نيسان تيدا أم ميتسوبيشي لانسر أم كيا سيراتو ؟!!! - حاجة تحير

**Alios** · 03-07-2010 04:37 AM

يا جماعة بجد انا باشكركم على آراكم المفيدة .....

و الصراحة الوالد جاب عربية مختلفة عن دول كلهم ....

اشترينا حالياً ( الدايهاتسو التريوس ) .....

انا مكنتش متوقع الصراحة ....... و الوالد برده لحد دلوقتي ميعرفش ليه حط فلوسه في العربية دي ...... :) :) :)

المواصفات كالآتي :

- عربية يابانية و تقفيل ياباني 100% من الألف للياء .
- فول اوبشن من تكييف و باور و ايرباج و جنوط و ... و .... و زيادة عليهم الكاسيت السوني الأصلي ( على حسب كلام البائع ) و شاشتين دي في دي في ضهر الكرسيين اللي قدام .
- صالون واسع بغباء ...
- عربية عالية عن الأرض ..
- شنطة واسعة من غير حتى ما تضم الكنبة ... و الكنبة تلات كراسي , ممكن تضم كرسي واحد من الكنبة عادي و تسيب الباقي .
- شكلها اسد فعلاً ... و عائلية .

اللي محببنيش فيها : - شكل التابلوه من جوا ... بسيط جداً جداً ..... لكن دا مش غريب ع الياباني ..... الياباني اعتقد انه بيركز ع الكفاءة اكتر من الشكل الخارجي .

--------------------------------------------------------

اللي يقلق منها أكيد الحاجات العادية : - قطع الغيار . - التوكيل . - اعادة البيع .

العربية المفروض ان شاء الله نستلمها يوم الاحد اللي جاي .....

و ربنا يسترها ......

انا حاولت مع الوالد انه بس يتأنى شوية ....... و سألته في اقتناعه بالتريوس و اذا كان مرتاح لها و لا لأ .... و هل بكدا اشترى بالحكمة بتاعت : اشتري ليك و للسوق و لا لأ .....

الدايهاتسو ماركة محدش يختلف عليها و معروفة ...... بس هل سوقها ماشي ..... ؟!!!! التريوس انا ملاحظ انها منتشرة يمكن مش بصورة مكثفة , بس منتشرة ... و مش اي حد للأسف يشتريها الا عن اقتناع تااااام ليها ....

السعر بالنسبة لعربية بالمنظر دا مقبول ....... سعرها : 126 ألف ....... و دي الخمسة راكب , في الجراند تيريوس بتبتدي من 136 و لحد 176 ألف ....

الصراحة انا قلقان منها ....... عكس والدي تماماً اللي مطمن لها الى حد ما ..... :)

ربنا يقدم اللي فيه الخير بمشيئته سبحانه و تعال ...... و في انتظار آرائكم :)

**ahmedbibo** · 03-07-2010 05:39 AM

عربيه فعلا ممتازه وعمليه جدا بس مش بتاعت جرى خالص ولا غرز ولا الكلام ده عايزه عائله وواحد سواقته هاديه وعاليه عن الارض افضل حاجه فى مصر وبصراحه الكل بيشكر فيها وعلى فكره انت لو دخلت العربيه جوه المقارنه هتلاقى الرأى و الرأى الاخر بين التيدا و التريوس و الاتنين جامدين على فكره وشكلها شيك اوى اوى اوى ربنا يبركلكم فيها ويديك خيرها ويكفيك شرها ويملهالك بركه ان شاء الله ويحفظها من كل سوء و عين يارب

وعربيه تستاهل على فكره انا شوفت (حازم الكاديكى المعلق) فى مدينه نصر معاه واحده زيها فضى

**ahmedbibo** · 03-07-2010 05:50 AM

طب والد حضرتك ليه مفكرش فى الفيتارا عربيه شيك جدا و التابلوه شاكلوا اللطف و شكلها الخارجى احسن بس يلا الى يقدموا ربنا كويس

