القول الفصل فى الصنى الاوتو ماتيك

**elgdawy2007** · 05-01-2012 12:44 PM

المشاركة الأصلية كتبت بواسطة dolly13

تقييم رائع واعاد لى الثقة فى العربية
انا بقالى سنة بافكر فيها و وبجدية لكن كلام الاعضاء عنها بيخوفنى منها وبالذات ان بعض الاراء بتقول ان عفشتها ناشفة
وانا كل اللى يهمنى فى العربية ان العفشة تبقى ناعمة زى الفيرنا والبومة كدة
لكن لى سؤال ممكن يبقى غبى شوية
انا اعرف ان السوبر صالون فيها اى بى اس ولحد دلوقتى دايما اسمع ان فيه مشاكل لو استخدم بطريقة معينة يعنى بدل مايمنع الحوادث احيانا بيكون سبب فيها وانا من هواة المانيوال فكنت عايزة اعرف هى الصنى العادية مش سوبر صالون حلوة والا لا
مع الشكر

انا اشتريت صنى ex صالون سياره ممتازه والعيوب السابقه فى التزييق الخاص بالكراسى والابواب لا تقفل جيدا واستهلاك البنزين العالى والكنبه الخلفيه الديقه وتسارع الفتيس الاوتو وبطىء استجابته كلها تم علاجها فى موديل 2012 والسياره ممتازه جدا المهم الاستخاره اولا قبل كل شيىء وزى مقال الاستاذ احمد بالفعل السياره بنت حلال ومحترمه جدا وانا عن نفسى راضى جدا بشكلها وعلى فكره فيه ملحوظه هامه اوى عشان فيه ناس بتقرص على الموتور بعد 170 كيلو احب اعرف الاخوه الافاضل هؤلاء ان مانوال السياره محدد اقصى سرعه يكون فيها الموتور مرتاح بدون مشاكل بعد كده ان السرعه القصوى ليها 170 كم ساعه حتى الكاوتش الخاص بها مكتوب عليه 15r/6/185 ومعنى حرف r ده اليى ناس كتير متعرفش معناه مع الاسف ان اقصى قوه تحمل ليه بتكون 170 كم ساعه عشان محدش يتجاوز السرعه دى ويعرض نفسه للخطر لا قدر الله وكله حيكون ساعتها على حساب الموتور والكاوتش وممكن كمان لا قدر الله يكون على حساب الشخص الراكب فى السياره لذلك انصح وبشده عدم تجاوز السرعه المكتوبه بالمنوال الخاص بالسياره غير كده بقى لو حد حب يمشى على سرعه اكبر من ذلك يبقى يشترى bmwمستعمله وخلاص نظرا لتوافر وسائل الامان فيها والسماح بسرعه اكبر من 170 كم فى الساعه ارجوا ان اكون اوجزت واحسنت والله المستعان

**AHMADKAMAL1** · 05-01-2012 01:26 PM

انا معايا صني سوبر صالون 2009 عاملة 45000 كيلوا الشكل الجديد انا بحب اوضح حاجات مهمة جدا
اولا : نيسان في مصر بتصنع في مصنع نيسان المملوك بالكامل لنيسان اليابان مدير المصنع نفسة ياباني
ومعظم المهندسين يابانين يعني حجة التقفيل المصري اللي دايما يتكرر غير مبررة لان الناس دول ملتزمين وعمرهم ما هايضحوا بسمعتهم.

ثانيا: اكذوبة ان العربية غول بنزين انا باعمل 380-400 كيلو جوة البلد 30-33 لتر بنزين ولما باسافر اسكندرية رايح جاي 35 لتر من 450-480 كيلو. وعلسان توفر فى البنزين خليك على اقل من 3000 RPM.

العربية دي انا سعيد جدا بيها لها مميزات كثيرة منها انها اعتمادية جدا تستحمل السفر شنطة العربية واسعة جدا ودة اللي مخلي العربية ضيقة شوية فى الكرسى الخلفي التكييف تلاجة ولم يعطل مرة واحدة ولكن هناك بعض الاجراءات كلى تحافظ على التكييف فى فصل الشتاء لابد من تشغيل التكييف مرة واحدة علي الاقل لمدة 10 دقائق كل شهر غسل السربنتينة بالماء كل فترة كل 20000 الف راجع علي شحن الفريون فى التوكيل.

