور ....و حصل مشاكل كتير و في الاخر لجأ لمنصور (التوكيل نفسه) و هما قاموا بالواجب معاه و الراجل اتبسط منهم جدا و حذروه انه ميتعاملش مع اي مركز معتمد في اي اعمال سمكرة او دهان
و هو ده موضوع العضو
http://www.nilemotors.net/Nile/154364-a.html