الموضوع: ارجوا الافادة : عايز اعرف المواتير ال ممكن اسقطها فى شاهين (دفع خلفى)

كل اللى اقدر افيدك بيه ان موتور ال132 2000 سىسى 2 كامه
بيطلع حوالى 112 حصان
انا سمعت ان المواتير بتاعت الابارث 131 هى هى مواتير ال132 ال2000 سىسى
بس شركه ابارث خادت الموتور ده و اضافت عليه بعض التعديلات ذى المانفولد و الكامات الرياضيه
خلت الموتور ده بيخرج حوالى اكتر من150 حصان
بس الموتور ده يترى موجود ؟
ممكن يركب فى الشاهين؟
لان اعتقد ان الشاهين نفس الحوض تقريبا بتاع ال131 (مش متأكد اوى)
فنستنا رأى الخبراء

المشاركة الأصلية كتبت بواسطة m_nabil

وبرضه في مواتير الـ volumex 2.0l اللى بتتسقط في 131 مش عارف تركب عندك ولا اية مطلعة 135 حصان كنت سئلت واحد من كذا سنة قال لى انها تنفع تتسقط حاول تشوف ميكانيكى فيات شاطر في التعديلات واسئله

السلام عليكم و رحمة الله و بركاته

أنا أول مرة بصراحة أسمع عن الموتور ده , هو ده كان بيركب فى أنهى عربيات و لا ده ماركة موتور 2000 سى سى و خلاص , أصل أنا بدور على موتور شديد أسقطه فى عربيتنا البيجو ال 505 و يكوت 2000 سى سى .

و ياترى الموتور ده صناعة ايه و بكام و قطع غياره موجودة ولا لأ و أجيبه منيييييييييييييييين ؟؟

مع جزيل الشكر

مازيراتى كواترو بورتيه

الماتور ده أصلاً بتاع لانشيا بيتا و كان بينزل في الارجينتا ال Vx السوبر تشارجر أعتقد ممكن تلقى عند بتوع الفيات في الحرفيين وبورسعيد بس قطع غيارة أعتقد نادرة شوية بس ده مش هينفع عندك في البيجو على فكرة البيجو ليها شوية مواتير محترمة جداً عندك من أول 2000cc لحد 2800cc وههورس باور عالى لحد 180 حصان ستة سلندر وبعض المواتير بتكون تربو كمان

المشاركة الأصلية كتبت بواسطة ozy2026

انا بصراحه مش عارف ليه مش قادر أهضم الكلام ده

انا شايف ان الشاهين خفيفه قوى والموتور ال 1600 الأنجيكشن كفايه قوى عليها وبشويه تعديلات عليه هيطيرها
ده انا معايا شاهين 1400_2005 وبتجرى حلو

السلام عليكم و رحمة الله و بركاته

فعلا العربية الشاهين الموتور اللى فيها ممتاز جدا .

الشاهين ال 1400 سى سى مو 1997 اللى عندنا من 8 سنين كنا شارينها مستعملة من سوق مدينة نصر و كانت عاملة 15000 كم و دلوقتى عاملة بتاع 50000 كم و ما شاء الله عليها , سحبها و تجميعها على الطريق ممتااااااز, أنا عارف أن فى أعضاء هنا فى المنتدى بيقولوا أن الشاهين دى أصلا مش عربية بس مش مهم , أنا شايف أنها من العربيات الناجحة بجدارة و الدليل التاكسيات اللى عندنا فى المنصورة , كل عربيتين تاكسى , تلاقى فيهم 4 شاهين,و كمان استهلاكها فى البنزين ال 90 ممتاز.

ربنا يباركلنا فيها و يباركلكم فى عربياتكم

مازيراتى كواتروبورتيه

المشاركة الأصلية كتبت بواسطة M_Nabil

الماتور ده أصلاً بتاع لانشيا بيتا و كان بينزل في الارجينتا ال Vx السوبر تشارجر أعتقد ممكن تلقى عند بتوع الفيات في الحرفيين وبورسعيد بس قطع غيارة أعتقد نادرة شوية بس ده مش هينفع عندك في البيجو على فكرة البيجو ليها شوية مواتير محترمة جداً عندك من أول 2000cc لحد 2800cc وههورس باور عالى لحد 180 حصان ستة سلندر وبعض المواتير بتكون تربو كمان

السلام عليكم و رحمة الله و بركاته

قصد سيادتك مواتير بيجو ولا مواتير ايه, أصل أنا اللى أعرفه أن البيجو ال 505 أحسن حاجة ليها فى السوق كموتور 2000 سى سى هو موتور الطيارة , بس أنا مش عارف هيبقى عامل ازاى على العربية و أداؤه هيبقى عامل ايه و كمان أنا نفسى أجيب موتور 2000 سى سى بالفتيس و التكييف راكبين عليه بتاع بلاده , مش أضطر أنا أركب الفتيس على الموتور الجديد!!!! و بالمرة أبقى كسبت أن كيفت العربية لأن ده هو السبب الأساسى اللى مخلينى بفكر أغير العربية و أجيب أوبل فكترا 2003 , 2000 سى سى CDX أو أوكتافيا A5 مو 2008 مانيوال, عشان التكييف, يعنى لو أنا قدرت بأى شكل من الأشكال أنى أكيف البيجو ال 505 مو 1980 اللى معايا, مش هفكر أبيعها أبدااااااااااااااااااا, بس مش عارف أعمل الموضوع ده ازاااااااااااى , من غير ما أأثر على أداء العربية لأنى مابركبهاش الا فى السفر , لكن فى اللف جوه البلد عندنا- المنصورة - بركب الشاهين بتاعتنا و خلاص .

مازيراتى كواتروبورتيه