يا استروية 2002 رايكم بليز

**ameros** · 30-06-2010 05:35 PM

انا بتكلم جد انت بس قولي ازاي وانا معاك

**N.a.j.d** · 30-06-2010 05:49 PM

ينفع ياباشا بس لازم حد يكون معا رخصه استيراديه وهوا بيجبها ع اسمه عادي وبعدين موافقه من الوزاره المرور ع المواصفات المطلوبه

**ali.mahmoud** · 30-06-2010 06:48 PM

ياباشا اهم حاجة الحالة وكمان والله لو الحالة حلوة العربية دى بجد هتريحك وهتعيش معاك مش شرط تجيب عربية تصرف عليها وكمان العربية دى ممتاااااااااااازة فى كل حاجة

**eska** · 01-07-2010 12:56 AM

متشكر يا رجالة عالاراء ...
يعني اتكل على الله وابقى استراوي خلاص؟
بس معلش عايز اعرف من الاخر كده ل جبت عربية حالة نضيفة و صيانة دورية بالتوكيل و 1200 هصرف عليها متوسط كام و كل اد ايه ..انا عارف ان السؤال ده نسبي بس انا عايز اعرف المتوسط اللي هصرفه عليها علما بان استخدامي معقول مش بتاع بهدلة
متشكر يا رجال

**mexmarine** · 01-07-2010 03:41 PM

نصيحتى لك بما انك عامل زى حالاتى مش عاوز وجع دماغ .. هات الالمانى موديل 2000 الـ 1200 سى سى ,, اكبر و اهم عطل فيها حساس الاير ماس فلو و ده انت و حظك يعنى لو بتحافظ على العربيه (فلتر الهواء) بيقى مفيش مشاكل و هو بيتباع بـ 1250 جنيه و ماركته بوش المانى و استعمال فى حدود 500 او 600 .. غير كده مفيش او محصلش معايا حاجه خلال سنتين و لله الحمد و كنت هابيع عربيتى فى ازمه ماليه لكن عملت المستحيل علشان مابيعهاش و الحمد لله لسه معايا و مش ناوى اغيرها لأنى شفت ال1600 و حسيت انها علشان برازيلى مشاكلها او عفشتها مش على نفس كفائة الالمانى .. على فكره ال2001 و 2002 المانى اسبانى و برضه عربيات حلوه قوى و السعر من 46 الى 50000 الف حاجه رائعه و عداد قليل (أقل من 80000) و اى خدمه لو حبيت و بالتوفيق

**mexmarine** · 01-07-2010 04:03 PM

انا من سنتسن مصروفى عليها كان عباره عن

اير ماس فلو (بالإتفاق مع الدكتوره اللى باعة لى العربيه ) خفضت 3 الاف جنيه من ثمن العربيه
بوجيهات 90 و فلتر هواء 60 و بنزبن 25 و سير التقسيمه اللى هو بور و تكييف و دينامو (الوحيد فى العربيه لانها على كاتينه) 75 جنيه
الفانوس الامامى اتشرخ منى و جيبته استعمال بـ 125 (جديد 250 جنيه لو تحب)
فانوسين خلفى الواحد بـ 185 جنيه (فيبو جديد زى الاصلى مش فارق عنه)
أنا على فكره استخدامى قليل يعنى فى السنتين مشيت بيها 16 الف كيلو و بسافر بيها القاهره و سياحه داخليه كمان :)

ربنا يوفقك بس المهم تكشف عليها كمبيوتر (قيمة الكشف كان ب 40 جنيه)

**ali.mahmoud** · 01-07-2010 08:32 PM

تمام كده ياباشا والله عرفتنى اسعار مكنتش عارفها

**eska** · 01-07-2010 09:28 PM

المشاركة الأصلية كتبت بواسطة mexmarine

انا من سنتسن مصروفى عليها كان عباره عن

اير ماس فلو (بالإتفاق مع الدكتوره اللى باعة لى العربيه ) خفضت 3 الاف جنيه من ثمن العربيه
بوجيهات 90 و فلتر هواء 60 و بنزبن 25 و سير التقسيمه اللى هو بور و تكييف و دينامو (الوحيد فى العربيه لانها على كاتينه) 75 جنيه
الفانوس الامامى اتشرخ منى و جيبته استعمال بـ 125 (جديد 250 جنيه لو تحب)
فانوسين خلفى الواحد بـ 185 جنيه (فيبو جديد زى الاصلى مش فارق عنه)
أنا على فكره استخدامى قليل يعنى فى السنتين مشيت بيها 16 الف كيلو و بسافر بيها القاهره و سياحه داخليه كمان :)

ربنا يوفقك بس المهم تكشف عليها كمبيوتر (قيمة الكشف كان ب 40 جنيه)

متشكر جدا عالمعلمات دي كلها طمنتني ..كلها مصاريف بسيطة بعيد عن الاير ماس فلو بس هي الاسعار دي اسعار التوكيل ولا انت بتعمل الصيانة برة؟؟و بعدين الاسعار دي سعر قطع الغيار بس ولا بالضريبة واالتركيب؟
حاجة كمان عايز اعرف انت عرفت منين ان حالة الاير ماس فلو كانت وحشة او عايز يتغير لما اشتريت العربية؟؟ بالكشف؟