الف شكر على ردك الجميل
انا لفيت في المنتدى حوالين موضوع التيدا دا
و الصراحة معظم الآراء متفقة على التيدا فعلاً ......
على العموم في انتظار آراء أخرى ..... و السؤال ميضرش :)
الف شكر على ردك الجميل يا باشا
و انا ملاحظ بعد اللف الكتير في المنتدى حوالين الموضوع دا .... ان معظم الآراء متفقة على التيدا ......
ربنا يقدم اللي فيه الخير
و في انتظار آراء أخرى ....... و كترة الآراء متضرش برده :)
الف شكر مرة تانية يا باشا على ردك الجميل
التيدا احسن اختيار في الفئه دي واسعه وشيك وتصميم حديث هدوء تام
لو حضرتك حابب شكل التيدا ( السيدان طبعا" ,,,لأن الهاتشباك أحلى ),,,
يبقى توكل على الله وهاتها من غير ما تفكر ...
بص لو أنت مشكلتك في سعر قطع الغيار أنا حاريحك
عندك نوعين من قطع الغيار , داخليه (ميكانيكية) و خارجية
لو القطع الميكانيكية فأنت عندك ضمان 3 سنين أو 100 ألف كيلو و ضمان حقيقي و كلنا جربنا مودرن موتورز و السبع بصراحة نيسان ايجيب من أفضل التوكيلات في مصر
لو قطع الغيار الخارجية (مرايا رفرف كبوت جنوط زي حلاتي) معتقدش حد بيركب عربية فوق الـ 100 ألف و مش بيأمن , فالحاجات دي تبع التأمين
فأنت قلقان ليه من أسعار قطع الغيار ؟ وهو أنت حتشريها إمتى ؟؟؟
ده أولا
ثانيا أسعارها زيها زي كل الياباني في نفس رينج الكورولا و الشارك يمكن أغلى حبتين من الياريس , بس قطع غيارها معمرة جدا وكفاية إنها على كاتينة و بوجيهاتها ايريدوم وموتورها ألومنيوم
ثالثا : يوجد بدائل في السوق مش ياباني لو أنت مزنوق ماديا قوي , التيدا حاجاتها موجوده بره التوكيل , صحيح مش في كل مكان زي اللانسر بس على الأقل حتلاقي حد شغال فيها , العربية معدتش غريبة على السوق دي مالية البلد فعلا
اهو حضرتك جبت المفيد برده ......
اولاً يعني الف شكر على رد سيادتك المفيد
ثانياً .....
انا شفت اسعار قطع غيار نيسان لقيتها يعني ولعة حبتين ...... لكن على رأي حضرتك , هوا انا ح اشتريها امتى ...... التيدا دي بجد كل الناس فعلاً بتشكر فيها ....... سواء من المنتدى او برا .....
يعني ملقيتش حد اشتكى من عيب فيها ..... بالعكس دا كله بيقول مميزات اكتر فيها .... و قارنوها بالكورولا ... و لقوا انها اثبت منها بمراحل طفيفة , الا انها اثبت منها ......
و قارنوها بالمازدا الجديدة .... لقوا اختلاف طفيف يعني في الكماليات , ان المازدا غنية بالكماليات , الا انهم نفس الثبات تقريباً ....
و عند حضرتك حق ... اسعارها زي اسعار الياباني الموجودة ...... و ده العادي يعني :)
اما ثالثاً .... فاحنا اولاً من دمنهور , و اقرب توكيل لينا في اسكندرية ( المفروض انه مودرن موتورز ) .... و حكاية في قطع غيار بتتباع برا التوكيل ..... الصراحة مش ح نلاقي عندنا و برده ح يكون اقرب مكان لينا هوا اسكندرية ...
و بالنسبة لانتشار العربية .... انا ملاحظ ان العربية كترت مع الناس اليومين دول فعلاً ...... الا ان بالنسبة للنيسان فانا شايف ان الصني منتشرة اكتر ( بدرجة غير طبيعية ) ....... الا ان التيدا في رأيي تكسب .....
هوا اللي انا خفت منه حاجة , اني سمعت طراطيش كلام يعني .... إن النيسان ملهاش توكيل معين في مصر ( بالنسبة لحكاية الضمان ) ..... و إن الضامن المفروض انها اليابان ( الشركة اللي مصنعة العربية ) ..... أكنك بتشتري العربية و بتقول ان الضامن ربنا سبحانه و تعالى ........ - ده اللي سمعته طراطيش كلام يعني -
و الف شكر مرة تانية على ردك الكريم
ده اللي قال لحضرتك كده ده معلوماته ضايعة وبيفتي جامد قوي !
نيسان مالهاش توكيل مش مصر ؟؟؟؟ أمال بيصنعوا الصني فين ؟ عند غبور ؟؟؟؟
حضرتك توكيل نيسان اسمه "نيسان إيجيبت" وده توكيلها طول عمره !!
نيسان ايجيب نفسها هي اللي بتستورد العربيات و كمان بتقفل أو بتصنع نيسان في مصر
أما موضوع الصيانة فنيسان ايجيبت موكله أكتر من شركة لعمل الصيانة وخدمة ما بعد البيع -حسب سياسة نيسان ايجيبت- outsourcing يعني
اللي هما السبع و مودرن موتورز و ECC وغيرهم
أدي خريطة مصر و, اضغط على المحافظة حيطلعلك مركز الخدمة الأقرب ليك تحت
Nissan
الكيا شكل ممتاز بس اعضاء هنا كتير اشتكت منها وقالو ان فيها مشاكل الانسر نعومة وسهولة اعادة بيع التيدا امكانيات لاكن الشكل مش عارف مش بحبة اهم شي انت عايز ايه القرار راجع ليك الثلاثة في اعتقادي حلوين
الف شكر يا باشا على الإفادة الكريمة .....
بس يا باشا ده كان طراطيش كلام ........ انا سمعت , بس قلت ازاي برده ملهاش توكيل , امال العربيات بتيجي م الهوا و لا ايه ؟ .... :)
و انت عارف في مصر ..... اجدع شعب يحب يفتي :) ........ الف شكر يا باشا على الإفادة مرة تانية
الف شكر يا باشا على ردك
التلاتة صراحة اجمل من بعض ..... و سيبك م الشكل ..... بس المهم الأمان و الكفاءة و الجودة ..... و الغالبية بيقول التيدا :)