سحب العربية ممتاز لكنة بيتاثر جدا بحاجتين في الاول بالبطارية عشان كدة انا بنصح بتغيير البطارية السائلة ببطارية جافة بعد السنة الاولى. لما العربية تجي تشد وتجري بتتاثر جدا بفلتر الهوا علشان كدة انا كنت بغيرة كل15000 الف وبنضفة كل 2000 كيلو ببلور هواء علشان انتم عارفين مشكلة التراب فى مصر. وبعد كدة العربية بتبقى طلقة وبتجيب معايا 170-180 بسهولة. وحليت مشكلة الفلتر نهائيا انى جبت فلتر امريكى بيعقد مدى الحياة اسمة k&n من شركةTPS GRAGE فى الحرفيين وبتنضف كل 50000. الف كيلو وبيتزيت بمادة 120 جنية وهو تمنة 400-430 جنية.
العربية دى انا جبتها بعد دراسة كاملة فى السوق لمدة 4 شهور وفيها كل عوامل الامان. ABS,EBD,BA الخاص بالفرامل و كمان 2 air bags وكمان بارات صلب لزيادة ثبات العربية ولذلك ثبات العربية جميل جداوكمان نظام ضد السرقة nats العربية بتفصل كهربا لما تستخدم مفتاح احر مصطنع. كل دة 103000 الف جنية.
بصوا للسوق وشوفوا العربيات بالامكانت دى بكام اما البكانتو 2011 1300 cc
96000 جندى.
نصيحة علشان تحس ان العربية ناعمة والعفشة تبقى حلوة حط نيتروجين وظبطة على 30 ورا و32 قدام.
غيروالزيت واستخدموا valvoline او lquimoly انا فرق معايا جدا لما غيرت موبيل1*
وجبت فالفولين واستهلاك البنزين فرق معايا جدا.
واخيرا انا قرات معظم التعليقات عن النيسان صنى وللاسف معظمها عن طريق السمع وليس التجربة
واى استفسار انا فى الخدمة.

**M.Nabeeh** · 05-01-2012 01:37 PM

كلام جميل

**Dr'AhmZZong** · 05-01-2012 04:57 PM

إيه ده إيه ده .. إيه الكلام التحفة ده .. بصراحة كلام حضرتك يخلي الواحد يجيب صني وهو مرتاح .. أنا معايا صني 2010 و نيسان تيدا 2011 وبصراحة والحمدلله لازلت بحبها عن نيسان تيدا مش عارف ليه .. مع إن التيدا اكبر منافس للهوندا سيفيك ..
أذواق بقى ..
الصني عايزة واحد فاهمها.. هتديله كل اللي هو عيزه وزيادة كمان ..

**Youssef.Awad** · 05-01-2012 05:05 PM

المشاركة الأصلية كتبت بواسطة احمد عزت

طب تعالو نحسب حسبه صغيره
التانك فى العربيات التانيه بيعمل 500 كيلو وسعر ملأ التانك 100 جنيه لو فرضنا زياده الاسعار شويه
ولو قولنا انت هتعمل بالعربيه 100 الف كيلو وتاخد خيرها وتبيعها يعنى هتملا التانك 200 مرة بكام
( مره200 *100 جنيه يساوى 20 الف جنيه )

مع الصنى فى 50 كيلو بيقعو كل تانك
لو ضربنا ال 50 كيلو دول بردك فى نفس ال 200 مره هيطلعو 10 الف كيلو فرق
تانك الصنى بيعمل 450 كيلو والتانك تمنو 100 جنيه
يعنى اقسم 10000/450 يساوى 22 مره نضربهم فى سعر التانك يطلع الفرق 2200 جنيه بس

(هل بقى فرق 2200 جنيه دول يخلوك تجيب عربيه كورى ارخص زى الاكسنت وتضيع الثبات والامان والبرستيج والتوكيل الكويس .........او يخلوك تجيب عربيه سيراتو مع احترامى ليها ازيد ب 20 الف او كورولا او ..او...او)

لازم بجد نقدر الامور بحجمها ونشوف نصف الكوبايه المليان مش الفاضى علشان بجد ما نضللش حد وربنا يوفق الجميع .........واعذرونى للاطاله ...............انا عارف انى رغاى ............اخوكم فى الله احمد عزت

حسبة مذهلة ومقنعة جدااااااااا
وقريب جدا هاعملكم تقرير حصريا لنايل موتورز مفصل عن استهلاك النيسان صنى مانيوال لبنزين 92 على مدار سنة ونصف كاملة و60 الف كم و150 زيارة لمحطة البنزين باليوم والكمية والعداد والنتيجة هاتكون صاعقة لاغلب ركاب الصنى فى مصر

وكمان هايكون فيه صور لمؤشر عداد البنزين اللى ربى الخفيف لملاك الصنى وما يقابلها من كمية الوقود وعداد الكيلومترات على عربيتى

