متستغربش دا الطبيعى العرب دايما كلهم كدا والغريب انهم معندهمش اى خلفيه من اللى بيحصل كلام فى الفاضى وخلاص
ممكن تتأكد من كلامى وتدخل على اى فديو فى اليوتيوب ان كان مضحك او دينى او ثقافى او اجتماعى او او ...... الخ
هتلاقى التعليقات كلها فى السب والشتيمه والنقد بالجهل فى الفاضى ومعظم الردود بتبقى كدا
الوعظ لساده اللى واخدها الحماسه اوى حسسنى انى بموت القطه وبقطع فى لحمها
اولا دا القط بتاعى مربيه وهوه لسه صغير جدا وعارف حياته بالظبط ماشية ازاى وبفهم هوه عايز ايه فى كل صوت بيطلعه
للتوضيح اكتر
القط مضايق فعلا لكن مش متعزب ألما وسبب ضيقته انه عايز يتنطط ويلعب ومش عايز حاجه مكتفاه
لانه ربنا عاطيه جرعة نشاط كبيره شويه عن العادى طول مهوه صاحى قاعد يجرى ويتنطط ويطلع فى كل مكان مبيحبش يقف دقيقه ولذلك بياكل يجى 20 مره فى اليوم ماشاء الله محتاج طاقه علطول :)
وحبيت وانا بلعب معاه اربطه بالفوطه طبعا الربطه ضعيفه جدا ومش زانقه عليه تماما فلقيته بيعمل الحاجه الغريبه اللى انتو شايفنها دى فصورته كشىء غريب اول مره اشوفه 3 دقايق وفكيته لان فى الاول والاخير انا مرضاش للقط انى اضايقه أكتر من كدا لانى بحبه جدا
فاستغربت اكتر من اللى يقلك حرام والست اللى دخلت النار علشان حبست قطه ووو... حسسونى انى كنت بولع فيه .. والله ياجماعه كل الكلام دا عارفينه كويس وواخدين بالنا منه
على كدا لو ورتلكم الفديو اللى هوه بيستحما فيه هتقولوا عليا كافر والسبب طبعا الجهل . لان القطط بوجه عام مبتحبش الميا وبتخاف منها ... بس لازم يستحما لانه مبيبقاش نضيف بعد فتره
بس اللى يتكلم يتكلم بعقل شويه ويبقى عارف تفاصيل اللى بيحصل بالظبط قبل ميطلع موعظه او نصيحه
وشكرا لنصايحكم
المفضلات