الموضوع: بصراحة انتوا ناس كلكم محترمين جدااااا

المشاركة الأصلية كتبت بواسطة cairo2005

ايه الاسلوب الغريب بتاعك ده
يعني ايه احتقرتهم يا محترم (على فكرة احتقرتهم مش احتكرتهم زي ما بتكتبها)
عيب تقول انك بتحتقر الناس علشان راكبين عربية معرفش ايه
ويعني ايه حق البيجو
هي الشركة عينتك متحدث رسمي باسمها ولا ايه
متهيالي انت بدات بالغلط وكان طبيعي يردوا عليك


اما انك بتهزر مع صاحبك فيبقي في التليفون او على القهوة مش على منتدي وتشتم كل الناس اللى فيه




يعني هما ملاك البيجو دول بيبقي بالنقاوة ولا ايه
اي واحد معاه فلوس بيجيب اي عربية في حودو فلوسه بغض النظر عن هو ايه
يعني اعفن تاجر بتاع زبالة لا مؤاخذة يقدر يشتري افخم عربية بيجو محدش منكم يحلم يركبها
هل معني كدة انه احسن منكم
ممكن اه وممكن لا الله اعلم
الانسان بتربيته واحترامه للاخرين مش بالعربية اللي هو راكبها
وعيب لما تقول متحابين في الله وانت بتسب الناس الاخرين بدون اي سبب
ايه عرفك ان بتوع الدايو او الرينو او اي عربية تانية مش متحابين في الله
ايه الكلام الغريب بتاعكم ده





يا دوش الاهبل اللى انت بتقول عليه ده ممكن يكون احسن منك مليون مرة عيب لما توصف الناس بالفاظ زي دي
وايا كان راي الناس في اي عربية كل واحد حر في رايه بس متوصلش اننا نجرح في الناس بالطريقة دي




والله عندك حق يا دولي بس للاسف مفهومش كلامك





زي ما قلت قبل كدة صاحبك تهزروا في الموبايل او على القهوة مش تدخل تشتم وتتريأ على ناس فيهم الاكبر منك والاعلم منك والافضل منك عند الله ومني طبعا علشان متقولش اني متحامل عليك
عامل الناس باحترام الناس تحترمك
انما اسلوبك انت والاخ التاني فعلا غريب

حضرتك بتتكلم على اى اساس
ولا هو شكل للبيع
هو يعنى عشان واحد هعتبرة غلط نرد الاساءة باساءة تانية هو ده الصح من وجهه نظرك
وبعدين تعليقاتك على الكلام وبتمشيه على محمله السئ ليه !!!!!!!!!!!!!!
فيها ايه يعنى يستاهل ان احنا نهاجم بعض ونشد على بعض كدا
لما واحد يهاجم من السهل ان كل المنتدى يرد بهجوم زى محصل
والمفروض اننا نلم الموضوع وحصل خير يا جماعة والنية سليمة ومكنش يقصد الاهانة
ربنا يهديك ويهدينا كلنا اجمعين

المشاركة الأصلية كتبت بواسطة dentist2future

عارف ليه
لان هنا في منتدى الدايو احنا ناس بنحب بعض
بنخاف على بعض
حتى لو ما نعرفش بعض وعمرنا ما اتقابلنا
احنا في دايو اخوات واكتر
ومش مسكنا يهودى ولا حاجة
بس احنا كمسلمين كنا لازم نقول الحق
حضرتك منتدى الدايو لو دخلته هتعرف ان مصر لسة بخير وان فيه لسة ناس بتحب بعض
ويمكن ده اللي انتو مش فاهمينه
احنا عندنا بنحب عربياتنا وبنحب كل اللي راكبينها
لانهم فعلا مش عشان أنا واحد منهم والله وانا أقل واحد فيهم
مسلمين صح بيحبوا الخير لبعض وبيساعدوا بعض لوجه الله تعالى
وبيقفوا جمب بعض وقت الشدة اللي بجد في الحقيقة مش عالمنتدى بس
عفوا مش هتقدروا تفهموا الكلام ده الا في حالة واحدة بس
تشتروا لانوس او دايو وتيجوا عندنا المنتدى
غير كدة ما عتقدش

ياباشا مش منتدى دايو بس ده جميع الفروع
وبحي حضرتك على مدخلتك الجميلة ديه وربنا يعزك
انا مقصدتش كدا بس الردود مكنتش على مستوى اللى نايل موتورز معودنا عليه بس
كله دخل وهاجم باسلوب لا يليق بأعضاء قمة فى الاحترام والأدب على جميع الاقسام
وربنا يديم المعروف

المشاركة الأصلية كتبت بواسطة cairo2005

بختلف معاك انت كمان يا طبيب الاسنان
الدايو او الرينو او الميتسوبيشي كل منتدي فرعي هنا فيه ناس من نفس نوعية الباشمهندس سمير عياد والمهندس ممدوح وكل منتدي فرعي فيه ناس محترمة بتحب بعضها وبتحترم بعضها
لكن الىل جمعنا في النهاية مش المنتدياتالفرعية اللى جمعنا هو نايل موتورز وعلشان كدة كلامنا يبقي بالتعميم
يعني انا اعرف ناس كتير من منتديات تانية وكلهم ناس محترمة رغم انى مقابلتش معظمهم
الاحترام مالهوش علاقة بانت راكب ايه
الاحترام له علاقة بانت محترم ولا لا
انا عن نفسي عندي ميتسوبيشي عندنا في ساحتنا فيه المهندس طارق مصراوي جدا وهيما لانسر ومحمد عزت
وفي الرينو عندك العقيد خالد طبعا ده حكاية
اما البروتون فعندك ايمن_52 واذا زكرت البروتون زكر ايمن
وهكذا كل منتدي فرعي فيه ناس شايلة المنتدي
والاعضاء في نايل موتورز بشكل عام بيتقابلوا كلهم في الاجتماعي وبالامارة كمان بيتوقفوا كلهم فيه
بس في الاخر كلنا هنا اخوات وبنحب بعض وبنحترم بعض والعربيات مجرد حاجة جمعتنا علشان نعرف ناس كويسين زي اللى قلت اسمائهم وغيرهم كتير جدا وبعتذر لكل الى مقلتش اسمهم لاني لو فضلت اقول اسماء الناس المحترمة هنا مش هخلص ومش هفتكر الكل
اما الغث وزبد البحر فعادة ما يجرفه نايل موتورز الى الخارج ليتطهر منه

ياسلام الله ينور عليك
ربنا يكرمك ويعزك