المشاركة الأصلية كتبت بواسطة احمد عزت

........المهم حطينا الكرسى بتاع السيفيك فى الصنى بس من غير تظبيط كتخيل للمنظر وركبت مكان السواق وظبط قعدة الكرسى وقعدت ورايا والمفاجأه انك هتلاقى مساحة فضيت ببتاع 7 سم خلتنى اضم رجليه ورا الضهر مرتاح بدل ما انا كنت بقعد وواخد ضهر الكرسى بين رجليه ...............وخرجت بقى وتخيلت منظر العربيه بالكرسيين الامامين بلونهم الازرق فى الاسود والضهر الطويل ده وان الكنبه زى ماهيه بس بفرش جلد نفس اللون.......وسرحت شويه انى ممكن افك الجنوط الحديد ده واحط مكانها جنوط اسبور نفس المقاس 15 بردو يعنى من غير تغير كاوتش ولا حاجه ...........وشويه سرحت اكتر ان البابين يفتحو لفوق بس فجأه فؤت على زعيق صاحبى بيقولنا يا ولاد التييييت رجعوا الكراسى زى ما كانت

......................
وسألت صاحبى فى اللى فكرت فيه ده قالى بسيطه ياباشا
كرسين ريكارو استيراد يكلفوط الف ونص ....وتعين كراسيك فى بيتكم لما تبيع العربيه
جنط سبور 15 ماليزى يكلفك من 2 الى 2.5 الف

فكرت كده يبقى الحسبه 90.5 الف عربيه من اوتو ايجيبت (اوتو بايرباج واى بى اس وكل الكماليات وسينسور هديه
.....واركب الكرسين والجنوط نفس المقاس الموصى به ب 4 الف ونيتروجين ادام 30 وورا 24 ب 20 جندى ....وفلاشايه 8 جيجا عليهم عبد الحليم وام كلثوم وكارم محمود وعمرو دياب ب 200 جنيه .....واجيب 4 لمض موديول فيليبس اليابانى من اللى نورهم ابيض اللى شبه الزينون مش الزينون الصينى العادى ده ابو جهاز واشيل اللمض الاصليه واركب دول مكانهم وجوة التوكيل علشان ما نلعبش فى حاجه ويبقى الكشافات والفوجات بقت بتنور ابيض اقوى وقريب من الزينون

وتبقى الحسبه 95 الف جنيه .....................ولسه بردو ما وصلناش لسعر الالنترا الفاضيه اوتوماتيك

بس المرادى معاك عربيه حكايه وكل اللى هيشوفها هيوقفك يسألك ده ازاى وبكام ؟؟؟؟

رؤية تصورية مستقبلية رياضية نيسانوية
بس مش عارف ليه الصنى مش بيليق عليها الاكسسوارات الكتير دى
باحسها اكتر وقورة ورصينة وقوية برضه بس عربية ليها هيبة كده ومحترمة ع الطريق جريتها مش بالساهل كده زى الكورى الخفيف هو واللى راكبه

**Youssef.Awad** · 05-01-2012 05:06 PM

المشاركة الأصلية كتبت بواسطة elgdawy2007

حتى الكاوتش الخاص بها مكتوب عليه 15r/6/185 ومعنى حرف r ده اليى ناس كتير متعرفش معناه مع الاسف ان اقصى قوه تحمل ليه بتكون 170 كم ساعه عشان محدش يتجاوز السرعه دى ويعرض نفسه للخطر لا قدر الله وكله حيكون ساعتها على حساب الموتور والكاوتش

اسمحلى اوضح حاجة بسيطة
185: عرض المداس بالمللى
60: نسبة جوانب الاطار الى المداس وفيها اشارة لعرض بروفايل الكاوتش
r: وهو اختصار لكلمة radial والمقصود بيها قطر الجنط او بالاصح قطر الاطار من الجزء الفارغ فى المنتصف وليس اشارة للسرعة القصوى
15: قطر الجنط بالبوصة
بالنسبة لرموز الكاوتشات دى فيه جنب المقاس المشار له على سبيل المثال (92H) وده اللى بيدل على السرعة القصوى اللى بيتحملها الاطار وهنا H=210 KM/HR فى درجة حرارة 52.5 مئوية وال92 بتدل على الاحمال القصوى لكل اطار وتتراوح حسب الرقم وحمولة السيارة ووزنها
الخلاصة طبعا اتفق مع حضرتك فى الالتزام بالسرعات والاحمال المنصوص عليها من قبل المصنعين انفسهم واضيف ايضا الالتزام بمواصفات الاطارات الاستوك لأن اختيارها يتم بناءا على دراسات وحسابات معقدة لا نهاية لها وليس بناءا على الشكل والمقاس زى ما الكثير بيعملوا فى عربياتهم من تعديلات

-

-

-

الموضوع: القول الفصل فى الصنى الاوتو ماتيك

LinkBack

أدوات الموضوع

عرض

-

-

-

المواضيع المتشابهه

يا ريت القول الفصل فى الفيات ال 126

ما هو القول الفصل فى بيجو 206

القول الفصل , لوجان - إسبيرانزا ..

القول الفصل فى استهلاك byd

القول الفصل في البروتون اوتماتيك

الكلمات الدلالية لهذا الموضوع

المفضلات

المفضلات

ضوابط المشاركة