بس معرفش سعرها كام بس عربيه تستاهل والاتنين حلوين جدا جدا

**Alios** · 03-07-2010 06:38 AM

المشاركة الأصلية كتبت بواسطة ahmedbibo

عربيه فعلا ممتازه وعمليه جدا بس مش بتاعت جرى خالص ولا غرز ولا الكلام ده عايزه عائله وواحد سواقته هاديه وعاليه عن الارض افضل حاجه فى مصر وبصراحه الكل بيشكر فيها وعلى فكره انت لو دخلت العربيه جوه المقارنه هتلاقى الرأى و الرأى الاخر بين التيدا و التريوس و الاتنين جامدين على فكره وشكلها شيك اوى اوى اوى ربنا يبركلكم فيها ويديك خيرها ويكفيك شرها ويملهالك بركه ان شاء الله ويحفظها من كل سوء و عين يارب

وعربيه تستاهل على فكره انا شوفت (حازم الكاديكى المعلق) فى مدينه نصر معاه واحده زيها فضى

هيا من نحية ان العربية مش بتاعت غرز ..... فأكيد مش بتاعت غرز خالص .....
العربية عائلية و الكل عارف كدا طبعاً .....

و العربية بجد شكلها شيك جداً و برستيج ( يعني متكسفكش في اي مناسبة رسمية : فرح و خلافه ) ... كبيرة و عالية و واسعة .... و شكلها الطف من التيدا ..... بس زي ما قلت لحضرتك التابلوه بتاع التريوس بسييييط جداً مش زي تابلوه التيدا ..... لكن دي عادة الياباني ...... الكفاءة أولاً ثم الرفاهية ثانياً ....

انا دخلت العربية من جوا ... و طبعاً حاجة تانية ..... كفاية انك قاعد مستريح سواء قدام أو ورا ... و انا ملاحظ ان دا العادي من دايهاتسو على فكرا ..... لأن انا شفت دايهاتسو سيريون ( على الرغم ان سعرها مبالغ فيه و على الرغم ان العربية شكلها صغير نسبياً ) بس واسعة جداً من جوا ..... و الجراند تيريوس ( مش محتاجة كلام ... ) ...

و يمكن نكون استعجلنا شوية في حكاية العربية دي ..... بس استعجالنا اظن انه طلع في محله ... لأننا برده مجبناش اي حاجة ..... و الدايهاتسو عموماً كله بيشكر فيه و اعرف ناس كتيير معاها التريوس صراحة مطلعوش عيب منها ....

ربنا ان شاء الله يحفظنا من كل سوء منها و من كل عين فيها ..... و الف شكر على ردك الجميل و المتواضع جداً ...

المشاركة الأصلية كتبت بواسطة ahmedbibo

طب والد حضرتك ليه مفكرش فى الفيتارا عربيه شيك جدا و التابلوه شاكلوا اللطف و شكلها الخارجى احسن بس يلا الى يقدموا ربنا كويس

بس معرفش سعرها كام بس عربيه تستاهل والاتنين حلوين جدا جدا

السوزوكي انا باحترمها جداً جداً ...... و لو كان بامكانيتنا نجيبها كنا جبناها ( بس الميزانية للأسف متسمحش ) ....

الجراند فيتارا عربية اكيد مش وحشة ..... بس السعر اعتقد للمانيوال 135 ألف ( دا العادي من الياباني :) )

و الميزانية 130 بالعافية ......... و حط مليون خط تحت بالعافية دي :)

ده زائد ان السوزوكي الله اعلم بتقفيله ( لحد دلوقتي اللي اعرفه تقفيل هندي ... لكن على 135 ألف , ما اظنش ان التقفيل هندي )

على العموم الاتنين كويسين .... و الاتنين شكلهم احلى من بعض ....

و اذا كان على التابلوه بتاع التريوس .... فمش مشكلة , البساطة مش عيب برده :) .... كفاية برده اني ح اتمتع بتكييف تلاجة ... و براحة و أمان ...... ما السيراتو تابلوهها عسل , لكن تعال للأمان و الراحة تقلق منها برده ....

ربنا يقدم اللي فيه الخير , و زي ما قلت لحضرتك ... احنا يمكن اتسرعنا , بس انا جيت افكر فيها , لقيت ان تسرعنا برده مش في اي حاجة و الدايهاتسو ماركة معروفة و شديدة برده ..... :)

الف الف شكر على ردودك الجميلة ..... :)