الموضوع: أنواع و نقشات الكاوتش النسر

شكرا يا أستاذ توت على المقالة الجميلة. و أقدر لك دفاعك عن المنتج المصرى مادام هذا المنتج يمتع بالجودة و السعر المقبول.
يا جماعة أنا ليا تجارب سيئة جدا مع أنواع مختلفة من الاطارات, كورى و اندونيسى و كلو بيجيب سلك قبل عمره الافتراضى, لدرجة انو الاندونيسى جاب سلك بعد 20 ألف بس!!
نسر فاخر الى هو أرخص أنواع النسر عايش معايا فوق ال40 ألف كيلو, و لا أعانى من أيه مشكلة حقيقية, وانشاالله هغيره عند ال50 ألف رغم حالته الجيدة و هحاول أعثر على نوع أفضل من النسر (ربما نسر سوبر), لأنى بصراحة مش مستعد أغير الكاوتش كل 20 ألف.
محدش قال انو النسر أفضل من بيريللى و لا جوديير و لا ميشلان, لكن هو أفضل من الاطارات مجهولة الهوية الى موجودة فى أسواقنا اندونيسى على صينى على تايوانى. و زمان مكانش فيه غير النسر, و محدش كان بيشتكى.
و بعدين مش معقولة انو كل شركات التجميع منزلة عربياتها بكاوتش نسر عشان عفشتها تتكسر و تمشى على الطريق تتزحلق زى الصابونة!!

I know that the ISO doesn't mean a quality product
this is exactly what i mean
"اعتقد يا جماعه انه اثناء التصميم بيضحو بميزة عشان ميزة تانية

يعني مفيش نوع كاوتش هتجتمع فيه كل المواصفات الحلوة

فتلاقي ان كاوتش النسر بيهتم باطالة عمر الكاوتش بحيث يناسب الشوارع المتنيلة بتاعتنا وزي ماقال كريم منير انهم بيهتمو بسواق التاكسي اكتر مننا ... اكتر حاجه تهمه انه مايصرفش عالعربية كتير

مش مهم بقى لو كان ناشف شوية ولا جودته ايه الاهم انه يعيش معا"

Value for money.

يبدو أن موضوع إطارات النسر ذو شجون حيث أنه قد كرس له موضوع ثان فى المنتدى العام بعد أن رد العضو توت بأدلة و(داتا ) تكاد تقنع من لم يقتنع بضرورة الحكم على الموضوع بطريقة علمية وليس بناءعلى السمع ولا حتى التجربة الشخصية ، وحيث أنه يبدو أن الموضوع لم يحسم فاننى -وعن نفسى -أتصور أن أكون فى المضمون وأبحث عن ماركة إطار معروفة ومستوردة من بلد متقدم إن وجدت . وبناء عليه فقد جائنى طلب موقع من 0 من تجار الإطارات بقفل باب المناقشة فى موضوع إطارات النسر والنتقال إلى جدول الأعمال . موافقون !

لا يا عم نسر ايه بس ، و احنا ايه اللي يخلينا نبعتلهم ايميلات و نشتكيلهم، و حتى لو اشتكيت و قالك خلاص انا عملت اللي انت عايزه ، ساعتها انت هتجرب و تجربة يا تصيب يا تخيب ، يعني هيجربوا فيك، ايه اللي زانقك على كده يعني، مانت ممكن تجيب بريدجدستون اندونيسي من دولة شقيقة برضه زى ماليزيا اللي جبت منها البروتون

أنا أقترح أن يتم تثبيت هذا الموضوع لأهميته و حتى يصبح مرجعا لكل من يريد أن يشترى كاوتش نسر و دعما لمنتج وطنى هو فخر لنا جميعا.