العربيه بتبوظ بعد الغسيل....؟

**dr_raveheart84** · 30-06-2010 12:20 AM

انا لاحظت ان العربيه كل متتغسل متبقاش مضبوطه
مره متدورشي
ومرة الار بي ام يعلي فوق الواحد
ومرة العربيه بتنتش
مش عارف ايه السبب بالضبط
هل فيه طريقه اتجنب الموضوع ده؟

**elewey** · 30-06-2010 03:59 AM

المشاركة الأصلية كتبت بواسطة dr_raveheart84

انا لاحظت ان العربيه كل متتغسل متبقاش مضبوطه
مره متدورشي
ومرة الار بي ام يعلي فوق الواحد
ومرة العربيه بتنتش
مش عارف ايه السبب بالضبط
هل فيه طريقه اتجنب الموضوع ده؟

انتا قصدك لما تغسل الموتور فى المحطة و لا غسيل خارجى ؟؟

**haroun707** · 30-06-2010 05:35 AM

المشاركة الأصلية كتبت بواسطة dr_raveheart84

انا لاحظت ان العربيه كل متتغسل متبقاش مضبوطه
مره متدورشي
ومرة الار بي ام يعلي فوق الواحد
ومرة العربيه بتنتش
مش عارف ايه السبب بالضبط
هل فيه طريقه اتجنب الموضوع ده؟

[bor=#43f2e3]بص يا باشا الموضوع ده بيحصل لان اللى بيغسل الماتور بالمياه مهمل كعادة العامل المصرى فابيغسلها بمسدس المياه وطبعاً لان المياه بتكون مضغوطة بشكل قوى فا بيحصل ده لان المياه بتوصل للدينامو والاسبيرتير وباقى الاجزاء الكهربائية وبتعمل عزل للكهرباء لغايه لما المياه دى تنشف فا ترجع العربية لطبيعتها

وعندك حل واحد
فى سائل لونه ابيض شبه اللبن كده بيتباع فى محطات البنزين ده بيحط فى مسدس شبه بتاع الدوكو وبيترش بيه الماتور وبعدين بيتنفخ بالهوا وده اسلم حل لغسيل الماتور

اولاً لانه مش بيسبب تلف فى الاجزاء الكهربائية وكمان بينشف بسرعه

ثانياً انه بيحافظ على الاجزاء البلاستيك الكاوتش اللى موجوده فى الماتور زى السيور وخلافه

وعلى فكرة مش غالى خالص ثمنه فى حدود ال 15 جنية ويمكن اقل

وعاوز اقولك انه بيرجع الماتور زيييررررررررررررررروووووو وو

(طبعاً فى الشكل بس ) ههههه يعنى مالوش دخل بحالة الماتور علشان انت ببساطة مش حتشترى العفريت اللى معاه ال3 امنيات

ارجو ان كلامى يكون اضافلك جديد وافادة

[/bor]

**amro1965** · 30-06-2010 12:27 PM

اخى العزيز ممكن نعرف اسم هذا السائل
وهل بيباع فى جميع البنزينات ام لا
لانى فعلا محتاج اغسل سيارتى الان وبينى وبينك خايف جدا

**saint** · 30-06-2010 01:56 PM

بيتباع فى كارفور

**saint** · 30-06-2010 01:57 PM

وكمان فيه منه انواع مش لازم تحطها فى مسدس رش لانها اسبراى مضغوط زي الدوكو

**mohamed2007** · 30-06-2010 02:16 PM

السلام عليكم ورحمة الله وبركاته اخواتى الاعضاء انا حصل معايا لما غسلت العربية والحوض فى البنزينة طبعا بمسدس المياه الضغط العالى الموتور والحوض بقوا زى الفل وبعد مخلص العربية مرضيتش تدور وقعدنا نحاول لغاية لما العربية دارات ومشيت بين البنزينة والجراج حوالى 1كم فى نص ساعة مافيش سحب للعربية بس ماشية تاتا تاتا لغاية لما وصلت الجراج وخدت الميكانيكى بتاعى راجل طيب ورحتلها قام نظف الاسبراتير ونشفه من المياة وعمل تشيك على الموبينة والاجزاء الكهربية والعربية بقت زى الفل ووصانى انى لما اجى اغسلها تانى اجيب شنط بلاستيك واغطى الاجزاء الكهربية كويس جدا واغسل براحتك وجربت الموضوع دة وبقيت بغسل براحتى فى البنزينة بدون اى مشاكل

**kar!m** · 30-06-2010 10:55 PM

المشاركة الأصلية كتبت بواسطة mohamed2007

السلام عليكم ورحمة الله وبركاته اخواتى الاعضاء انا حصل معايا لما غسلت العربية والحوض فى البنزينة طبعا بمسدس المياه الضغط العالى الموتور والحوض بقوا زى الفل وبعد مخلص العربية مرضيتش تدور وقعدنا نحاول لغاية لما العربية دارات ومشيت بين البنزينة والجراج حوالى 1كم فى نص ساعة مافيش سحب للعربية بس ماشية تاتا تاتا لغاية لما وصلت الجراج وخدت الميكانيكى بتاعى راجل طيب ورحتلها قام نظف الاسبراتير ونشفه من المياة وعمل تشيك على الموبينة والاجزاء الكهربية والعربية بقت زى الفل ووصانى انى لما اجى اغسلها تانى اجيب شنط بلاستيك واغطى الاجزاء الكهربية كويس جدا واغسل براحتك وجربت الموضوع دة وبقيت بغسل براحتى فى البنزينة بدون اى مشاكل

المفروض أصلا ان العامل لو بيفهم يغطيهم قبل ما يغسل.

**kar!m** · 30-06-2010 10:57 PM

المشاركة الأصلية كتبت بواسطة amro1965

اخى العزيز ممكن نعرف اسم هذا السائل
وهل بيباع فى جميع البنزينات ام لا
لانى فعلا محتاج اغسل سيارتى الان وبينى وبينك خايف جدا

ممكن تستخدم فوم غسيل موتور .. بترشه على الموتور و تسيبه شويه و بعدين تدعكه بسفنجه و تغسله بميه .. موجود فى معظم البنزينات و كارفور و هايبرماركت.

**khaled_sabry** · 30-06-2010 11:06 PM

المشاركة الأصلية كتبت بواسطة dr_raveheart84

انا لاحظت ان العربيه كل متتغسل متبقاش مضبوطه
مره متدورشي
ومرة الار بي ام يعلي فوق الواحد
ومرة العربيه بتنتش
مش عارف ايه السبب بالضبط
هل فيه طريقه اتجنب الموضوع ده؟

هههههههههههههههههه
فكرتنى بعربيه عمى فولكس الخنفسه القديمه
كان كل لما يغسلها (غسيل خارجى بجردل الميه ) تعتطل و ماترضاش تقوم الا لما الميه تنشف خااااااالص
كنا بنتريق عليها و نقوله معلش اصلها مش واخده على النظافه

اوعى تزعل انا بهزر ... بس افتكرت الموقف ده من ايام لما كان عندى 10 سنين