الموضوع: جين 2 2010 اتوماتيك part two

المشاركة الأصلية كتبت بواسطة basemsaeed

اولا مبروك عليك العربية
الله يبارك فيك
و ربنا يكفيك شرها
آمين
ثانيا عاوز استفسر منك على شوية حاجات لانى فعلا مقبل على شرائها
بالنسبة للتقفيل ايه الوحش فيه؟؟؟غير اوكر الباب دى

الوصلة اللي في النص اللي فيها الزراير بلاستيك تعبان بردو
والصالون على بعضو كده يديك انطباع انو مش فخم

و سؤال بس كده,ليه حضرتك ما روحتش تبص على العربية فى المعرض عشان تشوف تقفيلها و الحاجات اللى شوفتها وحشة قبل ما تشتريها؟؟؟

شفتها عشرين مره في المعرض وكمان مع واحد صحبي بخرج معاه على طول
بس الحاجات دي كلها هايفة وانا عارف اني مش بشتري مرسيدس يعني
من الاخر كده حلو اوي على اد فلوسها

بالنسبة للاصوات و التزييق اللى سمعته,هل انت ما سمعتوش وقت استلامك للعربية؟؟؟

والله الحاجات دي كلها بسيطة جدا ومش مديقاني

بالنسبة للعشفة اعتقد انها ناشفة عشان بس لسه فى الاول فى التليين يعنى,لانى قريت هنا فى المواضيع انها نشفة سنة بش اوى

انا قريت زيك الحوار ده بس انا بقول انطباعي عموما وبصراحة الموضوع قلقني شوية

بالنسبة انها ضيقة من ورا,قصدك حضرتك ضيقة فى الوسع فى الكنبة اللى ورا ولا فى المساحة بين الرجلين و الكراسى اللى قدام؟؟؟؟

المساحة بين الرجلين والكراسي اللي قدام (على فكرة انا طولي 190 سم)

بالنسبة لصوت الماتور مفيش,حضرتك قصدك بيه ايه؟؟؟صوته واطى يعنى؟؟؟؟

ايوه الصوت واطي وظريف

و بالنسبة للى حضرتك قولته عن قفل الزجاج,معناه ان العزل الداخلى للعربية ممتاز
بالظبط كده
و مستنى رد حضرتك على استفسراتى
و شكرا

أي خدمة يا فندم
خد عندك شوية حاجات تانية:
المرايات الجانبية صغيرة والرؤية مش 100 100
الازاز اللي ورا مساحة الرؤية فيه صغيرة بردو
كل الحاجات دي بردو هايفة وحتتزبط مع التعود عليها
بس العربية ما شاء الله لا قوة الا بالله
خطفة انظار كل الشارع عندي وصحابي حتى المنادي اللي تحت الشغل بتاعي

المشاركة الأصلية كتبت بواسطة م.محمد مختار

أنت كالكلب ... في وفاءه ... وكالبغل في قوة تحمله ...!!!! -طبعاً مش حضرتك -
مش عارف ليه كلامك فكرني بالجملة دي (كنت بدرسها زمااان في البلاغة اسمها المدح الذي يشبه الذم ) !!!!

بصراحة اتلخبطت وأنا بأقرأ كلامك... مش فاهم انت مع ولا ضد؟؟؟ عاجباك ولا حقيرة للأبد؟؟؟؟؟ بتتكلم جد وللا بتهزر وللا بتتريق؟؟؟
بجد مفهمتش!!! وخاصة الباراجراف الأخير بتاع:
"
واخيرا الى كل الجيناوية
ايه اللي بعد كده؟؟؟؟؟؟
يعني استيكرات وفرشات وحركات
ولا الكلام على ايه؟؟؟"
:o_stupid[1]:
بجد والله مافهمتش منه أي حاجة!!!!!!!!!!

+111111111111111
فعلا كلام حضرتك يلخبط انت حسستنى انها عربية زبالة
بعد كده فى ردود حضرتك بتقول كلها حاجات بسيطة
المهم ما علينا بالنسبة لنشوفية العفشة اتأكد من ضغط العجل 31 امامى و28 خلفى على ما أظن لو غلطان حد يصحح

لأ يا جيناوية مش عاجبني خالص
طبعا انا بعشق حاجة اسمها جين 2
انا بدرس السوق بقالي 3 سنيين ووجت ان دي احسن عربية بالنسبة لي

حوار التقفيل ده انا حابب اقولو للناس عشان ينزلو على ارض الواقع
لأني بحس من طريقة كلام معظم اللي في المنتدى انهم رايحين يشتروا أوستن مارتن ولا حاجة
يعني الناس بتقعد تدقق في حاجات عادية بالنسبة لعربية متوسطة السعر

ميدو باشا
متشكرين على نصيحة ظبط الكاوتش

باشمهندس محمد
اكيد معروفة قصة العفشة الرياضية دي
بس انا اعتقد ان العفشة بتاعت عربيتنا مش رياضية اوي زي ما حضرتك متصور اكيد هما بردو عاملين حسابهم ان دي عربية للمدن بردو
اكيد حوار تظبيط الكاوتش ده حيعمل حاجة ان شاء الله لأني فعلا حاسس انو منفوخ على الآخر
واكيد في حاجات تانية بتعمل سبات على السرعات زي عرض الكاوتش مثلا (عندنا 195 يعني بطل)
اما بالنسبة للمقطع الاخير
انا بسأل بجد على الخطوة اللي بعد كدة
يعني مثلا الاستيكر بتاع المنتدى اه نظامه
الفرش اجيبه منين والتليين اه حكايته وكده يعني

المشاركة الأصلية كتبت بواسطة midosalah

+111111111111111
فعلا كلام حضرتك يلخبط انت حسستنى انها عربية زبالة
بعد كده فى ردود حضرتك بتقول كلها حاجات بسيطة
المهم ما علينا بالنسبة لنشوفية العفشة اتأكد من ضغط العجل 31 امامى و28 خلفى على ما أظن لو غلطان حد يصحح

انا زيك كده بالضبط يا باشا,لما الواحد يسمع الكلام يقول كده فعلا,عشان كده سألت