الموضوع: اشترى لانسر 1600 اوتوماتيك من عند اباظه ولا استرجل واركب سيراتو؟؟؟

المشاركة الأصلية كتبت بواسطة احمد عزت

شكرا يانورمال باشا والله كان نفسى احضر المقابله ده بس معلش بقى عندى نوبتجيات فى المستشفى وطالع عينى .......وبجد نفسى اتعرف عليك انت ورجاله الكيا الجمال............ونفسى بقى اعزمك انت ودكتور احمد سامى وزواوى وباقى رجاله السيراتو فى نادى اكتوبر عندى واعملكم يوم جامد ....بس ادعولى بقى يكون وسواس الاشاعات بتاع السيراتو ده راح من عندى واجيب سيراتو.............انت عارف يا نورمال هضحكك .....من كتر اشاعات العربيه ده بقيت كل ما اشوف عربيه سيراتو افضل اضغط بايدى على صاج العربيه ده مع ان معظم العربيات كده .......لحد ما واحد قافشنى النهارده فى النادى كنت بين عربيتان واحده منهم سيراتو جنط 16 والتانيه 17 بضغط بركبتى كده براحه على الباب الامامى من تحت والاقيلك صاحبها طلعلى من تحت الارض يقولى يابنى انت دكتور عيب تعمل كده .......بس الحمد لله طلع واحد صاحب ابويا اعرفو ...........ولما سألتو عنها قالى زى الف وفكك من الاشاعات وحط فلوسك على فلوس ابوك وهاتها وريحنى بقى ...بجد انا نفسى بقى اجيبها وياسلام لو لون ابيض .....ربنا يوعدنى يارب

إن شاء الله ربنا يكرمك بيها لو كان فيها خير ليك يا أحمد إن شاء الله
وإن شاء الله تشرفنا فى مقابلات قادمه وتكون مالك بإذن الله

المشاركة الأصلية كتبت بواسطة tatooo_2011

انا معايا بومة 1600 كويتى 122 حصان سبورت و ابن خالتى معاة سيراتو جنط 16و تكييف تاتش و فتحة سقف
الخلاصة فى المقارنة بينهم مع العلم الأتنين حايبنهم زيرو الصيف اللى فات
1-التكيف: البومة
2-الرفاهية و الكماليات: السيراتو
3-الأتساع الداخلى: السيراتو
4-جودة التقفيل: البومة بصراحة السيراتو تقفيلها مش عاجبنى
5-الثبات على الطريق: البومة
6-التسارع: تقريبا زى بعض و هو حلو جدا و السيراتو ماتورها مش ضعيف خالص زى م الناس بتقول
7-الفرامل: الأثنين ممتازيين
8-استهلاك البنزين: الأثنين ممتازين
9- العفشة: البومة اقوى و تستحمل اكثر
10- السيرتو بحس انها مريحة عن البومة
11- قطع الغيار: الأتنين قطع غيارهم منتشرة

-فى ملاحظات على السيراتو: 1- بعد ما عملت 10 الااف كيلو صوت الماتور على و يعلى جامد ويبقى مزعج
لما تعمل kick down

2- السيارة بقت تحدف يمين


فى النهاية جرب الأتنين و شوف هترتاح فى انهى اكتر

يا باشا بس البومة ال 1600 106 حصان صافي ولو حضرتك عاوز تتاكد ابعت للمهندس طارق على الخاص اتاكد منه تمام

المشاركة الأصلية كتبت بواسطة m7amd_7amdy

أول مرة أسمع الكلام ده !!!

طب صغر حجم الكنبة ممكن تتبلع مع إنها تاخد 3 مستريح جداا

لكن الفرامل دى مستحيييييييل

دى الفرامل بتاعت السيراتو دى من أحسن الحاجات اللى فى العربية كلها

على رأيى نورمال

أنا بدعو حضراتكم تشرفوا المقابلة ويكون الكلام عملى اكتر وتجربو العربية

عشان واضح ان حضرتك مجربتش العربية ولا ركبتها ولا جربت فراملها

http://www.nilemotors.net/nile/162987-a.html

وتحياتى ليك ومتشكر لحضرتك على النقاش الهادى ده :)

الصراحه موضوع الكنبه بتاخد 3 مستريح اشك فيه للسنه الي جايه الا اذا حضرتك قست الموضوع على 3 عيال , معلش انا عندي في الشارك بتاخد 3 مستريح والمفروض والواقعي ان كنبه الشارك اكبر من السيراتو ودي بقى مفش فيها جدال معلش وبتاخد 3 مستريح انما السيراتو تاخد 3 وكل حاجة بس مزنقين
ثانيا يظهر حضرتك مش اخدت بالك من ان كنت بقول ان الفرامل هتقل في المستقبل مش بقول بعد بكره بالليل واي عربيه اساسا فراملها جااااااااااامدة وهي زيرو لكن مع الوقت والاستهلاك بتضعف يعني انا مش هنسي كانت فيه ناس بتشتكي من فرامل السيراتو الموديل الي قبل ده والعربيه كانت اتوماتيك !!!!!!!!!!!!!! ولا النوبيرا جت بعد سنتين فرامل بتحتاج رجلشه كل شوي ولا الفيرنا الي الناس دلوقتي اصبحت تشتكي منها مع ان طول عمرها بتتميز بالفرامل القويه .

اه بالمناسبه لو حضرتك ركبت حاجة " محترمه " قبل السيراتو تقدر تقولي ايه الافضل من حيث العفشه والثبات ؟؟؟؟؟؟