ما خاب من استشار وانا شايف الناس كلها بتشجعك على التيدا اتوكل على الله, ولو عرفت هات الهاتشباك افضل في الشكل
ما خاب من استشار وانا شايف الناس كلها بتشجعك على التيدا اتوكل على الله, ولو عرفت هات الهاتشباك افضل في الشكل
ربنا ان شاء الله يبركلك فى العربيه وتجبها على خير ان شاء الله
وعربيه ركبتها ممتازه ومريحه جدا
ولعيله ان شاء الله تكون الاختيار الافضل
تيدا تيدا تيدا ......تيدا
تيدا هاتشباك الفيرانى والفرش من جوه اسود......تحفه .....وممكن تجيبها اللى ب 119 وعليها خصم من اوتو ايجيبت
الفين جينيه يعنى ب 117 ومش فارقه كتير اوى عن الكامله طبعا الفرق جنوط وفوجات وملتى فانكشن وايرباج زياده وكاسيت سى دى 6 شانجر .........بس قصدى الاساسيات موجوده واهو بردك دول 8 الف مش شويه ....
بس المهم............تيدااااااااااا ااااااااااااااااااااااااا اااا
(وعلى فكره انا فى نفس الحيره بس الفلوس حكمانى وكنت بفكر بين الصنى والسيراتو)بس كلام الناس هنا خلانى افكر ادفع اللى معايا واقسط الباقى
الهاتشباك مش بقبله عموماً ....... لكن المهم زي ما حضرتك قلت : تيدااااا .....
و لو كنت بتفكر بين الصني و السيراتو ..... أكيد الاختيار للصني .... بالرغم ان السيراتو مليانة امكانيات و رفاهية , لكن كتيير اشتكوا منها ... و الله اعلم في موديلات 2011 سيراتو لسه نازلة ( بس عايزة يعني تسأل عليها بدل المرة مليون ) ...
اما الصني بالرغم انها تقفيل مصري .... لكن متنساش انها ياباني و مكونات ياباني ..... و منتشرة و يمكن معظمنا بيشكك في تجميعها و المعظم ما بيشككش .....
لكن الواضح ان التقفيل المصري مفيهوش عيوب قد كدا ( يعني نقدر نقول انه نضيف ) ..... و مصر - على حد سمعي يعني - انها المركز السادس في حكاية التقفيل دي ....
و بيني بينك برده الصني شكلها الطف شوية عن التيدا صراحة ...... عيب التيدا برغم قوة اختياري ليها ان شكلها مش حلو ..... لكن مادام لحد دلوقتي مسمعتش عنها اي عيوب ... يبقى مش مشكلة الشكل , المهم الكفاءة و الأمان ..... و ده مش غريب على الياباني :)
------
أما بالنسبة لحكاية التقسيط .... فانا عندي رأي يعني :
- لو حضرتك ح تجيب العربية ( و مش ح تجيب غيرها ... و مش ح تبيعها ) يبقى امشي في نظام التقسيط , لأن مشكلة التقسيط حاجة انه بيعمل لك حظر بيع و حظر ملكية .... يعني متقدرش تبيع العربية الا لما تخلص فترة التقسيط .... ...... بس قبل برده ما تتكلم في تقسيط :
اختار البنك اللي فوايده اقل فوايد ........ لان في بنوك فوايدها 9.5 % و 9.5 % كتيير جداً ....
انت عندك مثلاً بنك اسكندرية فوايده 7.2 % و ده معقول شوية .... عندك بنك ناصر الاجتماعي 6 % ( اقل فايدة موجودة لحد دلوقتي بس مش كل المعارض بتتعامل مع البنك دا ) ....
- اما لو حضرتك عاوز العربية و عاوز تتحكم فيها في بيع و شرا ....... يبقى تدفع تمن العربية كاش .....
طبعاً كلمة كاش تخض شوية .... لكن ده مقابل ان العربية ملكك و بتاعتك و تقدر تتحكم فيها .... و دي ليها حل برده يشبه لحل التقسيط شوية ....
الحل هو : ان حضرتك تاخد قرض من البنك ( يعني ياريت لو كان قرض صغير ) و تضيف القرض على الفلوس اللي معاك و تجيب العربية .... و حاول تخلي حدود القرض يعني 30 ألف جنيه كويسين جداً و ياريت لو أقل ....
و بدل ما حضرتك تقسط العربية , تقسط القرض ...... و لما تيجي تحسبها ح تلاقيها هيا هيا ..... بس قسط القرض ح يكون اقل من قسط العربية .... و بالحل دا تكون جبت العربية كاش و بقيت بتاعتك و في نفس الوقت بتسدد في القرض باقساط ارحم من اقساط العربية ....... :)
انا الحمد لله كنت مسافر سلطنة عمان ولسه واصل من كام يوم
انا لاقيت ان التيدا هناك منتشرة عن النوعين التانيين دا انا حتى ملاقتيش النوعين التانيين كتير
اما التيدا كانت واكله الجو و لما ركبتها ما شاء الله عليها واسعة وتكييف جبار وناعمة
طبعا انا عارف ان المواصفات الخليجية مختلفة عن اللى هنا بس حبيت اقول انها منتشرة فى سطنة عمان