الموضوع: مساعدة بخصوص كاوتش للهوندا سيتى

المشاركة الأصلية كتبت بواسطة alaa74

أولا أنا بشكر محمد بك نبيل ومحمد بك الشامى على مشاركتهم فى الموضوع .

ثانيا بخصوص نوع الكاوتش وإنه مرتبط بالميزانيه أنا فعلا مش محدد رقم معين لكن عاوز أجيب حاجه كويسه وتكون مقبوله فى السعر وبفكر تغيير مقاس الكاوتش زى ما قلت بس خايف من أى تأثير سلبى على العفشه والثبات .

فياريت ترشحولى أنواع الكاوتش الكويسه دلوقتى وتشاركونى برأيكم فى فكرة تغيير مقاس الكاوتش عندى من 14/65/175 الى 14/55/185
ثالثا بخصوص الجنوط أنا عندى الجنط مقاس 14 ومش هغير الى 15 لكن انا عاوز اغير الى جنوط اسبور وطبعا زى ما قلت الاصلى فى التوكيل سعرة مبالغ فيه جدا (6168جم ) وبرضو مش بفكر انى اركب حاجه مستعمله فى العربيه لازن تكون جديدة .
فايه رأيكم فى إنى اشترى جنوط اسبور من اى مكان تانى وايه الانواع الكويسه ومتوسط سعرها .
وشاكر جدا لتعاونكم وطولت عليكم .

لا شكر على واجب يا أ. علاء
1- انا للأسف لم أجد المقاس الجديد 185/55/14 على موقع الإطارات ده
2- لكن لو إفترضنا وجود المقاس ده حيكون في إختلاف في قراءة العداد عندك بمعدل 23 لفة لكل كيلو متر نظرا لإختلاف الأبعاد
3- بالنسبة للجنوط لو قلقان من الإستيراد ممكن تكشف على الجنط عند اي حد متخصص ترصيص قبل ما تشتري بس على اي حال انا لا أنصح بالصيني تماما و عن تجربة
ممكن حضرتك تشوف عند ارابكوم انواع و اشكال نظيفة..

والله يا أ. علاء انا لو مكان حضرتك و مش حغير الجنط يبقى اكيد لو لقيت الميشلان الأصلي زي مقاسات الفابريكة اشترية على طول