الموضوع: محتار أجيب سكودا أوكتافيا أو رينو فلوينس

الأخوة الأفاضل
مش ممكن تاني و تالت و رابع ..!!!
انا مش مصدق لحد دلوقتي ان الحوارات في المقارنة ممكن تدار بـ ( اعتقد - شايف - ممكن - تقريبا ... ضفر و شعر )
عالم الأرقام يحل كل شيء عدا مقياس الجمال و الراحة النفسية
طبعا من أهم شروط المقارنة تثبيت السعر ( أو ب 10 % )
فطبعا انت كده بتقارن أعلي فلوينس بأقل اوكتافيا ( و لسه موفر كتير )
واحد يقولك الاوكتافيا ادائها افضل .. بالبركة كده ؟! .. ماهو فيه منحني عزم و قوة و وزن عربية يثبت ان الفلونس افضل !
واحد يقولك الأوكتافيا أوسع و أريح .. ماهو بالأرقام الفلونس الأوسع و الأريح لحد ربع مليون جنيه
الثبات علي المنحنيات .. فيه معامل ميل معروف و برضه لصالح فلونس
ده حتي ال drag force لأيروديناميكية العربية أعلي في الفلونس
و أختي معاها أوكتافيا A5 2008 علي فكرة و هي عربية جميلة .. ماحدش عاقل و بيتكلم بحيادية يقول ان اي واحدة بضفر التانية
بس لو معايا 160 الف جنيه .. طبعا هاجيب فلونس ..
( علي فكرة ميجانتي موديل 2005 .. ماكانش فيها هيا نفسها مشكلة .. ده كان السوفت وير .. و عملوه بعد 3 شهور .. و اقسم بالله من كتر اعتماديتها بطلت اروح للتوكيل أو اعمل لها صيانة )