الموضوع: اشترى لانسر 1600 اوتوماتيك من عند اباظه ولا استرجل واركب سيراتو؟؟؟

المشاركة الأصلية كتبت بواسطة m7amd_7amdy

مين بس قالك انى متضايق؟

دانا حتى مبسوط أهو



الأول بس تعديل صغير

هيا 124 حصان مش 126

وياسمسم باشا مش لازم نقتنع انها أقل من 124 حصان عشان بس انت مش شايفه 124 حصان :)

والشركة اللى بتقول انها 124 حصان مش إحنا وأدى الدليل :)





فى معلومة كنت قريتها منك ان عربيتك تقريبا بتطلع 175 حصان ( بسم الله ما شاء الله )

هل ينفع أجى دلوقتى مثلا بإفتراض اقولك انا مش شايف عربيتك دى تطلع 175 حصان

ودى تطلع 140 حصان مثلا؟؟

بيتهيألى مش منطقى الكلام ده

حتى لو قولت الكلام ده عن تجربة وليكن سايق عربية بتطلع 200 حصان وعربيتك بتطلع 175

ممكن انت تجيبنى وتسبقنى كمان

عشان فى عوامل كتيييييير ممكن تتسبب فى كده

حالة العربية - ضغط الهوا - الطريق - والأهم من ده كله (( السوااااق ))

وأخيرا وليس أخيرا إحنا مش فى سباق

دى عربية مدينة وماتورها لايمكن أبداا أبدااا نقول عليه ضعيف

ودى جديدة بصراحة بالنسبالى اول مرة اشوف حد بيقول عليه ضعيف

ياباشا ربنا يبسطك على طول يارب ويبعد عنك اى زعل

بالنسبة للعربية انا ماقولتش ماتورها ضعيف يعنى مش توكتوك

شوف انا مقتنع تماما ان اى عربية حديثة سريعة وقوية وطالما سرعتها بتعدى ال180 تبقى سيارة قوية
لان حضرتك كدة لو جيبت اى عرببية هتلاقى السرعات متقاربة كلهم بيوصلوا تقريبا لسرعة 200 كيلو بس اللى بيخلى دية تتفوق على دية بتوصل ليها فى قد اية

وانا ماقولتش ان السيراتو وحشة ولا ماتورها ضعيف بالصورة اللى انتوا فهمتهوا
انا اللى اقصدة انها مش سحب ولا تسارع عربية يطلع من ماتور قوتة 124 او 126 حصان

وبالنسبة ل126 حصان ففى واحد هنا جاب اثباتات انها 126 حصان مش هتفرق
وربنا يباركلكوا فى عربياتكوا ويحفظهالكوا

ونيجى لموضوعنا الرئيسى المقارنة بين السيراتو واللانسر :

1 : الشكل سيراتو

2 : الاوبشن : سيراتو

3 : رحابة الصالون : سيراتو (فارق ضئيل )

4: التكنولوجيا : سيراتو

5 : الثبات : متقاربين جدا

6: التحمل : للانسر

7 : قوة التكييف : لانسر

8: تسارع : متقاربين فى حالة الفتيس ds للانسر

9 : نعومة العفشة : للانسر

10 : رخص قطع الغيار وتوافرها : لانسر

11 : استهلاك البنزين : لصالح اللانسر

12 : سعر اعادة البيع : لصالح اللانسر

13 : نظام التعليق : لصالح اللانسر