تعاله أقولك تلغى ازاى الصفاره اللى بتشغل بعد ال120 فى الويرا

**ahmed_h_g** · 29-06-2010 05:59 PM

فيه طريقتين تقدر تلغى بيهم الصفاره
الطريقه الأولى انك تشيل الصفاره نفسها من الطبلوه
بس لو شلتها مفيش صفاره هتشتغل لما تفتح الباب وأنته حاطط المفتاح فى الكونتاك أو لو نسيت النور الصغير شغال قبل ما تنزل من العربيه

الطريقه التانيه ان تفك طقم العداد وطبعا" الطريقه ديه سهله ومش هتاخد أكتر من 30 دقيقة بالكتير
لأنك هتفك الوش الأبنوس فقط
بعد ما تفك العداد هتلاقى شكله كده من الخلف

لو لاحظت هتلاقى جزء صغير من الخريطه مقلوب لونه بنى ورايح على السنسور أو حساس السرعه

الجزء ده هوه اللى خاص بتوصيل الصفاره بالحساس
طبعا" هتفك المسمار وهتنزل الجزء ده من الفلاته تحت وردة الحساس
متقطعوش خالص من الخريطه نزله تحت أو أبعده عن المسمار بالشكل ده

بس كده أنته كده لغيته
لو حابب ترجعه تانى أعمل نفس الخطوات وخلى الفلاته البنيه فوق الورده الخاصه بالحساس وأربط المسمار بحيث تخلى رأس المسمار فوق الفلاته فوق الحساس

أوقات فى بعض الموديلات مش هتلاقى الحساس ده شغال ومش موجود أساسا"
وفيه موديلات تانيه الحساس موجود فيها بس مش شغال
وفيه موديلات هتلاقى الصفاره ديه مبتشتغلش بس لمبة الأعطال بتنور لما بتعدى سرعة 90
لكن مبتعملش أى خلل فى النظام
أقولك ليه
دايرة السنسور واصله بالكنترول فبتخليه يدى عطل فى النظام يظهر فى لمبة الأعطال وطبعا" الكلام ده مش فى كل الموديلات
والعطل ده والله أعلم ليه علاقه بجزء معين فى الكنترول يفتح على السرعات العاليه زى اللى فى بوابة الكربراتير فيه جزء بيفتح على السرعات العاليه عن طريق شفاط أعلى الكربراتير

يعنى من أخر لو لغيته ولمبة الأعطال منورتش ميحصلش حاجه
ولو لمبة الأعطال كانت بتنور عندك أساسا" من الأول ولفيت ومعرفتش العيب فين وصله وأدعيلى
تحياتى .

**mido_soliman** · 29-06-2010 06:07 PM

فكرة جامدة جدا يا هندسة بالتوفيق

**ghoneim** · 29-06-2010 08:04 PM

الله ينور يا باشمهندس
ياترى الفكره دى تنفع مع البيرسونا
وشكرا مقدما

**mangere90** · 30-06-2010 03:41 AM

الله ينور عليك ياهندسه ، بس في استفسار صغير كده هو نفس مكان الحساس في الويرا في كل بروتون جين 2 و واجا لو كان كده ممكن نغير صوت الحساس ونخليه صوته زي بتاع الألنترا (تن تن) هل ممكن

**ahmed_h_g** · 30-06-2010 12:59 PM

شكرا" على مشاركاتكم الجميله

المشاركة الأصلية كتبت بواسطة mangere90

الله ينور عليك ياهندسه ، بس في استفسار صغير كده هو نفس مكان الحساس في الويرا في كل بروتون جين 2 و واجا لو كان كده ممكن نغير صوت الحساس ونخليه صوته زي بتاع الألنترا (تن تن) هل ممكن

بالنسبه للصوت ينفع يتغير عادى بتغيير الصفاره أو السماعه الصغيره
بس المشكله اللى هتقابلك مكان السماعه جوه طبلوه الجين لازم تفك الطبلوه كله علشان تلغى السماعه أو تغيرها
على كلام مهندس هانى فى عز العرب .

**ahmed_h_g** · 30-06-2010 03:30 PM

المشاركة الأصلية كتبت بواسطة whm

موضوع جامد جداا يا أحمد ،،،

ياترى حليت مشكلة عداد السرعة.؟ انا فاكر انك قولتلى ان العداد احيانا بيهيس و مش بيعد.؟ انا كمان بواجه نفس المشكلة.

تحياتى
وائل حسين

الحمد لله حليت المشكله
فكيت التروس بالكامل ونضفتها وشحمت الأجزاء اللى عايزه تتشحم منها ورجعت الرقم على 140 الف زى ما كنت وكله رجع تمام
كانت المشكله ان العداد اللى تحت أول ما يوصل ال 9 الترس ميلفش كان محتاج تشحيم
وتم حل المشكله الحمد لله
معلش أنا لو كان عندى كاميرا كويسه كنت شرحتلك بالصور .

**engahmedsamy** · 30-06-2010 07:27 PM

الله ينور يا باشمهندس

-

الموضوع: تعاله أقولك تلغى ازاى الصفاره اللى بتشغل بعد ال120 فى الويرا

LinkBack

أدوات الموضوع

عرض

تعاله أقولك تلغى ازاى الصفاره اللى بتشغل بعد ال120 فى الويرا - انشر الموضوع فى :

‏ ‏ السلام عليكم ورحمة الله وركاته -

-

-

المواضيع المتشابهه

تعالى أقولك

صوت زاي الصفاره

صوت الصفاره ضاع مني

ملاك الويرا ايه رايكم في الويرا دي

الويرا 1300 73 حصان بس ؟؟؟ ازاى؟؟؟ !!

الكلمات الدلالية لهذا الموضوع

المفضلات

المفضلات

ضوابط المشاركة