الموضوع: للأعضاء الطنطاوية عايزين نعمل المقابلة الثالثة

المشاركة الأصلية كتبت بواسطة pro_samir

كالعادة مقابلة جميلة جدا وشباب أجمل

بداية التجمع وانا ماشي معدي جنب عربية لانوس ماشية لاقيت واحد فيها بيناديلي ازيك يا بشمهندس قعدت اقول مين دة وعرفني منين آآآآه دة احمد باستو لا مؤاخذة يا احمد ههههه اصلي مش مجمع ودماغي مقلوبة انت عارف جاي من الشغل ، وبعدين بشوفة راكب مع مين الانوس بتاع مجدي لونها اسود ودي كحلي وببص لاقيتة مجدي ما علينا يبقي العربية كحلي وانا مباخدش بالي :))

وبعدين واحنا بنركن كان كريم VIP كمان وصل وبيركن

و وصل محمد MOE و احمد عادل

وبعدين وصل محمد (حمادة عزو)

وقفنا نرغي لحد الساعة 9 وبعدين طلعنا علي الكافية

وفي الطريق بقي ناس تاهت وناس خدت طريق رأس الرجاء الصالح

وكنت ماشي انا وحمادة عزو مع بعض وسبقتة بشوية علي الكوبري كدة وبعدين لاقيتة جاي بسرعة من اليمين فا قلت أرخم كاني هقفل علية ... هدي وبعدين جة جنبي لاقيتة مش هو ههههه يادي النيلة علي الانسر زي الرز وكمان نفس اللون ولحق جة منين حمادة كان لسة ورايا ، قعدت اشاور للراجل اعتذرلة مفهمش حاجة قلتلة خلاص خلاص اتفضل ههههه

وصلت انا وحمادة و وقفنا قبل الكافية بشوية مستنيين وعربية لادا معدية فيها عيال صغيرة و واحد منهم طالع من الشباك وعمال يقول هييية هييية مقابلة نايل موتورز !! عرفنا منين دة ! وعارف كمان ان في مقابلة !

اتضح بعد كدة انة قريب احمد باستو وانة كان مسيطنا بس اموت واعرف الواد عرفنا منين كنت انا وحمادة بس لسة محدش وصل وضهر العربيات كان ناحية الرصيف يعني مشافش الاستيكر

ثم وصل وصل خالد منصور ،، قصدي خالد أيمن هههه بعربية أجدع من الفيكترا بكتير بس الراجل بتاع البارك معرفش لية طوء العربيات كلها ما عدا هي هههههه

وبعدين جة محمد رفعت وأخيرا شوفناة

اتكلمنا في حاجات كتير عن المنتدي والعربيات والتوكيلات ومواضيع عامة وضحكنا أكتر والقعدة كانت جميلة جدا جدا

و في ناس قضو نص القعدة مع الشيشة وناس قضو نصها مع الموبايل (مش هقول مين) بس كويس انهم حضرو وشوفناهم الحمد لله :))

والناس اللي اعرفهم من قبل كدة كانو واحشني كتير طبعا ومبسوط جدا اني شوفتكم (مجدي واحمد باستو وحمادة عزو وخالد أيمن) والناس اللي لسة اول مرة اشوفهم (محمد MOE واحمد عادل و كريم vip ومحمد رفعت) فعلا مبسوط جدا اني اتعرفت عليكم وبرضو حاسس اني اعرفكم من زمن مش اول مرة نتقابل


وزي ما اتفقنا ان شاء الله المرة الجاية في المريلاند الخميس الجاي

ونتمني نشوف ناس اكتر واكتر

انا قاعد بشوف الكلام الساعه 4 ونص وانا مش بشوف بليل اصلا ونمت في نص الكلام وصحيت بس هو مين اللي كان بيتكلم في الموبيل

حلو الملخص دة يا مهندس سمير , و يمكن صاحبنا اللى بيتكلم كتير فى الموبايل دة عنده خط ولا حاجة
و تصحيح بس , هو اسمه أحمد عبدالله مش أحمد عادل , بس أنا عارف ان حضرتك سمعت كدة لأنه بيتكلم بسرعة
مش عارف ازاى ماحدش افتكر يأخد صورة جماعية, عموما متعوضة المقابلة الجاية ان شاء الله , و نشوف الناس الكتير اللى ماجوش النهاردة